Hér lætur Guðbjörg Ósk SH 251 úr höfn í Sandgerði í júnímánuði 2003 að mig minnir. Lítur ólíkt betur út í dag þó gjörbreyttur sé.

1354. Guðbjörg Ósk SH 251 ex VE. © Hafþór Hreiðarsson.

Grímsey ST 2, smíðaður í Hollandi 1955, sama ár og hét upphaflega Sigurbjörg SU. Er gerður út frá Drangsnesi og þá aðallega á dragnót held ég.

741. grímsey St 2 ex Auðbjörg II SH 97. © Hafþór.

Ólafur Magnússon HU 54 hét upphaflega Þórir GK 251 og síðar SF 77. Í dag Steinunn AK. Smíðaður hjá Stálvík í Garðahreppisem í dagheitir Garðabær.

1236. Ólafur Magnússon HU 54 ex Þórir SF 77. © Hafþór.

Þennan þarf vart að kynna. Skarfur GK 666 upphaflega Sléttanes ÍS.

1023. Skarfur GK 666 ex Eyjaver VE. © Hafþór.

Þessi stoppaði svo stutt hér á landi að það er ekkert meira um það að segja. Hann var jú smíðaður í Danmörku og hét áður Sevryba 2. Rámar í að það hafi þó tekist að stytta einkennisnúmerið niður um 300 áður en hann var seldur til Kanada.

2550. Sléttbakur EA 304 ex Sevryba 2. © Hafþór.

Þórarinn GK í Grindavíkurhöfn. Smíðaður á Akureyri 1954 og hét upphaflega Auðunn EA. Ef ég man rétt var Þórarinn GK hans síðasta nafn. Hvað varð um hann veit ég ekki í svipinn.

335. Þórarinn GK 35 ex Þórarinn KE18. © Hafþór.

Hér kemur Stafnes inn til hafnar í Sandgerði um árið. Smíðað í Hollandi eins og menn vita. Upphaflega Sigurborg SI 275. Hogginn í spað í Danaveldi.

980. Stafnes KE 130 ex Sigurfari ÓF 30. © Hafþór.

Hér er mynd sem sýnir Geysi BA sigla inn Skjálfanda á leið til Hafnar á Húsavík.

1608. Geysir BA 25 ex Lómur Hf 177. © Hafþór.

Það eru bara Suðurnesin á þetta í dag og hér er Sigrún GK 380 á leið inn innsiglinguna í Grindavík. Þessar myndir sem ég er að birta í dag, eða aðrar úr sömu syrpu, hafa birst áður.

1173. Sigrún GK 380 ex Sæþór KE 70. © Hafþór.

 

 

Hér kemur Kristbjörg ÞH 44 til hafnar á Húsavík. Veitir ekki af skveringu þarna en hún fór í slipp að vertíð lokinni.

1420. Kristbjörg ÞH 44. © Hafþór Hreiðarsson.

Hér er Friðrik Sigurðsson ÁR 17 að koma inn til Hafnarfjarðar í den. Lítið breyttur þarna en þó búið að byggja yfir hann.

1084. Friðrk Sigurðsson ÁR 17 ex Jóhann Friðrik ÁR 17. © Hafþór

Hér er mynd af Matthildi SH 67 en í þessum skrifuðu orðum er verið að farga henni vestur á Ísafirði eins og sjá má hér. Hrönn ÍS er hennar síðasta nafn. Smíðuð í Svíþjóð 1963 og hét eins og menn vita Guðbjörg ÍS í upphafi.

241. Matthildur SH 67 ex Hrönn. © Hafþór Hreiðarsson.

Þau eru falleg glitskýin sem skreyttu himininn hér á Húsavík og víða á Norðurlandi í morgun.

Á Vísindavefnum segir að glitský myndist í heiðhvolfinu, oft í 15-30 km hæð og sjáist helst um miðjan vetur, um sólarlag eða við sólaruppkomu.

Á fréttavef Morgunblaðsins  segir veðurfræðingur á Veðurstofunni að glitskýin séu svo hátt í himinhvolfinu að hafi þau sést bæði á Húsavík og á Akureyri og ætla megi að þau hafi sést víðast hvar þar sem yfirhöfuð sást til himins í morgun. (mbl.is)

Glitský á himni 27. desember 2011. © Hafþór Hreiðarsson.

Mér var boðið í skötuveislu í verbúðina til Adda stýssa í dag, Þorláksmessu. Þetta er annað árið í röð sem svo er og spurning hvort þetta sé þá orðið að hefð ? Tók pabba með mér en reyndar borðuðum við siginn fisk sem var í boði en slepptum skötunni. Afbragðsmatur og vel verkaður hjá Adda. Kartöflur, rófur, hamsatólgur og rúgbrauð, þvílík veisla. Annars sögðu hinir að skatan hefði bragðast mjög vel, enda fengin vestan af fjörðum. Síld var einnig á borðum og létu menn vel af henni. Aðrir veislugestir voru Siggi stýssi, Alli Bjarna, Siddi Sigurbjörns, Kristján Össa, Einar Ófeigur Magnússon og Lojarinn.

Siddi hlær að þessu öllu saman. © Hafþór 2011.

Kallarnir bíða eftir matnum. Sigurður Sigurðsson og Hreiðar Olgeirsson.



Arnar Sigurðsson gestgjafi dagsins. © Hafþór 2011.



Árni Logi Sigurbjörnsson vígalegur að vanda. © Hafþór 2011.



Árni Logi, Siddi, Einar Ófeigur og Hreiðar. © Hafþór 2011.