Jæja það er lítið að ske á þessari síðu þessa dagana. Var að fá mér nýja tölvu og er svona að læra aðeins inn á hana og það tekur sinn tíma. Þá er 640.is tímafrek síða en það er engin afsökun. Hér kemur mynd sem Eiríkur frændi minn Guðmundson sendi mér í dag. Hana tók hann í gær og sýnir hún togskipið Bergey VE.

Hér er ein gömul sem sýnir Sóley ÞH 349 á siglingu. Sjálfsagt búinn að birta hana áður en hvað um það. Hét áður Fúsi SH og síðar Leó ÞH. Spurning hvar hann er núna, sá hann síðast upp á trailervagni á leið suður.

1688. Sóley ÞH 349 ex Fúsi SH. © Hafþór Hreiðarsson.

Frosti ÞH liggur í höfn á Eskifirði vegna brælu og tók Gundi þessa mynd af Jóni Kjartanssyni SU í dag. Það átti að landa úr Jóni og eins að gera eitthvað við flottrollið að sögn Gunda.

1525. Jón Kjartansson SU 111 ex Hólmaborg SU 11. © Gundi 2012.

Lágey ÞH 265 kom að landi á Húsavík í dag með fimm sex tonna afla sem fékkst á línuna í kantinum norður af Flatey.

Hér er ein síðan um árið þegar við fórum á Geira litla að eltast við Grímseyingana á Skjálfanda. Og báturinn er Sæbjörg eins og menn sjá.

2047. Sæbjörg EA 184 ex Linni SH 303. © Hafþór 2009.

Grænlenska loðnuskipið Erika lá við bryggju á Húsavík síðustu daga en lagði úr höfn um miðjan dag í dag. Við það tækifæri tók ég nokkrar myndir og hér er ein þeirra.

Erika GR-18-119 ex Birtingur NK 119. © Hafþór Hreiðarsson 2012.

Hér mynd sem ég tók af Blika frá Dalvík fyrir nokkrum árum, sennilega 2009. Alltaf þótt hún skemmtileg, Hríseyjarferjan og Grenivík í baksýn. Og það hefur fleirum þótt því hún fór víða í haust og vetur þegar hann var auglýstur til sölu. Og síðan seldur til Suðureyrar eins og komið hefur fram. Þetta er flottur bátur en eitt lýti hafði hann þó, amk.  þegar hann var á Dalvík. 

Hér koma nokkrar myndir sem ég tók þegar var verið að landa úr Lágey þann 30. desember sl. en hún var síðasti báturinn sem landaði á Húsavík árið 2011. Og þeir voru með þetta 5-6 tonn kallarnir.

Þarna liggur Lágey undir krananum. © Hafþór 2011.



Lúkas ísar í körin á bryggjunni. © Hafþór 2011.



Sammi klár með endann. © Hafþór 2011.



Ekki viss hvað hann heitir þessi. ©  Hafþór 2011.



Lúkas Damian. © Hafþór 2011.

Jæja það er best að byrja árið, Vodafone sá til þess að maður kom því ekki í verk í gær. Og ekki er amalegt að byrja í safni Þorgríms sem sendi mér þessa af Geira Péturs. Mönnum þótti hann frekar sjoppulegur á myndinni hjá mér um daginn og voru það orð að sönnu.

1207. Geiri Péturs ÞH 344 ex Sigurbergur GK 212. © Þ.A.

Set bara sömu nýárskveðjuna hér og fór á 640.is. Menn bara lesa Skipamyndasíðuna í huganum í stað 640.is

Surtsey VE klakabrynjuð við bryggju í Reykjavík, sennilega 1973 segirmyndasmiðurinn Þorgrímur.

1245. Surtsey VE 2. © Þ.A

Hér kemur mynd Þ.A af togaranum Bjarna Benediktssyni RE 210 við bryggju í Reykjavík. Á Wikipedia segir að Bjarni Ben sé fyrsti stóri skuttogarinn sem Spánverjar smíðuðu fyrir Íslendinga. Hann kom til Reykjavíkur 16. janúar 1973.

1270. Bjarni Benediktsson RE 210. © Þ.A.

Sjávarborgin á leið inn Sundin. Skrokkurinn smíðaður í Póllandi en skipið fullklárað á Íslandi og afhent frá Slippstöðinni 1981. Hét þá á skipaskrá Þórunn Hyrna. Seld til Svíþjóðar 1993.

1586. Sjávarborg GK 60 ex Þórunn Hyrna. © Hafþór.

Eftirfarandi texta birti ég á síðunni fyrir nokkrum árum en hann tók ég af síðu sem dagur.net hét:

Kom frá Caglíarí á Sardeiníu þaðan sem skipið var keypt. Á Ítaliu hét skipið Lucia Garrau og var byggt árið 1971 í Genua og þá sem rækjutogari. Skipið hafði verið á veiðum við strendur Senegals. Söltunarfélag Dalvíkur hf sem þá rak rækjuvinnsluna á Dalvík var kaupandi skipsins.

Frá Ítalíu fór skipið til Fridrikshavn í Danmörku þar sem vinnsluvélar fyrir rækju voru settar um borð og það endurbyggt að nokkru. Hingað til lands kom svo skipið í enda júní þetta ár (1977) fyrsti rækjutogari í eigu Íslendinga. Snorri Snorrason var skipstjóri á skipinu við rækjuveiðarnar en hann er viðurkenndur frumkvöðull á sviði úthafsveiða á rækju og Dalborg EA 317 allatíð verið samofin sögu hans og þessara veiða.

1481. Dalborg EA 317 ex Lucia Garrau. © Hafþór.