Skipamyndir Hafþórs Hreiðarssonar

Færslur: 2018 September

30.09.2018 11:33

Arnar ÁR 55

Þessi er farinn í pottinn en myndina tók ég þegar Arnar ÁR 55 var á rækju og kom stundum til Húsavíkur og landaði frosinni rækju. Nánar tiltekið var myndin tekin 1. júní 2012.

1056. Arnar ÁR 55 ex Þorleifur Guðjónsson ÁR. © Hafþór 2012.

 

29.09.2018 19:02

Wilson Newcastle

Þar sem ég lá í Sjóböðunum á Húsavíkurhöfða í gærkveldi fylgdist ég með ljósum flutningaskipsins Wilsons Newcastle sem dólaði úti fyrir höfðanum meðan beðið var hafnsögumanns. Í hádeginu lét Wilson Newcastle úr höfn og hefur lónað hér úti fyrir í dag. 

Ég fór á fyrrnefndan höfða og skaut nokkrum römmum á skipið sem smíðað var árið 2011.

Það er skráð á Möltu með heimahöfn í Valletta. 123 metra langt, 16 metra breitt og mælist 6.118 GT að stærð.

Wilson Newcastle. © Hafþór Hreiðarsson 2018.
 
 
 
 

29.09.2018 00:55

Hásteinn ÁR 8

Jón Steinar tók þessa mynd af Hásteini ÁR 8 koma til hafnar í Grindavík.

Hásteinn ÁR 8 var keyptur hingað til lands frá Svíþjóð árið 1986 en hann var smíðaður í Karlstad 1984. Hann fékk nafnið Örn SH 248. Hann var seldur til Vestmannaeyja þar sem hét hann áfram Örn en varð VE 344.

Árið 1992 var hann seldur til Stokkseyrar og fékk núverandi nafn. 

1751. Hásteinn ÁR 8 ex Örn VE 344. © Jón Steinar Sæmundsson 2018.

25.09.2018 21:44

Helga María á leið í slipp

Maggi Jóns tók þessa mynd á dögunum af Helgu Maríu AK 16 á leið upp í slippinn í Reykjavík.

Eins og sjá má á myndunum er hún nýmáluð og fín en skrúfu- og stýrislaus. Það var erindið upp í slippinn aftur að fá stýri og skrúfu.

1868. Helga María AK 16 ex Haraldur Kristjánsson HF. © Maggi Jóns 2018.

 

1868. Helga María AK 16 ex Haraldur Kristjánsson HF. © Maggi Jóns 2018.
 

23.09.2018 22:12

Enniberg

Ennibergið færeyska var í Reykjavík og Maggi Jóns myndaði það þar sem verið var að taka nýja togvíra um borð.

Togarinn er 70 metralangur, 14 metra breiður og mælsit 2.578 GT að stærð. Smíðaár 1990.

Enniberg TN 180. © Magnús Jónsson 2018.

 

Enniberg TN 180. © Magnús Jónsson 2018.

21.09.2018 15:38

Ingunn AK 150

Hér kemur Ingunn AK 150 að bryggju á Akranesi 27. júní árið 2002.

Ísleifur VE 63 í dag.

2388. Ingunn AK 150. © Hafþór Hreiðarsson 2002.
 

19.09.2018 17:05

Ísleifur VE 63

Hólmgeir Austfjörð tók þessa mynd í dag þegar Ísleifur VE 63 kom til hafnar í Eyjum af makrílmiðunum.

2388. Ísleifur VE 63 ex Ingunn AK. © Hólmgeir Austfjörð 2018.

 

17.09.2018 22:42

Hörður Björnsson ÞH 260 aftur

Í gær var það bakborðhliðin á Herði Björnssyni ÞH 260 sem bar fyrir augu síðulesara en í kvöld er það stjórnborði séð svona framan á hann.

264. Hörður Björnsson ÞH 260 ex Gullhólmi SH. © Hafþór 2018.
 

16.09.2018 13:02

Hörður Björnsson ÞH 260

Línuskipið Hörður Bjönsson ÞH 260 kom til löndunar á Húsavík nú fyrir hádegið og tók ég þessa mynd af honum.

Það er GPG Seafood ehf. sem á og gerir Hörð Björnsson út og er hann með heimahöfn á Raufarhöfn.

Upphaflega hét skipið Þórður Jónasson, fyrst RE 350 en lengst af EA 350. Smíðaður í Noregi 1964.

GPG keypti hann frá Stykkishólmi árið 2015 en þar hét hann Gullhólmi SH 201.

264. Hörður Björnsson ÞH 260 ex Gullhólmi SH. © Hafþór 2018.

 

15.09.2018 11:04

Grettir SH 104

Hér koma myndir af Gretti SH 104 leggja úr höfn á Húsavík 15. nóvember árið 2004.

Rúmum fimm árum áður kom báturinn úr breytingum frá Póllandi og svo sagði frá í Morgunblaðinu 18. ágúst 1999:

Grettir SH 104 kom til heimahafnar í Stykkishólmi sunnudaginn 8. ágúst eftir gagngerar endurbætur í Póllandi. Eftir breytingarnar er um nýtt skip að ræða. Aðeins vél og spil eru frá gamla skipinu. Smíðaður var nýr skrokkur, stýrishús og gálgar. Skipið var stytt um 1,50 m metra og mælist 29 metra langt. Breidd skipsins var aukin og er Grettir nú 8,10 metra breiður. Öll aðstaða áhafnar er ný. Svefnrými er fyrir níu manns, borðsalur og setustofa og er öllu vel fyrir komið. Grettir var byggður í Noregi árið 1963. Hann var keyptur til Stykkishólms árið 1983 þegar Sæfell ehf. festi kaup á bátnum. Hann var kominn til ára sinna og var því ráðist í endurbæturnar. Leitað var tilboða í að endurbyggja skipið frá grunni. Langlægsta tilboðið kom frá Vélasölunni Nauta í Gdynia í Póllandi. Það var tæplega þrisvar sinnum lægra en það tilboð sem kom frá íslenskri skipasmíðastöð. Samningar voru undirritaðir í byrjun nóvember sl. Skipið sigldi síðan til Póllands 5. apríl. Skipasmíðastöðin afhenti skipið á tilsettum tíma Allt verkið tók alls 107 daga og það vekur athygli að verktími stóðst upp á dag en það er óvenjulegt í svona stóru verki. Heimssiglingin tók síðan sjö daga. Það var Verkfræðistofan Fengur í Hafnarfirði sem teiknaði skipið, bauð út verkið og hafði umsjón með verkinu. Grettir SH 104 mælist nú 290 brúttótonn. Skipið er tilbúið til skelveiða og mun fljótlega hefja veiðar, því skelvertíð er að byrja í Stykkishólmi. Í áhöfn skipsins verða sjö menn og er skipstjóri Páll Guðmundsson. 

 

Grettir heitir í dag Vestri BA 63.

182. Grettir SH 104 ex Ólafur Ingi KE. © Hafþór Hreiðarsson 2004.

 

182. Grettir SH 104 ex Ólafur Ingi KE. © Hafþór Hreiðarsson 2004.

 

182. Grettir SH 104 ex Ólafur Ingi KE. © Hafþór Hreiðarsson 2004.

13.09.2018 18:17

Garðar

Hvalaskoðunarbáturinn Garðar var að koma inn áðan og tók þessa mynd við það tækifæri.

Um Garðar segir á heimasíðu Norðursiglingar:

Garðar, áður Sveinbjörn Jakobsson frá Ólafsvík, er 103 brúttórúmlestir (109 brt) og tæpir 28 metrar á lengd. Skipið er eitt af þeim síðustu af þessari stærðargráðu sem eftir er í þokkalegu standi og raunar er ástand bátsins mjög gott enda er útgerðarsaga þess einstök. Skipið var smíðað í Esbjerg árið 1964 fyrir útgerðarfélagið Dverg í Ólafsvík og var gert út þaðan samfellt þangað til því var lagt sumarið 2006. Stuttu síðar keypti Norðursigling bátinn og á síðustu árum hefur mikil vinna farið í breytingar og endurbætur. Garðar er lengsti eikarbátur í notkun á Íslandi, rúmgóður og þægilegur fyrir farþega.

260. Garðar ex Sveinbjörn Jakobsson SH. © Hafþór Hreiðarsson 2018.

12.09.2018 20:40

Ísborg ÍS 250

Rækjuskipið Ísborg ÍS 250 kemur hér til löndunar á Húsavík 15. ágúst 2010. Nú fer að styttast í því hjá þessu fræga skipi sem smíðað var í Austur-Þýskalandi árið 1959.

78. Ísborg ÍS 250 ex Vatneyri BA. © Hafþór Hreiðarsson 2010.

11.09.2018 21:52

Hersir RE 162

Þessa mynd fékk ég senda með spurningu um hvort ég vissi um hvaða bátur þetta sé á myndinni. Eftir bollaleggingar við Hauk Sigtrygg og uppflettingu í Íslensk skip erum við á því að þetta sé Hersir RE 162.

Hersir var smíðaður árið 1915,  hann var 12 brl. að stærð smíðaður úr eik og furu.  Vél 22 ha. Tuxham. Báturinn var smíðaður fyrir Jón Halldórsson, Reykjavík.

Hersir fórst í róðri 21. janúar 1919 með fimm manna áhöfn. 

Hersir RE 162. Aðsend mynd - Ljósmyndari óþekktur.

11.09.2018 19:59

Hafborg EA

Langt síðan þessi bátur hefur birts hér á síðunni enda legið við bryggju á Akureyri allt þetta ár. Hafborg EA 152 sem nú er EA 242 eftir að nýja Hafborgin leysti hana af hólmi.

Upphaflega Stapavík AK 132.

2323. Hafborg EA 152 nú EA 242. © Hafþór Hreiðarsson 2009.

10.09.2018 22:24

Dala-Rafn og Ottó N

Hólmgeir Austfjörð tók þessa mynd í morgun af Ísfélagsskipunum Dala-Rafni VE 508 og Ottó N Þorlákssyni VE 5 við bryggju í Eyjum.

2758. Dala-Rafn VE 508 - 1578. Ottó N Þorláksson VE 5. © Hólmgeir 2018.
Flettingar í dag: 1277
Gestir í dag: 92
Flettingar í gær: 1349
Gestir í gær: 177
Samtals flettingar: 8903269
Samtals gestir: 1950427
Tölur uppfærðar: 13.12.2018 09:27:19
 










Eldra efni

clockhere

Tenglar

Um mig

Nafn:

Hafþór Hreiðarsson

Farsími:

8956744

Heimilisfang:

Sólbrekka 29

Staðsetning:

Húsavík

Heimasími:

4642030

Önnur vefsíða:

www.640.is