Línuveiðarinn Fjølnir GK 157 liggur hér við slippbryggju í Gdansk í Póllandi. Þar sem hann hefur verið í breytingum sem senn sér fyrir endann á. Hét áður Ocean Breeze GK 157 og þar áður Rifsnes SH 44. 

1136. Fjølnir GK 157 ex Ocean Breeze GK. © Bjarni Ásmundsson 2015.

Hér kemur mynd af Náttfara koma úr hvalaskoðun í dag en nú fer hvalaskoðunarvertíðinni á Húsavík að ljúka þetta árið.

993. Náttfari. © Hafþór Hreiðarsson 2015.

Hafborg KE 12 kemur að landi í Sandgerði í marsmánuði 2005. Smíðaður í Bátalóni 1981. Hét upphaflega Már NS 87 frá Bakkafirði. Sævar KE í dag.

1587. Hafborg KE 12 ex SU. © Hafþór Hreiðarsson 2005.

Hér koma tvær myndir af Njáli RE 275, teknar með nokkurra ára millibili. Búið að breyta honum talsvert á þeim báðum frá upphaflegu útliti en hann var smíðaður 1980 í Bátalóni.

1575. Njáll RE 275. © Hafþór Hreiðarsson.

1575. Njáll RE 275. © Hafþór Hreiðarsson.

Aflaskipið Steinunn SH 167mun prýða Skipamyndadagatalið 2016 og það strax í janúarmánuði. Þökk sé Alfons vini mínum sem lánaði mér myndir af henni.

Eins og áður hefur komið fram mun þetta verða sjöunda árið sem ég læt útbúa dagatal með skipamyndum og það verða bæði bátar sem eru á skrá í dag og aðrir sem horfið hafa af skrá. Litlir og stórir og myndir eftir mig og nokkra aðra áhugaljósmyndara.

Áhugasamir geta pantað dagatalið á korri@internet.is en verðið er 3000 kr.

Sigurgeir frændi minn Pétursson sendi mér þessar myndir sem hann tók í  Ushuaia Í Argentínu í gær. Þær sýna farþegaskipið Ocean Endeavour við bryggju en skipið lenti í hremmingum í ís þar suður frá nánar tiltekið við Suðurskautslandið. Stórt gat kom á síðuna en það komst þó heilu og höldnu til hafnar og eins og sjá má eru viðgerðir hafnar.

Talsvert gat sem kom á Ocean Endeavour. © Sigurgeir Pétursson 2015.

Ocean Endeavour. © Sigurgeir Pétursson 2015.

Ocean Endeavour við bryggju í Ushuaia. © Sigurgeir Pétursson 2015.

Frosti ÞH lá inná Ísafirði á dögunum en bræla var úti fyrir. Gundi tók sér kvöldgöngu með myndavélina og hé rmá sjá afraksturinn. Amk. hluta af honum.

2433. Frosti ÞH 229 ex Smáey VE. © Gundi 2015.

968. Glófaxi VE 300 ex Arnþór EA. © Gundi 2015

1451. Stefnir ÍS 28 ex Gyllir ÍS. © Gundi 2015.

78. Ísborg ÍS 250 ex Vatneyri BA. © Gundi 2015.

1327. Arnarborg ÍS 260 ex Gunnbjörn ÍS. © Gundi 2015.

Ingi og Máni við bryggju á Húsavík. Bátarnir eru í eigu Dodda Ásgeirs ehf. sem Þórður Birgisson stýrir. Ingi er smíðaður á Akranesi en Máni á Seyðisfirði.

2484. Ingi ÞH 198 - 1920. Máni ÞH 98. © Hafþór Hreiðarsson 2015.

Línuskipið Hörður Björnsson ÞH lætur hér úr höfn á Húsavík fyrir 10. mínútum eftir að hafa landað í morgun.

264. Hörður Björnsson ÞH 260 ex Gullhólmi SH. © Hafþór Hreiðarsson 2015.

Hörður Björnsson ÞH 260 mun prýða dagatal Skipamynda 2016 og það í ágústmánuði.

Þetta mun verða sjöunda árið sem ég læt útbúa dagatal með skipamyndum og það verða bæði bátar sem eru á skrá í dag og aðrir sem horfið hafa af skrá. Litlir og stórir og myndir eftir mig og nokkra aðra áhugaljósmyndara.

Áhugasamir geta pantað dagatalið á korri@internet.is en verðið er 3000 kr.

Í upphafi vikunnar fékk dragnótabáturinn Haförn ÞH 26 veiðafærin í skrúfuna þar sem hann var að veiðum um 4 sjm. SA af Flatey. Við það varð hann vélarvana og fór Jón Kjartansson, bátur Björgunarsveitarinnar Garðars, og dró hann til hafnar á Húsavík. Á myndinni eru björgunarsveitarmennirnir að koma Haferninum að bryggju.

7717. Jón Kjartansson-1979. Haförn ÞH 26. © Hafþór Hreiðarsson 2015.

Altaire LK 429 fiskaði vel, var með 2050 tonn af makríl, landaði hluta í Pelagia Selje, c.a. helming og svo restina hérna hjá okkur í Pelagia Måløy skrifar Áki sem tók þessar myndir þegar Altarier var leiðinni á miðin aftur. 

Altaire kemur frá skosku eyjunni Shetland og siglir undir Breskum fána. Altiare er stærsta uppsjávarskip Skota 76,43 metra langt, 15 metra breitt og var byggt af skipasmíðastöðinni Havyard Solstrand AS árið 2004. Aðalvélin er af gerðinni Wärtsilä 8533 hestöfl.

Altaire LK 429. © Áki Hauksson 2015.

Altaire LK 429. © Áki Hauksson 2015.

Hér kemur mynd af Víkingi AK 100 sem HB Grandi er með í smíðum í Tyrklandi. Systurskip Venusar NS sem kom fyrr á árinu. Áætlað er að Víkingur komi heim fyrir jól en myndina tók Börkur Kjartansson vélstjóri.

2882. Víkingur AK 100. © Börkur Kjartansson 2015.

Þessa mynd tók Gunnar Páll hafnarvörður á Raufarhöfn í lok október of sýnir hún línuskipið Þórsnes SH 109 koma til hafnar á Raufarhöfn. Þórsnes hét upphaflega Keflvíkingur KE 100.

967. Þórsnes Sh 109 ex Marta Ágústsdóttir GK. © Gunnar Páll 2015.

Þessa mynd tók ég út á Tjörnesi í vikunni, nánar tiltekið við bæina Steindal og Syðri Tungu. Þar hefur legið lengi lítill bátur og hef ég nokkrum sinnum farið að mynda hann. Setti þessa mynd á Fésbókina og þar kom m.a fram í athugasemdum að um væri að ræða trillubátinn Gamm sem Hermann heitin Aðalsteinsson bóndi á Hóli átti.

Þegar ég las það mundi ég eftir mynd sem ég er með í fórum mínum sem sýnir trillubát á síldveiðum með lagnet. Þar eru Tjörneingar á á veiðum, og einn þeirra Hermann á Hóli. Það er því spurning hvort þar sé Gammurinn á ferðinni.

Trillubátur og norðurljósin. © Hafþór Hreiðarsson 2015.   Gammur á síldveiðum ?. © Hreiðar Olgeirsson.