Tók þessa við höfnina um miðjan daginn, í suðri má sjá móðuna frá Holuhrauni. Fjórir eikarbátar sjást á myndinni, þrír smíðaðir á Akureyri.

Við höfnina á Húsavík. © Hafþór Hreiðarsson 29.09.2014.

Hef nú birt þessa mynd Sigúsar Hilmis Jónssonar af Jónínu ÍS áður en báturinn var til umræðu á Fésbókinni í dag þannig að ég birti myndina aftur til gamans. 

2142. Jónína ÍS 930 ex Glóðanes. © Sigfús Hilmir Jónsson.

Imaq Fisk heitir báturinn á myndinni en fékk skömmu síðar nafnið Skotta HF 172, árið er 1991. Keyptur frá Grænlandi en smíðaður í Noregi 1986. Fékk síðar einkennisstafina KE 45. Þá varð hann Eldborg RE og svo SH áður hann var seldur úr landi 1997. Heitir Polarhav í dag og er í norska fiskiskipaflotanum.

Imaq Fisk GR-8-249. © Hafþór Hreiðarsson.

Gulltoppur ÁR 321 rennir hér inn í höfnina hans Þorláks á vetrarvertíðinni árið 2005. Smíðaður í Þýskalandi 1961 og hét Árni Þorkelsson KE í upphafi. Heitir Happasæll KE í dag.

13. Gulltoppur ÁR 321 ex Snætindur ÁR. © Hafþór Hreiðarsson 2005.

Hólmsteinn GK 20 kemur að landi eftir róður á vetrarvertíð 2005.

573. Hólmsteinn GK 20 ex Hafdís GK. © Hafþór Hreiðarsson 2005.

Eyrún ÁR 66 lætur úr höfn í Þorlákshöfn. Árið er 2005 en báturinn var í íslenska flotanum árin 2000-2006. Smíðaður 1989 í Skotlandi.

2476. Eyrún ÁR 66 ex Sparkiing Line. © Hafþór Hreiðarsson 2005.

Landlega haustið 1989 að ég held. Bræla á miðunum og rækjubátarnir komu til hafnar á Húsavík. Auk heimabáta má sjá þarna Styrmi VE 82 og Hafdísi ÍS 25.

Landlega. © Hafþór Hreiðarsson.

Skálafell ÁR að koma til hafnar í Reykjavík. Upphaflega Hoffell SU og var smíðaður í Noregi 1959.

100. Skálafell ÁR 50 ex Haförn SK. © Hafþór Hreiðarsson.

Hvalaskoðunarbáturinn Faldur er þarna á sínum fyrstu árum í þeim bransa ef ekki bara fyrsta.

1267. Faldur ex Faldur ÞH 153. © Hafþór Hreiðarsson.

Þorsteinn GK 16 hét upphaflega Torfi Halldórsson ÍS og var smíðaður á Ísafirði 1971. Síðar Tjaldur SH 270 og Svanur SH 111 áður en hann fékk Þorsteinsnafnið.

1159. Þorsteinn GK 16 ex Svanur SH 111. © Hafþór Hreiðarsson.

Fossá ÞH, kúffiskveiðiskip sem var í eigua Þórshafnarbúa, leggur hér að bryggju á Húsavík.

2404. Fossá ÞH 362. © Hafþór Hreiðarsson.

Þorsteinn Gíslason GK 2 var einn af þeim bátum sem maður myndaði oft þegar farið var í Grindavík til að mynda. Upphaflega Árni Geir KE en heitir Jökull SK í dag.

288. Þorsteinn Gíslason GK 2 ex Árni Geir KE. © Hafþór Hreiðarsson.

Þessa mynd tók ég fyrir allmörgum árum við höfnina á Sauðárkróki. Tvö af þessum stærri skipum eru enn í útgerð, þ.e.a.s Röstin og Klakkur. 

Við höfnina á Sauðárkróki. © Hafþór Hreiðarsson.

Skuttogarinn Venus HF 519 lætur úr höfn í Reykjavík í fylgd dráttarbáts sem hafði aðstoðað hann við manúeringar við brottför.

1308. Venus HF 519 - 2487. Jötunn. © Hafþór Hreiðarsson.

Örni KE 13 við bryggju í Krossanesi. Smíðaður í Noregi og bar fyrst einkennisstafina RE og númerið 1.

1012. Örn KE 13 ex Örn SK 50. © Hafþór Hreiðarsson.