Þá er maður farinn að huga að dagatali Skipamynda fyrir árið 2014. Sem verður það fimmta í röðinni ef af verður. Fer allt eftir áhuga og eftir því sem menn panta fyrr, því betra. Búinn að vera skoða myndir þessa árs og andskoti eru margir bláir bátar á ferðinni. Eru menn alveg hættir að mála þá rauða ?

Verðið verður vonandi á svipuðum nótum og í fyrra en áhugasamir geta skráð sig fyrir dagatali á korri@internet.is

Hér sjáum við Jökul aftur og nú er það stjórnborðshliðin sem fær að njóta sín.

259. Jökull ÞH 259 ex Margrét HF. © Hafþór Hreiðarsson 2013.

Fjölveiðiskipið Jökull ÞH frá Raufarhöfn lét úr höfn á Húsavík í dag. Hjalti skipstjóri tók nokkra hringi fyrir mig enda skipið nýkomið úr slipp og fallegt að sjá. Ekki þó eins falleg og það gæti verið því rauði liturinn fór því vel eins og menn muna. En ný heimahöfn eins og sjá má því áður var heimahöfnin Húsavík. Jökull er nú á fiskitrolli og það getu r meira en vel verið að fleiri myndir munu birtast enda margar myndir teknar þegar siglt er hring eftir hring fyrir mann.

259. Jökull ÞH 259 ex Margrét HF. © Hafþór Hreiðarsson 2013.

Fyrst Þórður Jónasson var á ferðinni hér á síðunni í gær er ekki úr vegi að birta mynd af Ólafi Magnússyni í dag. Reyndar birt þessa áður en skannaði hana upp á nýtt og reyndi að gera hana betri. Hvort það tókst læt ég liggja milli hluta en Óli Magg var byggður í Brattavogi.

161. Ólafur Magnússon EA 250. © Hreiðar Olgeirsson.

Hér kemur ein gömul sem sýnir Þórð Jónasson EA koma að landi í Krossanesi. Með fullfermi skyldi maður ætla. Gullhólmi SH í dag.

264. Þórður Jónasson EA 350 ex RE. © Hafþór Hreiðarsson.

Makrílbáturinn Fjóla kemur hér að landi í Keflavík. Fjóla , sem var smíðuð  á Skagaströnd 1978, var aflahæsti smábáturinn sem stundaði makrílveiðar í fyrra. Spennandi að sjá hvar hún endar í ár.

1516. Fjóla GK 121 ex SH. © Hafþór Hreiðarsson 2013.

Maron GK kemur til hafnar í Njarðvík en það er hans heimahöfn í dag. Maron er elsta stálfiskiskip flotans í dag, smíðaður 1955 í Hollandi.

363. Maron GK 522 ex HU. © Hafþór Hreiðarsson 2013.

Makrílbáturinn Máni II frá Eyrarbakka á siglingu til hafnar í Keflavík. ISOið komið í hæstu hæðir þarna en það varð að nýta ferðina. Máni II hét áður Bresi AK og var smíðaður í Svíþjóð 1987. Búið að lengja hann auk annara breytinga.

1887. Máni II ÁR 7 ex Bresi. @ Hafþór Hreiðarsson 2013.

Makrílbáturinn Gosi KE á veiðislóðinni í síðustu viku. Hef trú á að hann sé nefndur eftir nafna sínum ÞH, þeim fyrri. Maron siglir hjá.

1914. Gosi KE 102 og 363. Maron GK 522. © Hafþór 2013.

Kominn heim eftir stutt frí, tók þessa mynd í síðustu viku af Maron GK á landleið.

363. Maron GK 522 x HU. © Hafþór Hreiðarsson 2013.