Það er ekki seinna að vænna ef maður ætlar að setja eitthvað meira hér inn í febrúarmánuði. Enn er tími þökk sé hlaupári. Og þar sem fyrsta rækjulöndunin á árinu hér á Húsavík var í dag er upplagt að birta mynd af rækjubát á toginu. Þetta er Kristbjörg ÞH 44 og ef ég man rétt tók ég myndina í Bakka- eða Héraðsflóa. Þessi bátur hefur það rólegt þessi árin en sá bátur sem landaði hér í morgun var Jökull ÞH 259 og var rækjuafli hans 90 kör eftir því sem lönsunarmenn tjáðu mér. Og rækjunni var keyrt til Siglufjarðar til vinnslu.

1009. Kristbjörg ÞH 44 ex Kristbjörg II ÞH 244. © Hafþór Hreiðarsson.

Á heimasíðu skipasölunnar Álasunds í Reykjanesbæ segir að frystitogarinn Frosti frá Grenivík hafi verið seldur til Kanada þar sem hann muni þjóna nýjum eigendum. Þessa mynd tók ég af Frosta á sínum tíma þegar hann kom úr breytingum hjá Slippstöðinni á Akureyri.

2067. Frosti ÞH 229 ex Jóhann Gíslason ÁR. © Hafþór.

Börkur Kjartans sendi mér þessa mynd sem hann rakst á fórum sínum og sýnir hún Súluna að síldveiðum á Breiðasundi. Aldrei of margar myndir af Súlunni. Á bak við hana aftanverða sést grilla í drottninguna sem svo var kölluð. Margrét EA var hennnar opinbera nafn og þarna er hún að bíða eftir síld úr nótinni hjá Súlunni.

Þorgrímur sendi mér þessa mynd af Súlunni þar sem hún er að dæla úr nótinni. Veit ekki hvaða ár hún var tekin en það skiptir svo sem engu. Stemmingsmynd engu að síður.

Samkvæmt mínum heimildum hefur útgerð Markúsar ÍS 177 keypt stálbátinn Valgerði BA 45. Þessa mynd hér að neðan tók meistari Alfons árið 2007 en upphaflega hét báturinn Friðrik Bergmann SH 240 og síðar Bára SH 27. Smíðaður hjá Ósey 1999 en eins og flestir vita var skrokkurinn fluttur inn frá Póllandi. 

Þar sem loðnuvertíðin stendur nú yfir er ekki úr vegi að birta þessa mynd úr safni Þorgríms. Hún er tekin í Þorlákshöfn og sýnir stemminguna á loðnuvertíðum hér áður fyrr.Þarna er einn, spurning hver hann er, undir löndunargræjunum og tveir bíða löndunar. Myndin er nú sennilega tekin snemma dags þar sem fáir bátar eru í höfn, allir á sjó. 

Börkur frá Hraunkoti tók þessa mynd af nafna sínum frá Neskaupsstað fyrir helgina. Þarna er nýjasta uppsjávarskip íslendinga á loðnumiðunum en ljósmyndarinn starfar sem vélstjóri á Lundey NS 14.

Útgerðarfyrirtækið Manni ehf. á Akureyri hefur set bát sinn, Eið ÓF 13, til Ísafjarðar. Kaupandinn er Gunnar Torfason sem hyggst gera hann út á innfjarðarrækju og dragnót. Jón Grunnvíkingur tók þessa mynd af Eið á Ísafirði í morgun.

Hér Lemur ein úr safni Þorgríms og sýnir hún Loft Baldvinsson EA 24 (að mig minnir) þiggja úr nótinu hjá öðru skipi. Og spurning dagsins er sú hvaða skip er þarna í hlutverki gefandans ?

Var að fikta í Maccanum í kvöld og þetta er útkoman. Reyndar einhver vetrartrailer en ég valdi nú samt klippur frá Sail Húsavík.

Tveir flottir sagði Steini Pjé um þessa mynd sem hann sendi mér. Plastarinn ekki talinn með enda seint sagður flottur. Falleg mynd hjá Steina.

Það er alltaf hægt að ganga í sarpinn þegar lítið er að mynda og hér kemur ein frá fyrra ári.