Hér kemur Mardís ÞH að landi, sennilega árið 1989. Árni Sigurðsson stýrir fleyinu en Gunnar heitinn Hvanndal klár með endann. Á síðu Árna Björns um skipasmíðar við Eyjafjörð segir að Mardís sé byggð árið 1983 í bátaversktæði Birgirs Þórhallssonar á Akureyri. 6,10 brl. að stærð.

Fékk upphringingu í morgun um að blár bátur sigldi inn Skjálfandann og sennilega væri um Siglunesið frá Siglufirði að ræða. Hentist fram á garð í tækan tíma og náði að mynda bátinn sem reyndist vera Siglunesið. Sennilega komið inn undan veðrinu en báturinn stundar úthafsrækjuveiðar.

Enn er það Þorgrímur Aðalgeirsson sem leggur til myndefnið enda lítið að mynda þessa dagana. Þessa mynd tók hann upp úr 1980 og sýnir kallana á Ásgeir ÞH 198 landa síld sem þeir veiddu í lagnet. Magnús Andrésson er bakoborðsmegin, Birgir Þór Þórðarson er á leið niður í bátinn og ætli það sé þá ekki faðir hans, Þórður heitin Ásgeirsson sem er stjórnborðsmegin. Er samt ekki viss, þeir gætu hafa verið fjórir á.

Hér leggja Addi Júll og hans menn á Háey II í'ann um kaffileytið í dag.

Þessi kappi var einn þeirra sem var verðlaunaður á dögunum af Iðnaðarmannafélagi Reykjavíkur fyrir bestan árangur á sveinsprófi. Sjá meira hér 

Sigurgeir Harðarson tók þessa mynd sem hann segir sýna Gísla Árna RE 375 og vera tekna á Hornafirði.

Hver báturinn og hvar er myndin tekin var spurt um þann 20 nóvember en lítið varð um svör. Reyndar kom rétt svar varðandi það hvar myndin var tekin. En hér kemur loksins önnur mynd í þessari getraun.

Þá kemur mynd Þorgríms Aðalgeirssonar sem sýnir áhöfnina á Kristbjörgu ÞH 44 taka netin í land. Giska á árið sé 1981, kallinn keypti þann græna 1980. En hverjir skyldu vera á myndinni ?

Þá er hann orðinn blár Jökullinn.