Eins og fram hefur komið á öðrum síðum afhenti Trefjar í Hafnarfirði nýja Cleopötru til Bolungarvíkur á dögunum.

Útgerðarfélagið Blakknes ehf á Bolungarvík fékk nú á dögunum afhentann nýjan Cleopatra bát frá Bátasmiðjunni Trefjum í Hafnarfirði.

Að útgerðinni stenda bræðurnir Guðmundur og Jón Þorgeir Einarsynir.  Pétur Jónsson er skipstjóri á bátnum.  Guðmundur Einarsson er þó ekki alveg hættur hann mun verða afleysingaskipstjóri á bátnum.  Þetta mun vera 5 Cleopatra bátur sem fyrirtæki í eigu Guðmundar fá afgreidd frá Trefjum.

Nýji báturinn hefur hlotið nafnið Einar Hálfdáns ÍS-11.  Báturinn er 15 brúttótonn og er í krókaaflamarkskerfinu.  Einar Hálfdáns er af gerðinni Cleopatra 38.

 Aðalvél bátsins er af gerðinni Cummins QSM11 610hp tengd ZF gír.

Báturinn er útbúinn siglingatækjum af gerðinni JRC frá Sónar.

Báturinn er einnig útbúin með vökvadrifinni hliðarskrúfu sem tengd er sjálfstýringu bátsins.  Báturinn er útbúinn til línuveiða.  Línuspil og færaspil er frá Beiti.

Öryggisbúnaður bátsins kemur frá Viking.

Rými er fyrir 12stk 660lítra kör í lest.  Í bátnum er innangeng upphituð stakkageymsla.  Borðsalur er í brúnni auk stóla fyrir skipstjóra og háseta.  Svefnpláss er fyrir fjóra í lúkar auk eldunaraðstöðu með eldavél, örbylgjuofn og ísskáp.

2790.Einar Hálfdáns ÍS 11. © Trefjar 2009.

Aflamaðurinn Guðmundur Einarsson við nýja bátinn. © Trefjar 2009.

Hér kemur mynd frá árinu 2005 sem sýnir línuskipið Jóhönnu Gísladóttur ÍS 7 leggja úr höfn á Húsavík. Þetta var 16. október og var hún að landa 336 körum sem fengust í fimm lögnum í Reyðarfjarðardýpi. Hef reyndar birt áður mynd úr þessari seríu en hvað um það.

1076.Jóhanna Gísladóttir ÍS 7 ex Seley ÞH 381. © Hafþór Hreiðarson 2005.

Tók þessa mynd í dag þegar Fram ÞH 62 kom að landi á Húsavík í dag en báturinn er í eigu Bradda ehf. á Húsavik.

1999.Fram ÞH 62 ex Sigurvin GK 51. © Hafþór Hreiðarsso 2009.

Skonnortan Haukur var tekinn upp í slippinn á Húsavík og stendur nú þar við hlið Bjössa Sör. Ég tók þessa mynd ásamt fleirum þegar Haukur var á leið upp brautina og lesa fréttir af Norðursiglingu hér

1292.Haukur. © Hafþór Hreiðarsson 2009.

1292.Haukur. © Hafþór Hreiðarsson 2009.

Bjarni Ásmundsson sendi mér nokkrar myndir sem hann tók í Nuuk á dögunum. Þær sýna fiskiskip sem  eiga það sameiginlegt að hafa verið skráð á Íslandi. Hér sjáum við það fyrsta en hann hét Ögmundur RE 94 þegar hann var seldur til Grænlands en upphaflega Sæþór ÓF.

OZFH.Anna Kill G8-6 ex Ögmundur RE 94.© Bjarni Ásmundsson 2009.

Það er ekki úr vegi að birta aðra fuglamynd þar sem athugasemdir við Hettumávsmyndina eru fleiri en við bátamyndirnar sem biert hafa að undanförnu. Þessa fálkamynd tók ég í sumar á ónenfdum stað og búinn að kroppa og skerpa líkt og fyrri myndina.

Fálki á flugi. © Hafþór Hreiðarsson 2009.

Tveir bátar báru nafnið Sæberg ÁR 20 og ef ég man rétt hét útgerðin Flesjar ehf. Hér birtist mynd af fyrri bátnum en hann var 102 brl. að stærð og smíðaður í Þýskalandi. Það væri að æra óstöðugann að fara telja upp nöfnin sem hann bar í gegnum tíðina en upphaflega hét hann Vinur ÍS 102.

163.Sæberg ÁR 20 ex Skarphéðinn RE 317. © Hafþór Hreiðarsson.

Hér kemur einn grænn til en þessi bátur hefur alloft komið fyrir augu þeirra sem sækja þessa síðu heim. Allt frá því að hann var Örfirisey RE á skemmtisiglingu á Skjálfanda til þessarar myndar þar sem heitir Páll Jónsson GK og er enn á siglingu á Skjálfanda.

1030.Páll Jónsson GK 7 ex Goðatindur SU. © Hafþór Hreiðarsson 2006.

Rikki vinur minn hafði orð á því á dögunum að fleiri fuglar mættu sjást á síðunni svo ég ákvað að henda hér inn einni fuglamynd frá sl. sumri. Ég var að fá mér pylsu ásamt konu og dóttur við Selfossbrúnna og þeir voru aðgangsharðir helvítis vargarnir og tók ég þessa mynd af einum. Reyndar búinn að kroppa dálítið og skerpa og þetta er útkoman.

Hettumávur. © Hafþór Hreiðarsson2009.

Hér kemur mynd sem ég fékk senda á dögunum af Freyju ÞH 125. Þarna er hún drekkhlaðin í Húsavíkurhöfn og gaman að sá hvernig fjaran undan bakkanum og Naustagilinu var í gamla daga. Sendandinn getur þess að merkilegt fley megi sjá í fjörunni en ekki geri ég mér grein fyrir hvert það er. Kannski einhverjir sjái það.

421.Freyja ÞH 125 ex Freyja KE 42. © Úr safni Þ.A.

Hér sést Bjarmi BA 326 koma til hafnar í Sandgerði fyrir rúmum áratug eða svo. Þessum bát hefur verið gerð skil hér á síðunni en hann hét lengi Sæþór EA 101 og var smíðaður í Hafnarfirði 1973. Fyrst í eigu Snorra Snorrasonar á Dalvík en síðar feðganna í G.Ben. á Árskógssandi. Í dag heitir hann Benjamín Guðmundsson SH 208 frá Ólafsvík.

1318.Bjarmi BA 326 ex Bjarmi ÍS. © Hafþór Hreiðarsson.

Maður hér í bæ, Stefán Helgason, kom að máli við mig fyrir nokkru síðan og spurði mig hvort ég ætti mynd af Sigfúsi Bergmann GK 38. Hann hefði verið á honum á síldveiðum 1967 eða. Skipstjórinn var húsvíkingur, Pálmi Karlsson að nafni, og fleiri húsvíkingar í áhöfn. Man nú ekki hvaða nöfn hann taldi upp nema Agnar Harðarson var í vélinni. Ef einhverjir sem þetta lesa muna þetta væri gaman að sjá það í athugasemdum hér að neðan. Þar er nefnilega hægt að koma með ýmsan fróðleik sem ég hef ekki hugmynd um.

Auðvitað átti ég enga mynd af bátnum en leitaði á náðir Tryggva Sig. og hann reddaði þessari mynd af bátnum sem við sjáum hér að neðan.

Um bátinn vissi ég svo sem ekki mikið annað en hann var smíðaður í Þýskalandi og mig minnti að hann ætti hér systurskip sem upphaflega hét Skarðsvík en síðast Arnþór EA og hefur honum verið gerð skil hér. Þó vissi ég að hann hafði verið seldur úr landi og þá sennilega fyrir Hafrenning GK.

Í hinni stórgóðu ritröð Íslensk skip segir um Sigfús Bergmann GK 38:

Hann var smíðaður í Þýskalandi 1962, var 155 brl. að stærð búinn 495 hestafla Lister aðalvél. Eigandi var Hafrenningur hf. í Grindavík og 1966 var báturinn lengdur og mældist þá 181 brl. að stærð. 1979 var skipt um aðalvél, 600 hestafla Mirless Blackstone kom í stað Listervélarinnar. Bátrunn var endurmældur þetta sama ár og mældist þá 155 brl. að stærð. Sigfús Bergmann var seldur til Danmerkur árið 1982.

179.Sigfús Bergmann GK 38. © Tryggvi Sigurðsson.

Uppsjávarveiðiskipið Börkur NK 122 frá Neskaupsstað kom til hafnar á Húsavík í hádeginu í dag. Samkvæmt upplýsingum frá hafnarverði var erindið að ná í mann. Börkur hefur verið á síldveiðum að undanförnu og virtist eitthvað vera í honum.

Ég man ekki til þess að Börkur hafi komið til Húsavíkur áður en það má samt vel vera.

Ekki veit ég hvað eftir er af gamla Devonshire Bay í Berki en skipið var smíðað í Þrándheimi í Noregi 1968. Síldarvinnslan keypti skipið til landsins 1973 og fékk það þá Barkarnafnið. 

Annars segir svo um Börk á heimasíðu Síldarvinnslunnar:

Börkur var smíðaður í Þrándheimi í Noregi árið 1968. Síldarvinnslan keypti skipið frá Noregi árið 1973 og var það þá stærsta nótaveiðiskip í eigu Íslendinga. Í júní 1997 fór Börkur í endurbyggingu til Póllands. Þar var skipið lengt um 15 metra, skipt um yfirbyggingu og byggður hvalbakur með andveltigeymi. Íbúðir voru endurnýjaðar og öllum spilbúnaði og kraftblökk skipt út og skipið útbúið til flotvörpuveiða. Þá var sett RSW sjókælikerfi, auk ísdreifibúnaðar, í allar lestar og vacum löndunardæla. Burðargeta Barkar er um 1.700 tonn eftir þessar breytingar. Árið 1999 var síðan sett 7.300 hestafla Caterpillar aðalvél í Börk sem, eftir þær breytingar, er eitt af best búnu og afkastamestu skipum íslenska nóta- og flotvörpuskipa flotans. 

1293.Börkur NK 122 ex Devonshire Bay. © Hafþór Hreiðarsson 2009.

1293.Börkur NK 122 ex Devonshire Bay. © Hafþór Hreiðarsson 2009.

1293.Börkur NK 122 ex Dewonshire Bay. © Hafþór Hreiðarsson 2009.

 

Þessi mynd sýnir Þorstein GK 16 og Oddgeir ÞH 222 koma að landi í Grindavík fyrir þó nokkrum árum síðan. Báðir horfnir eða við það að hverfa af íslenskri skipaskrá. Þorsteinn farinn og Oddgeir á leiðinni.

1159.Þorsteinn GK 16 ex Svanur SH 111 - 158.Oddgeir ÞH 222. © Hafþór Hreiðarsson.

Hér kemur mynd af Magnúsi NK 72 sem ég tók á síldarvertíð á Geira Péturs ÞH 344. Hvort það var 1984 eða 1986 man ég ekki en við vorum að sigla norður á Vopnafjörð held ég þegar við mættum honum. Magnús var smíðaður í Risör í Noregi, síðastur og stærstur þeirra báta sem þar voru smíðaðir fyrir íslendinga.

1031.Magnús NK 72. © Hafþór Hreiðarsson.