Skipamyndir Hafþórs Hreiðarssonar

Færslur: 2006 Febrúar

28.02.2006 22:25

Gamla myndin þessa vikuna er.....

Gamla mynd þessarar viku er gömul og illa farin, tekin 1962-3 af Hreiðari Olgeirssyni um borð í Nirði ÞH 44 en það var fyrsti bátur þeirra feðga úr Skálabrekku.

Myndin er tekin í línuróðri eins og sjá má.

699.Njörður ÞH 44 (TH 44)

Þennan 10 smálesta mótorbát, Njörð ÞH 44, keypti Olgeir Sigurgeirsson í Skálabrekku ásamt sonum sínum Sigurði Valdimar og Hreiðari árið 1961og hófst þá útgerðarsaga þeirra og afkomenda þeirra sem staðið hefur fram á þennan dag. Njörð sem smíðaður var á Akureyri 1925, keyptu þeir af Sigurbirni Ó. Kristjánssyni ofl. sem síðar gerðu út báta undir nafninu Fanney, einkennisstafir ÞH 130.  Njörð gerðu þeir Skálbrekkufeðgar út í rúm tvö ár þar til þeir keyptu Hallstein EA frá Akureyri sem var 22 tonna bátur smíðaður 1934 í Danmörku. Sigurður Valdimar, eða Siggi Valli eins og hann var jafnan kallaður, var strax skipstjóri á Nirði 18 ára gamall og Olgeir útgerðarmaður.

26.02.2006 21:21

Myndir frá söngkeppni Framhaldsskólans á Húsavík

Henti inn nokkrum myndum sem ég tók á Dillidögum FSH, nánar tiltekið á söngkeppni skólans. Þar sungu átta nemendur og hlutskörpust var Elísabet Anna Kristjánsdóttir. Myndirnar eru í flokknum mannlíf á Húsavík.

 

Mikael Þorsteinsson.

26.02.2006 00:21

Siglufjarðar Seigur

Náði að mynda helvíti góðar myndir í gær (þó ég segi sjálfur frá) þegar Addi afi GK 302 kom til Akureyrar.

Eftirfarandi frétt sendi ég á fréttavef Morgunblaðsins, www.mbl.is þegar heim var komið :

 

Sýndu Akureyringum Adda afa

JE vélaverkstæði á Siglufirði hefur afhent nýjan fiskibát til nýs eiganda, Útgerðarfélags Íslands. Báturinn er af gerðinni Siglufjarðar-Seigur 1120, en fyrirtækið keypti skrokk hans af Seiglu í Reykjavík og fullkláraði á Siglufirði.

Báturinn heitir Addi afi GK 302 og er heimahöfn hans í Sandgerði. Skipstjóri og útgerðarmaður bátsins, Óskar Haraldsson, er fæddur á Akureyri og uppalinn þar til 10 ára aldurs er hann flutti til Suðurnesja. Hann og Guðni Sigtryggson hjá JE vélaverkstæði brugðu sér því bæjarleið í dag, sjóleiðis, til að sýna Akureyringum þennan glæsilega bát.

2701.Addi Afi GK 302.

,

Óskar Haraldsson útgerðarmaður og skipstjóri á Adda Afa GK 302.

21.02.2006 22:19

Nýtt efni-Gamla myndin

Nú ætla ég að reyna setja inn eina gamla mynd í viku hverri og munu þær fyrst um sinn tengjast Útgerðarfélaginu Korra hf. á Húsavík sem var og hét. Þegar ég segi tengjast á ég líka við Útgerðarfélagið Geira Péturs ehf. og aðrar þær útgerðir sem Skálabrekkumenn hafa komið að.

Þar sem hér fyrir neðan má setja inn athugasemdir við myndirnar væri gaman ef menn sem þekkja til myndefnisins hverju sinni segi frá einhverju sem tengist því.

Þegar ég segist ætla setja inn gamla mynd þá er það ekki eins og í Fiskifréttum, þar sem  ekkert þykir vera gamalt nema helst svarthvítar 30-50 ára gamlar myndir. Og þá helst frá  síldarárunum heldur verða þetta myndir, ekki endilega allar teknar af mér, sem spanna aðallega síðustu 20-30 árin en kunna að ná lengra aftur því útgerð þeirra feðga í Skálabrekku hófst 1961.

 

Fyrsta myndin er ekki svo gömul að manni finnst en samt eru 19 ár í sumar frá því hún var tekin. Ég tók hana 10 júlí 1987 þegar við komum heim frá Noregi á togbátnum Geira Péturs ÞH 344 sem Útgerðarfélagið Korri hf. keypti þaðan og sýnir hún móttökurnar sem við fengum.

Læt aðra mynd fylgja sem faðir minn tók á sama tíma af bátnum.

 

Silli skrifaði um þetta í Morgunblaðinu :

Sunnudaginn 19. júlí, 1987 - Innlendar fréttir

Korri hf. Húsavík: Keypti 190 tonna skip frá Noregi á 93 millj. kr.

Nýtt skip, Geiri Péturs ÞH 344, bættist í flota Húsvíkinga í síðustu viku og fór það í sína fyrstu veiðiferð á fimmtudaginn. Útgerðarfélagið Korri hf. frá Húsavík keypti skipið, sem er 190 tonn að stærð, 27 metra langt og 8 metra breitt, frá Tromsö í Noregi og er kaupverð þess um 93 milljónir króna. Sigurður Olgeirsson er skiptstjóri á nýja skipinu.

Olgeir Sigurgeirsson framkvæmdastjóri Korra hf. sagði í samtali við Morgunblaðið að fyrirtækið hefði selt Geira Péturs eldri sem er 138 tonn að stærð til Njáls hf. í Garðinum og fengið í staðinn skip þess fyrirtækis Sigurð Bjarnason sem farið hefði í úreldingu. Kaupin hefðu verið fjármögnuð með 60% lánum frá Fiskveiðasjóði. Skipið verður nú fyrst um sinn á fiskitrolli og síðan fer það á rækjuveiðar, en um borð eru frystitæki til að heilfrysta rækjuna.

Átta skipverjar eru á skipinu. Fyrirtækið leggur nú mestan hluta afla síns upp hjá Fiskiðjusamlagi Húsavíkur, en í byggingu er hjá fyrirtækinu 520 fermetra saltfiskverkunarhús, þar sem fyrirhugað er að verka allan afla nýja skipsins, að sögn Olgeirs.

Morgunblaðið/Sigurður P. Björnsson

 

19.02.2006 16:22

Nýr bátur til Ólafsvíkur

Nýr bátur, Gunnar Bjarnason SH 122, kom til heimahafnar í Ólafsvík í fyrsta skipti í gær. Það var útgerðarfélagið Haukur ehf. sem keypti hann frá Keflavík. Báturinn,  er einn hinna svokölluðu Kínabáta og leysir eldri bát með sama nafni af hólmi.

Gunnar Bjarnason SH 122 hét áður Ósk KE 5 en upphaflega Rúna RE 150.

Báturinn er blár í dag. Sjá mynd á vef Snæfellsbæjar www.snb.is

Skipaskránúmer :

2462

Nafn :

 Gunnar Bjarnason SH-122

Heimahöfn :

 Ólafsvík

Brúttórúmml. :

 94,7

Brúttótonn :

 116

Lengd(m) :

 21,5

Útgerðarflokkur:

 Skip með aflamark

Eigandi :

 Útgerðarfélagið Haukur hf

             Uppl. Fiskistofa.

18.02.2006 19:21

Húsavík í dag

Í dag fékk ég stutta athugasemd varðandi valmöguleika í skoðanakönnunina sem er uppi núna og varð ég varð við þessum athugasemdum og fjölgaði valmöguleikunum.

Annars er allt gott að frétta héðan af víkinni, það er búin að vera bræla síðustu daga en karlarnir á Aron ÞH fóru í róður eftir hádegið og þá tók ég þessa mynd. Þá lögðu netabátarnir netin i dag.

 

Þá var nyrsti innanhúss púttvöllur í heimi tekinn í notkun í dag í Hvalasafninu og þegar ég leit þar inn var keppni í gangi á milli félaga í GH og bæjarstjónarmanna. Hér að neðan getur að líta svipmyndir af því sem fram fór.

 

16.02.2006 20:04

Togskipið Bliki keyptur til Færeyja, frá Noregi.

Netmiðillinnn www.sudurras.fo/ í Færeyjum segir frá því í dag að Togarinn Bliki hafi verið keyptur til Vágs á Suðurey. Svona er fréttin:

Reiðaríið Tvøran í Vági keypt nýtt skip
Farna heyst varð PF Tvøran í Vági umskipað og komu nýggir íleggjarar uppí felagið. Eitt av endamálunum við hesari umskipan var at fáa nýtt skip ístaðin fyri Nýborg, sum er eitt gamal og slitið skip. Nýborg er bygd í 1975 og varð í 1995 keypt av Tvøruni at partrola við Nesborg.

Tvey nýggjari skip í staðin fyri 2 gomul
Tvøran fór undir at endurnýggja skipini í 2004, tá felagið keypti skipið Brodd úr Norra - skipið eitur nú Nesborg I. Og sum eitt framhald í arbeiðinum við at endurnýggja skipini hjá felagnum, keypti Tvøran í gjár skipið Bliki úr Ålesund í Norra. Bliki kemur sum sagt í flotan í staðin fyri Nýborg. Bliki er 29,28 metrar langur og 8,75 metrar breiður. Bliki er bygd á Lunde Varv och Verkstad A/B í 1988.

Bliki á Vág seinnapartin tórsdagin
Bliki flaggaði um til føroyskt flagg í Ålesund fyrrapartin í gjár og fór av Ålesund í gjárkvøld. Nýggja skipið hjá Tvøruni verður væntandi á Vági seinnapartin tórsdagin. Reiðaríið sigur við Suðurrás, at tað fer at taka umleið 2 vikur at gera skipið klárt til fiskiskap.

En hvað kemur þetta okkur sem áhuga hafa á skipum og bátum við ? Jú þetta skip á sér íslenska forsögu, var smíðað fyrir íslendinga. Útgerðarfélagið Bliki hf. á Dalvík lét smíða skipið í Svíþjóð og fékk það afhent árið 1988. Frá Dalvík var skipið gert út til bolfisk- og rækjuveiða allt þar til það var selt til Noregs. að ég held árið 1997, til að rýma fyrir stærri frystitogara sem einnig fékk nafnið Bliki EA 12.

                                                                                           Ljósmynd Hafþór Hreiðarsson

Skipið Brodd sem sömu aðilar keyptu í janúar 2004 ( er getið í fréttinni) á sér líka íslenska forsögu. Það hét Haukafell SF 111, byggt 1990 fyrir samnefnt útgerðarfélag á Hornafirði. Það var eitt fjögurra systurskipa sem smíðuð voru fyrir íslendinga, fyrstu þrjú fóru á Hornafjörð, Haukafell, Þinganes og Æskan (nú Drangavík VE) en það fjórða í Hrísey. Það var Eyborg sem síðar var lengd eins og reyndar er búið að gera við Haukafellið einnig, þó ekki jafn mikið og Eyborgina.

15.02.2006 22:40

Komast færri að en vilja........

Af hverju er ekki mynd af mér á síðunni þinni spyrja sumir, kannski meira í gamni en alvöru, og stundum verður fátt um svör. Einn þeirra sem spurt hefur oftar en einu sinni og oftar en tvisvar fær nú þann heiður að komast á forsíðuna. Það er enginn annar en loðnudelinn Gunnþór Sigurgeirsson skipverji á Björgu Jónsdóttur ÞH 321. Ég gat nú valið úr nokkrum myndum til að birta en ákvað að birta þessa.

Á þessari mynd eru þeir að skemmta sér skipsfélagarnir Gunnþór og Snorri á Mærudögunum 2004.

13.02.2006 18:23

Ný skoðanakönnun

Þá er lokið skoðanakönnun hér á síðunni þar sem spurt var ætti helst að rísaálver  á Norðurlandi, ef það rís þar.

Spurt var:

Hvar viltu að álver rísi á Norðurlandi

42 kusu og og þetta er niðurstaðan:

Bakki við Húsavík

76,19%

Dysnes í Eyjafirði

7,14%

Brimnes í Skagafirðir

2,38%

Hvergi

14,29%

 

Ný skoðanakönnun er komin upp á forsíðunni og kemur Pétur Helgi Pétursson þar við sögu. Hvet fólk til að taka afstöðu.

 

02.02.2006 23:55

Kambur á Flateyri kaupir Ársæl SH 88

Rakst á þessa frétt á fréttavefnum www.bb.is sem er fréttavefur Bæjarins besta á Ísafirði. Þeir tóku sér það bessaleyfi að nota mynd eftir mig sem er á www.skip.is og leyfi ég mér þá að birta þessa frétt hérna.

Kambur ehf. kaupir Ársæl SH-88 kvótans vegna

 
 
Fiskvinnslan Kambur ehf. á Flateyri hefur keypt netabátinn Ársæl SH-88 af Sólborgu ehf. í Stykkishólmi. Ársæll SH er 251 brúttótonna netabátur og honum fylgir rúmlega 575 þorskígildistonna kvóti og er uppistaða hans þorskur. Markaðsverð slíks magns af kvóta er um 740 milljónir króna. ?Tilgangurinn var að kaupa kvóta þannig að ef einhver markaður er fyrir það að selja bátinn þá munum við gera það?. segir Hinrik Kristjánsson framkvæmdastjóri Kambs ehf. ?Ætlunin er að nýta kvótann á báta sem við eigum fyrir, Halla Eggerts og Sigga Þorsteins?, bætir hann við.

Auk Halla Eggerts ÍS-197 og Sigga Þorsteins ÍS-123 á Kambur ehf. smærri bátana Steinunni ÍS-817 og Kristrúnu ÍS-72.

 

1014.Ársæll SH 88

Ársæll SH 88 hét upphaflega Ársæll Sigurðsson GK, síðar Arney KE, Auðunn ÍS og Steinunn SF þar til Sólborg ehf. í Stykkishólmi keypti hann.

1014.Arney KE 50

02.02.2006 18:49

Ný Cleopatra 38 til Flateyrar

Ný Cleopatra 38 til Flateyrar


Útgerðarfélagið Friðfinnur ehf á Flateyri fékk í vikunni afhentann nýjan Cleopatra 38 bát.
Að útgerðinni standa feðgarnir Hjörtur Hinriksson og Hinrik Kristjánsson.
Nýji báturinn hefur hlotið nafnið Friðfinnur ÍS 105. Báturinn er 15 brúttótonn og er í krókaaflamarkskerfinu.
Jón Magnússon verður skipstjóri á Friðfinni.

Aðalvél bátsins er af gerðinni Volvo Penta D12 715hp tengd ZF gír. Báturinn er útbúinn siglingatækjum af gerðinni Furuno frá Brimrún.
Báturinn er útbúinn með 20kW ljósavél frá Kohler.

Vökvadrifin hliðarskrúfa er í bátnum tengd sjálfstýringu bátsins. Báturinn er útbúinn til línuveiða. Línuspil og færaspil er frá Beiti. Átakskerfi er frá Elcon. Öryggisbúnaður bátsins kemur frá Viking.

Rými er fyrir 12stk 660 lítra kör í lest. Í bátnum er innangeng upphituð stakkageymsla. Borðsalur er í brúnni auk stóla fyrir skipstjóra og háseta. Svefnpláss er fyrir fjóra í lúkar auk eldunaraðstöðu með eldavél, örbylgjuofn og ísskáp.

Þessi frétt ásamt mynd er tekin af heimasíðu Trefja, www.trefjar.is

  • 1
Flettingar í dag: 1606
Gestir í dag: 548
Flettingar í gær: 1954
Gestir í gær: 540
Samtals flettingar: 8682156
Samtals gestir: 1910422
Tölur uppfærðar: 26.9.2018 11:22:44
 










Eldra efni

clockhere

Tenglar

Um mig

Nafn:

Hafþór Hreiðarsson

Farsími:

8956744

Heimilisfang:

Sólbrekka 29

Staðsetning:

Húsavík

Heimasími:

4642030

Önnur vefsíða:

www.640.is