Skipamyndir Hafþórs Hreiðarssonar

16.06.2018 01:18

Runólfur SH 135

Runólfur SH 135 er hér við bryggju á Siglufirði vel hlaðinn af síld. Myndina tók Hannes Baldvinsson eins og fleiri sem ég hef verið að birta að undanförnu.

Þessi bátur heitr Sigurður Ólafsson SF 44 í dag en hann var smíðaður í Risör í Noregi árið 1960 fyrir Guðmund Runólfsson Grafarnesi, Guðmund Kristjánsson og Jón Kristjánsson í Eyrarsveit Snæfellssýslu og hét Runólfur SH 135.

Runólfur var 115 brl. búinn 300 ha. Wichmann díesel vél. Hann var endurmældur í júní 1969 og mældist þá 104 brl. Seldur 30 desember árið 1970til Akraness, kaupandi Haförninn h/f. Fékk nafnið Sigurvon AK 56. Í apríllok 1975 var báturinn seldur Konráð Júlíussyni í Stykkishólmi og fékk nafnið Sigurvon SH 35.

1977 var sett í bátinn 640 hestafla Samofa aðalvél. Í upphafi árs 1978 var báturinn seldur Sigurði s/f í Stykkishólmi og fékk þá nafnið  Sigurður Sveinsson SH 36. Síðla árs 1980 vart báturinn seldur Sigurði Ólafssyni h/f á Höfn í Hornafirði, hann fékk nafnið Sigurður Ólafsson SF 44 sem hann ber enn þann dag í dag.

1983 var sett í hann ný  640 hestafla Mitsubishi aðalvél vél og 1987 var Sigurður Ólafsson lengdur og yfirbyggður. Mældist hann þá 124 brl. að stærð. (Íslensk skip)

 

650 ha. Mitsubishi aðalvél var sett í bátinn árið 2006 og er hann enn í dag gerður út af Sigurði Ólafssyni ehf. á Höfn í Hornafirði og er þessa dagana á humartrolli.

Læt fylgja með mynd sem Jón Steinar tók af bátnum í Grindavík um síðustu Sjómannadagshelgi.

 

Þess má geta að á árunum 1993-1996 var Sigurður Ólafsson SF gerður út til hvalaskoðunar frá Hornafirði um tíma á sumrin.

173. Runólfur SH 135. © Hannes Baldvinsson.

 

173. Sigurður Ólafsson SF 44 ex Sigurður Sveinsson SH. © JSS 2018.
 

15.06.2018 20:46

Guðbjörg Sigurðardóttir ÍS 508

Á meðan grannarnir á Íberíuskaganum skiptust á jöfnum hlut í Sot­sjí sat ég á Bökugarðinum og beið komu Guðbjargar Sigurðardóttur ÍS 508 til Húsavíkur.

Hún kom seint og um síðir eða í þann mun sem flautað var til leiksloka og smellti ég þá nokkrum myndum af henni. Held að þessi bátur hafi ekki komið til Húsavíkur áður en upphaflega hét hann Emma VE 219.

Smíðuð í Póllandi fyrir samnefnt fyrirtæki í Vestmannaeyjum. Nánar tiltekið hjá Tczew Yard í Tczew í Póllandi árið 1988.

Emma var 82 brl. að stærð búin 715 hestafla Caterpillar aðalvél.

Árið 1999 var Emma lengd í Póllandi og mældist þá 114 brl. að stærð. Skipt var um aðavél um leið og er sú sem sett var niður var 760 hestafla Caterpillar.

Árið 2000 keypti Bergur-Huginn hf. Emmuna og fékk hún nafnið Háey VE 244. Háey var seld Dala-Rafni hf. árið 2004 og fékk hún nafnið Dala-Rafn VE 508. 

Stígandi ehf. keypti Dala-Rafn VE árið 2008 og fékk hann nafnið Stígandi VE 77. 

Árið 2013 keypti Vinnslustöðin hf. í Vestmannaeyjum Stíganda ehf. en í ársbyrjun 2016 var Stígandi VE 77 seldur til Suðurnesja. Kaupandinn, Marbrá ehf, nefndi bátinn Marberg GK 717 með heimahöfn í Sandgerði.

Ekkert varð af útgerð Marbergsins og vorið 2016 keypti Tjaldtangi ehf. á Ísafirði bátinn sem við það fékk núverandi nafn og númer.

 

Í Morgunblaðinu 19. maí 1988 sagði svo frá komu Emmu til Vestmannaeyja:
Emma VE 219, nýr 83 tonna stálbátur, kom nýlega til heimahafnar í Vestmannaeyjum. Báturinn var smíðaður í Póllandi og er í eigu Kristjáns Óskarssonar, sem er skipstjóri á Emmu, og Arnórs Páls Valdimarssonar 1. vélstjóra. 

Emma VE er 23 metrar á lengd og með 705 hestafla aðalvél, búin fullkomnustu tækjum. Allur frágangur á visatarverum er mjög góður og eigendur segja skipið hafa reynst vel á heimleiðinni, ganghraðinn var 9 sjómílur. Emma er sérútbúin fyrir 660 lítra ker og má koma 69 kerum fyrir í lestinni. Kaupverð skipsins var um 65 milljónir króna. 

 

1664. Guðbjörg Sigurðardóttir ÍS 508 ex Marberg GK. © Hafþór 2018.

 

15.06.2018 08:21

Sæþór EA 101

Það er langt síðan ég náði Sæþóri EA 101 á kortið en það gerðist loks í fyrradag þegar hann kom til hafnar á Dalvík. Sæþór er gerður út til netaveiða af G.Ben útgerðarfélagi ehf. á Árskógssandi.

Sæþór er af gerðinni Víkingur 1500 og var smíðaður hjá bátagerðinni Samtak árið 2006.

2705. Sæþór EA 101. © Hafþór Hreiðarsson 2018.

14.06.2018 19:52

Kristbjörg VE 70

Hér kemur mynd Hannesar Baldvinssonar af Kristbjörgu VE 70.

Báturinn var smíðaður í Noregi árið 1960 fyrir Svein Hjörleifsson í Vestmannaeyjum.

 

Í Morgunblaðinu 13. apríl 1960 sagði svo frá komu Kristbjargar til heimahafnar:

Í gær kom hingað til Vestmannaeyja nýr bátur, sem ber nafnið Kristbjörg VE 70, smíðaður í Strusham í Noregi. Báturinn er með 550 hestafla Völund-dieselvél og er 112 tonn

að stærð, smíðaður úr stáli. Hann er búinn öllum nýjustu siglingar- og fiskileitartækjum, m.a. sjálfvirku Simrad-síldarleitartæki. Svefnpláss er fyrir 13 menn.

Báturinn virðist vel smíðaður og vel frá öllu gengið. Eigandi hans er einn þróttmesti skipstjóri í Eyjum, Sveinn Hjörleifsson frá Skálholti.

Lét Sveinn mjög vel af bátnum á heimleiðinni, en þeir hrepptu leiðinda veður við Færeyjar, og kom sjóhæfni bátsins þá vel í ljós. 

Nýi báturinn fer á veiðar á morgun.

Íslensk skip IV bindi:

Smíðuð í Noregi 1960, stál 113 brl. 550 hestafla Völund diselvél. Eigndi Sveinn Hjörleifsson Vestmannaryjum frá 7. apríl 1960. Skipið var endurmælt í sept. 1966 og mældist þá 142 brl. Endurmæltaftur í júní 1969 og mældist þá 104 brl.

21. júlí 1970 var skráður eigandi Kristbjörg h/f Vestmannaeyjum, sami eigandi og áður. Skipið var selt 10. október 1976 Braga Guðmundssyni og Pétri Sveinssyni Vestmannaeyjum. Skipið hét Guðrún Magnúsdóttir VE 69. Skipið var selt 21. desember Kristbjörgu h/f Vestmannaeyjum. Skipið hét Kristbjörg VE 70. Selt 31.desember 1981 Bjarna Sighvatssyni og Haraldi Gíslasyni Vestmannaeyjum. 14. maí var skipið endurmælt og mældist þá 109 brl. Skipið var talið ónýtt og tekið af skrá 18. júlí 1986.

136. Kristbjörg VE 70. © Hannes Baldvinsson.

14.06.2018 14:54

Sturla GK 12

Hér koma myndir sem ég tók af línuskipinu Sturlu GK 12 láta úr höfn á Siglufirði í gær.

Sturla hét upphaflega Guðmundur RE 29 á íslenskri skipaskrá en hann var keyptur til landsins árið 1972. Þá fjögurra ára gamall en hann var smíðaður hjá  Karmsund Verft & og Mek AS á Karmøy í Noregi fyrir Br. Giertsen & Co. A/S, Bergen. Hét upphaflega Senior B-33-B en þegar hann var keyptur hingað til lands var hann Senior H 033.

1272. Sturla GK 12 ex Guðmundur VE. © Hafþór Hreiðarsson 2018.

 

1272. Sturla GK 12 ex Guðmundur VE. © Hafþór Hreiðarsson 2018.

 

1272. Sturla GK 12 ex Guðmundur VE. © Hafþór Hreiðarsson 2018.

 

1272. Sturla GK 12 ex Guðmundur VE. © Hafþór Hreiðarsson 2018.

 

1272. Sturla GK 12 ex Guðmundur VE. © Hafþór Hreiðarsson 2018.

14.06.2018 12:44

Óli á Stað GK 99

Einn nýjasti línubátur flotans, Óli á Stað GK 99, kemur hér að landi á Siglufirði í gær.

Óli á Stað var smíðaður hjá Seiglu á Akureyri fyrir Stakkavík ehf. í Grindavík og hóf hann veiðar fyrir rúmu ári.

2842. Óli á Stað GK 99. © Hafþór Hreiðarsson 2018.

14.06.2018 12:20

Hulda HF 27

Línubáturinn Hulda HF 27 er hér að koma til hafnar á Siglufirði í gær. 

Hulda hét áður Oddur á Nesi SI 76 og var báturinn smíðaður hjá Seiglu á Akureyri fyrir BG Nes ehf á. Hann kom til heimahafnar á Siglufirði upp úr miðjum janúar 2017.

Seldur Blikabergi ehf. í júlí 2017 og tók BG Nes ehf. Huldu HF 27 upp í og heitir sá bátur Oddur á Nesi í dag. 

2912. Hulda HF 27 ex Oddur á Nesi SI. © Hafþór Hreiðarsson 2018.

13.06.2018 22:04

Sólrún EA 151

Ég tók þessa mynd í kvöld á Árskógssandi þegar nýja Sólrún EA 151 kom úr sínum fyrsta róðri.

Eins og kannski glöggir menn sjá er þetta gamla Sæunn Sæmundsdóttir ÁR 60 sem smíðuð var hjá Seiglu á Akureyri árið 2007.

Seld norður haustið 2017 og fékk nafnið Tumi EA 84 en var að ég held aldrei gerður út undir því nafni.

Sólrún ehf keypti svo bátinn í vetur og fékk hann þá þetta nafn.

Fór í breytingar á Siglufirði sem m.a fólust í því að byggt var yfir hann og sett á hann pera.

2706. Sólrún EA 151 ex Tumi EA. © Hafþór Hreiðarsson 2018.

12.06.2018 23:39

Kristbjörg ÁR 11

Jón Steinar sendi drónann á loft í gær og tók m.a þessar myndir af dragnótabátnum Kristbjörgu ÁR 11 koma til hafnar í Grindavík.

Upphaflega hét báturinn Langanes ÞH 321, smíðaður á Seyðisfirði 1976.

Í Tímanum 29. júlí 1976 sagði svo frá fyrirhuguðum rækjuveiðum Langanesins:

Fyrsta skipið með útbúnað til rækjuvinnslu um borð

Við munum hefja rækjuleit fyrir Austurlandi og vestur af Melrakkasléttu fljótlega, sagði Bjarni Aðalgeirsson, forstjóri Langaness hf. á Þórshöfn, en um næstu helgi verður hið nýja 100 tonna skip, Langanes, afhent eigendum sínum. Skipið verður útbúið fullkomnum tækjum, sem m.a. miðast við að heilfrysta rækju í skel og er hún þá tilbúin til útflutnings. Tilraunaveiðarnar eru gerðar á vegum Hafrannsóknastofnunar, og mun Langanes taka við af Sólborgu, sem er nýhætt rækjuleit á fyrrnefndum slóðum.

Forsendan fyrir þvi að heilfrysta rækjuna í skel er, að finna stóra rækju, helzt ekki yfir 140 stk. í kg, sagði Bjarni Aðalgeirsson. Hins vegar munum við í þessari rækjuleit á vegum Hafrannsóknastofnunar, ekki fullvinna rækjuna um borð, heldur landa aflanum á um þriggja sólarhringa fresti, þar sem við höfum ekki fengið hraðfrystibúnaðinn um borð í skipið enn.

Í skipinu verða frystilestir, flokkunarvél og suðupottur, sem þegar eru til staðar, en hraðfrystibúnaðurinn verður settur í seinna.

Bjarni sagði að ákveðið væri að þeir myndu leita rækju fyrir Austurlandi og vestur af Melrakkasléttu og gæti svæðið jafnvel orðið víðtækara. Við erum nokkuð bjartsýnir á að þetta takist, sagði hann, jafnvel þó þetta svæði sé að miklu leyti ókannað. Ekki kvað hann ákveðið hvar aflanum yrði landað, en talað hefði verið um Kópasker eða Dalvík eða jafnvel fyrir austan land, það yrði ákveðið þegar að því kæmi.

Langanes, sem er 100 tonn að stærð, er smíðað hjá Vélsmiðju Seyðisfjarðar, og þar voru einnig allar vélar settar í skipið.

1458. Kristbjörg ÁR 11 ex Gulltoppur GK. © Jón Steinar 2018.

 

1458. Kristbjörg ÁR 11 ex Gulltoppur GK. © Jón Steinar 2018.

 

 

11.06.2018 19:37

Silver Copenhagen

Magnús Jónsson sendi mér þessar myndir á dögunum sem sýnir löndun úr rússneskum frystitogara yfir í flutningaskipið Silver Copenhagne. Gjörningurinn fór fram í Hafnarfjarðarhöfn.

Rússneskur togari landar yfir í Silver Copenhagen. © Magnús Jónss. 2018.

 

Löndun í Hafnarfjarðarhöfn. © Magnús Jónsson 2018.

09.06.2018 11:56

Höfrungur II AK 150

Höfrungur II AK 150 var keyptur til landsins árið 1960 af Haraldi Böðvarssyni & Co á Akranesi. Báturinn hét áður Sangolt og var smíðaður árið 1957 í Avaldsnes í Noregi.

Síðar Höfrungur II GK 27, Erling KE 140, Kambaröst SU 200 og loks Kambaröst RE 120. Rifinn í Hafnarfirði 2010. 

120. Höfrungur II AK 150 ex Sangolt. © Hannes Baldvinsson.

08.06.2018 21:07

Geiri litli seldur

Geiri litli er seldur og tóku nýir eigendur við honum í dag. Hér er verið að setja hann fram aftur eftir að hafa verið tekinn á land til botnskoðunar. Ætlunin er að sigla honum til nýrrar heimahafnar í Stykkishólmi á næstu dögum.

7200. Geiri litli. © Hafþór Hreiðarsson 2018.

 

 

07.06.2018 19:48

Arnkell

Arnkell SH 138 var smíðaður í Noregi 1960 fyrir Jökul h/f á Hellisandi. Hann var seldur til Þorlákshafnar 1969, kaupandi Meitillinn h/f og fékk báturinn nafnið Jón Vídalín ÁR 1. Báturinn var talinn ónýtur og tekinn af skipakrá 1. ágúst 1973. (Heimild Íslensk skip)

Arnkell átti sér systurskip í íslenska flotanum, Helgi Flóventsson ÞH 77 hét hann. Smíðaður 1960 fyrir Svan h/f á Húsavík. Helgi Fló sökk 5 sjm. NV af Langanesfonti 4. ágúst 1961. Ellefu manna áhöfn hans bjargaðist í gúmmíbjörgunarbát og þaðan um borð í Stíganda ÓF.

Í Morgunblaðinu 14. ágúst 1960 sagði frá komu Arnkels til Rifshafnar:

Nýlega kom til Rifshafnar á Snæfellsnesi nýr bátur, smíðaður í Noregi, Arnkell SH 100,sem hlutafélagið Jökull á. Er þetta 110 tonna bátur með 300 hestafla vél og 10 sjómílna ganghraða. Öll hin nýjustu og fullkomnustu öryggis- og siglingatæki eru í bátnum, síldarleitartæki og sjálfstýring, og útbúinn er báturinh með kraftblökk til síldveiða. 

Allur er frágangurinn á bátnum hinn vandaðist og bezti að sjá. Bjarni  Arnason, skipstjóri frá Hafnarfirði, sigldi bátnum heim,en stýrimaður var Leifur Jónsson og hefur hann nú tekið við skipstjórn á bátnum, sem farinn er á síldveiðar fyrir Norðurlandi.

Í Rifshöfn var komu bátsins fagnað mjög.

 

14. Arnkell SH 138. © Hannes Baldvinsson.

 

 

06.06.2018 22:42

Orri farinn úr Njarðvíkurhöfn

Orri GK 63 er farinn úr Njarðvíkurhöfn þar sem hann hefur legið undanfarin misseri. Vonin KE 10 mun draga hann vestur á firði, nánar tiltekið til Flateyrar, en lagt var í hann nú í kvöld.

1631. Vonin KE 10 - 923. Orri GK 63. © KEÓ 2018.

06.06.2018 20:42

Dagur SK17 - Myndasyrpa

Hér kemur smá myndasyrpa sem ég tók í dag þegar Dagur SK 17  kom til Húsavíkur, og fór aftur eftir að hafa tekið nýtt rækjutroll um borð. Það er Dögun ehf. sem gerir Dag út en fyrirtækið er einnig með rækjuvinnslu á Sauðárkrók.  Dagur var keyptur í byrjun árs 2016 frá Írlandi.  Skipið, sem leysti Röst SK 17 af hólmi, var smíðað á Spáni árið 1998. Fyrri nöfn eru Mark Amay II (2016), Mark Amay  (2009)  Victoria May  (2008)  Ocean Reward  (2008)  og  Just Reward.  (2001) .

2906. Dagur SK 17 ex Mark Amay II. © Hafþór Hreiðarsson 2018.

 

2906. Dagur SK 17 ex Mark Amay II. © Hafþór Hreiðarsson 2018.

 

2906. Dagur SK 17 ex Mark Amay II. © Hafþór Hreiðarsson 2018.

 

2906. Dagur SK 17 ex Mark Amay II. © Hafþór Hreiðarsson 2018.

 

2906. Dagur SK 17 ex Mark Amay II. © Hafþór Hreiðarsson 2018.
Flettingar í dag: 3225
Gestir í dag: 1317
Flettingar í gær: 4329
Gestir í gær: 2212
Samtals flettingar: 8521057
Samtals gestir: 1854316
Tölur uppfærðar: 22.7.2018 23:37:43
 










Eldra efni

clockhere

Tenglar

Um mig

Nafn:

Hafþór Hreiðarsson

Farsími:

8956744

Heimilisfang:

Sólbrekka 29

Staðsetning:

Húsavík

Heimasími:

4642030

Önnur vefsíða:

www.640.is