Skipamyndir Hafþórs Hreiðarssonar

09.01.2018 20:11

Baldur Árna

Hér kemur mynd úr seríu sem ég hef áður birt myndir úr og sýnir hún Baldur Árna ÞH 50 koma til hafnar á Húsavík sumarið 2003.

Báturinn smíðaður í Garðabæ 1971 fyrir Fiskiðjuna Freyju hf.á Suðureyri við Súgandafjörð. Hann hét upphaflega Trausti ÍS 300 og er 123 brl. að stærð. 1973 er Trausti seldur til Keflavíkur, kaupendur er Magnús Þórarinsson, Jónas Þórarinsson og Þórarinn Þórarinsson og nefna þeir bátinn Valþór KE 125. Hann er síðan seldur til Þormóðs Ramma hf. á Siglufirði 1978 þar sem hann fékk nafnið Sævík SI 3. 1979 kaupir Hraðfrystihús Breiðdælinga á Breiðdalsvík bátinn og nefna hann Andey SU 150. 1983 er hann svo enn seldur, að þessu sinni til Stykkishólms, hann heldur nafninu en fær einkennistafina SH og númerið 242.

Báturinn er í Stykkishólmi 1988 þegar Íslensk skip eru gefin út en þaðan eru þessar heimildir. Frá Stykkishólmi er báturinn seldur til Patreksfjarðar og enn heldur hann nafninu en fær BA 123. Eftir það heitir hann Skúmur GK 111, Óseyri GK,Bervík SH, Klettsvík SH og 2003 fær hann nafnið Baldur Árna ÞH 50.

Baldur Árna er svo seldur til Bolungarvíkur þar sem hann fær nafnið Páll á Bakka ÍS 505. Hann var rifinn í brotjárn í Krossanesi árið 2007.

1170. Árni á Bakka ÞH 50 ex Klettsvík SH. © Hafþór Hreiðarsson 2003.

08.01.2018 15:04

Swami

Flutningaskipið Swami kom upp ða bryggju á Húsavík eftir hádegi í dag eftir að hafa beðið frá því í gærkveldi eftir að Vaasaborg færi frá en skipin eru  með hráefnisfarma fyrir PCC á Bakka.

Swami er 90, 46 metra langt og 13,2 metra breitt og mælist 2839 GT að stærð. Siglir undir fána Bahamas og var smíðað 1995.

Swami á Skjálfanda - Flatey í fjarska. © Hafþór Hreiðarsson 2018.

 

Swami leggst að  Bökugarðinum og Vaasaborg siglir sína leið. © HH 2018.

07.01.2018 13:17

Normørshav

Hér er mynd síðan 1988 að ég held og sýnir norska skipið Normørshav M-45-AE við slippkantinn á Akureyri. Það sama ár fékk skipið nafnið Kristian Ryggefjord. Upphaflega hét skipið Warwick Bay var smíðaður árið 1968 í Þrándheimi, systurskip Devonshire Bay sem síðar varð Börkur NK.

Normørshav M-45-AE ex Havstal. © Hafþór Hreiðarsson.

07.01.2018 00:49

Auðbjörg

Þarna hefur fundist bryggjupláss fyrir Auðbjörgina EA 22 frá Hauganesi í slippnum á Akureyri. Fyrir aftan hana liggur Jón Vídalín ÁR 1 og framan við sést í skutinn og gálgana á þeim Þorláki ÁR 5 og Snæfelli EA 740.

Auðbjörgin heitir í dag Garðar ÍS og eftir því sem fregnir herma er hún komin heim í Skipavík þar sem hún var smíðuð og afhent sem Auðbjörg HU 6 árið 1973.  Þar stendur til að gera hana upp.

Þegar Auðbjörg var seld frá Hauganesi fór hún til Keflavíkur þar sem hún fékk nafnið Ósk KE 5. Því næst Ósk II KE 6 og síðan Björgvin GK 26, Björgvin á Háteigi GK 26, Benni Sæm GK 26 og loks núverandi nafn Garðar og einkennisstafina GK 53.

Sá á mynd um daginn sem tekin var í Stykkishólmi að það stendur ÍS 275 á honum í dag. Minnir mig.

1305. Auðbjörg EA 22 ex HU. © Hafþór Hreiðarsson.

07.01.2018 00:37

Vilhelm Þorsteinsson

Hann er eftirminnilegur dagurin sem fjölveiðiskipið vilhelm Þorsteinsson EA 10 kom til heimahafnar á Akureyri í fyrsta skipti. Gott haustveður var þann dag en þetta var 3. september aldamótarárið 2000. 

Svo sagði frá á fréttavef Morgunblaðsins þann sama dag:

Nýtt fjölveiðiskip sem Sam­herji hf. hef­ur verið með í smíðum í Nor­egi kom til Ak­ur­eyr­ar í morg­un. Klukk­an 15 hófst at­höfn þar sem skip­inu var gefið nafnið Vil­helm Þor­steins­son, en það var ekkja Vil­helms, Anna Kristjáns­dótt­ir, sem gaf skipnu nafn. Bæj­ar­bú­um var boðið að fylgj­ast með at­höfn­inni og að henni lok­inni er skipið opið al­menn­ingi til skoðunar. Áætlað er að skipið haldi í sína fyrstu veiðiferð í lok næstu viku.

Þetta er í fyrsta skipti sem Ak­ur­eyr­ing­ar geta fagnað nýju skipi frá því Bald­vin Þor­steins­son EA 10, frysti­tog­ari Sam­herja, kom heim árið 1992. Hann fylgdi nýja skip­inu til hafn­ar á Ak­ur­eyri í morg­un. Nýja skipið sé eitt hið stærsta og glæsi­leg­asta í flot­an­um, tæp­lega 80 metra langt og 16 metra breitt með aðal­vél sem er 5.500 kílówött. Það geti hvort held­ur sem er veitt í nót eða troll og um borð sé full­kom­inn búnaður til fryst­ing­ar og vinnslu á bol­fiski, síld og kol­munna. Frystigeta afla í vinnslu sé 120 tonn á sól­ar­hring og burðargeta afla til bræðslu um 2.500 tonn. Frysti­lest­ir skips­ins rúma um 650 tonn af frosn­um afla og um 1.200 tonn af fiski í kælitönk­um. Íbúðir eru fyr­ir 28 manna áhöfn. Í reynslu­sigl­ingu var hraði skips­ins 18,2 sjó­míl­ur og tog­kraft­ur reynd­ist 90 tonn við fullt átak.

Áætlaður heild­ar­kostnaður við ný­smíðina er um 1.500 millj­ón­ir króna. Frum­hönn­un skips­ins var í hönd­um starfs­manna Sam­herja og Skipa­tækni hf. en Teikni­stofa Karls G. Þor­leifs­son­ar á Ak­ur­eyri annaðist hönn­un á vinnslu­dekki ofl. Skipa­smíðastöðin Stocznia Pol­nocna í Gdansk í Póllandi annaðist smíði skrokks­ins og hófst verkið um mitt síðasta ár. Þar var skip­inu hleypt af stokk­un­um í mars sl. Kleven Verft AS í Ul­stein­vik í Nor­egi annaðist fram­hald smíðinn­ar og þar hafa menn unnið hörðum hönd­um síðustu mánuði við að ljúka verk­inu. Skip­stjór­ar nýs skips­ins verða tveir, þeir Arn­grím­ur Brynj­ólfs­son og Sturla Ein­ars­son. Arn­grím­ur var áður skip­stjóri á Þor­steini EA og Bald­vin Þor­steins­syni EA en Sturla var síðast skip­stjóri á Ak­ur­eyr­inni EA.

 

2410. Vilhelm Þorsteinsson EA 11. © Hafþór Hreiðarsson 2000.

 

06.01.2018 22:55

Ljósmyndarinn og myndin

Hér koma tvær myndir teknar á sama tíma. Skeikar nokkrum mínútum. Á efri myndinni er ungur maður að príla á milli báta í Reykjavíkurhöfn og þá mynd tók Þorgeir Baldursson. Sennilega er árið 1985 um haust. Neðri myndin sýnir tilganginn með prílinu, þ.e.a.s myndefnið. Það var skuttogarinn Ásþór RE 10. Og í leiðinni voru Bjarnarvík ÁR 13 og Ljósfari RE 102 einnig mynduð. Það var s.s ýmislegt lagt á sig fyrir bryggjumyndir í denn, meira að segja prílað á milli báta í kínaskóm úr Hagkaup.

HH. © Þorgeir Baldursson.

 

1566. Ásþór RE 10. © Hafþór Hreiðarsson.

06.01.2018 21:59

Sturla

Hér leggur Sturla GK 12 upp í línuróður frá Grindavík. Sturla hét upphaflega Guðmundur RE 29 á íslenskri skipaskrá en hann var keyptur til landsins árið 1972. Þá fjögurra ára gamall en hann var smíðaður hjá  Karmsund Verft & og Mek AS á Karmøy í Noregi fyrir Br. Giertsen & Co. A/S, Bergen. Hét upphaflega Senior B-33-B en þegar hann var keyptur hingað til lands var hann Senior H 033. Eigendur Guðmundar voru þeir Páll Guðmundsson og Hrólfur Gunnarsson skipstjóri.

1272. Sturla GK 12 ex Guðmundur. © Jón Steinar Sæmundsson.

06.01.2018 18:32

Bergey og Vestmannaey

Hér koma eyjarnar tvær sem Bergur-Huginn gerir út. Vestmannaey VE 444 og Bergey VE 544. Þær mokfiskuðu á síðasta ári, heildarafli skipanna tveggja á árinu var 8.575 tonn og aflaverðmæti rétt tæplega tveir milljarðar króna. Eins og kom fram í fréttum síðla árs 2017 verða eyjarnar tvær leystar af hólmi með nýjum skipum á árinu 2019.

Myndirnar tók Óskar Franz árið 2016. 

2744. Bergey VE 544. © Óskar Franz 2016.

 

2444. Vestmannaey VE 444. © Óskar Franz 2016.

06.01.2018 18:22

Hraunsvík

Jón Steinar tók þessa mynd af Hraunsvíkinni GK 75 á landleið í dag. Hún er á netum. Smíðaður í Svíþjóð 1984. Búið að lengja, breikka, hækka þilfar, skipta um vél og brú síðan. Mælist 25,3 BT.

Upphaflega Húni II en síðar Gunnvör ÍS og Konráð SH. Útgerð Víkurhraun ehf. í Grindavík.

1097. Hraunsvík GK 75 ex Konráð SH. © Jón Steinar 2018.

 

 

06.01.2018 18:07

Maggý

Hér kemur Maggý VE inn úr þokunni að landi í Vestmannaeyjum vorið 2016. Maggý var smíðuð í Póllandi 1988 og hét upphaflega Skálavík SH úr Ólafsvík.

1855. Maggý VE 108 ex Ósk KE. © Óskar Franz 2016.

06.01.2018 18:01

Kap

Kap VE 4 kemur hér til hafnar í Vestmannaeyjum í aprílmánuði 2016. Upphaflega Jón Finnsson RE 506, smíðaður í Póllandi 1987. 

1742. Kap VE 4 ex Faxi RE. © Óskar Franz 2016.

06.01.2018 15:17

Þrymur

Hér Þrymur BA 7 í slipp í höfuðborginni. Smíðaður í Portúgal 1984 þar sem hann hét Mestre Manuel Casqueira. Hraðfrysthús Patreksfjarðar hf. keypti hann til landsins 1986 og þá fékk hann Þrymsnafnið. Síðan fékk hann nöfnin Látravík BA 66, Guðmundur Péturs ÍS 45, Guðmundur Péturs GK 450 og aftur Guðmundur Péturs ÍS 45, Guðmundur Péturs RE 42 og Kópanes RE 270. Seldur úr landi í júní 2003. Heitir Loretta og liggur í reiðuleysi í Vigó á Spáni.

1753. Þrymur BA 7 ex Mestre Manuel Casqueira. © Hafþór Hreiðarsson.

06.01.2018 14:46

Harpa II

Hér er Harpa II GK 101 að koma að landi í Grindavík um árið. Upphaflega Múli ÓF 5 sem smíðaður var hjá Gunnlaugi og Trausta á Akureyr og afhentur 1974.

Múli átti síðan eftir að bera nöfnin Fiskanes NS, Faxavík GK, Harpa II GK, Skálavík SH, Guðbjörg Ósk VE, Guðbjörg Ósk SH Viðar ÞH, Héðinn Magnússon HF, Héðinn HF og loksins Hildur sem hann ber í dag sem skonnorta.

1354. Harpa II GK 101 ex Faxavík GK. © Hafþór Hreiðarsson.

06.01.2018 13:19

Bjarni Ólafsson

Hólmgrímur Helgason tók þessa mynd af Bjarna Ólafssyni AK 70 á loðnumiðunum í lok síðustu aldar.

Bjarni Ólafsson var smíðaður í Svíþjóð 1978 og leysti af hólmi nafna sinn sem upphaflega hét Börkur NK 122 og var smíðaður í Noregi 1966.

Skipið var selt til Þórshafnar 1997 þegar útgerð þess keypti yngra og stærra skip til að leysa það af hólmi. Gékk það nafnið Neptúnus ÞH 361.

Selt úr landi til niðurrifs eftir að það komst í eigu Gjögurs hf. árið 2003.

1504. Bjarni Ólafsson AK 70. © Hólmgrímur Helgason.

 

04.01.2018 18:18

Kristbjörg

Hér koma tvær myndir af Kristbjörgu ÞH 44 í slipp sem Þorsteinn Björgvinsson skipasmíðameistari í Stykkishólmi tók. Mér sýnist þetta vera á Siglufirði. Kristbjörg þessi hét upphaflega Kristjón Jónsson SH 77, smíðuð í Skipavík 1967. Báturinn var keyptur til Húsavíkur í lok árs 1969. 

1053. Kristbjörg ÞH 44 ex Kristjón Jónsson SH. © Þorsteinn Björgvinsson.

 

1053. Kristbjörg ÞH 44 ex Kristjón Jónsson SH. © Þorsteinn Björgvinsson.

 

Flettingar í dag: 2202
Gestir í dag: 147
Flettingar í gær: 1617
Gestir í gær: 506
Samtals flettingar: 8671103
Samtals gestir: 1907442
Tölur uppfærðar: 21.9.2018 16:40:39
 










Eldra efni

clockhere

Tenglar

Um mig

Nafn:

Hafþór Hreiðarsson

Farsími:

8956744

Heimilisfang:

Sólbrekka 29

Staðsetning:

Húsavík

Heimasími:

4642030

Önnur vefsíða:

www.640.is