Skipamyndir Hafþórs Hreiðarssonar

09.04.2018 18:56

Kaldbakur

Kaldbakur EA 1 kom til löndunar í Hafnarfirði síðdegis í dag og tók Óskar Franz þessa mynd af honum.

2891. Kaldbakur EA 1. © Óskar Franz 2018.

09.04.2018 18:01

Tjaldur

Línuskipið Tjaldur SH 270 kom inn til löndunar í Grindavík um helgina og tók Jón Steinar þessa mynd af honum við bryggju. Tjaldur var smíðaður hjá Solstand Slip & Baatb í Tomrefjørd í Noregi árið 1992.

2158. Tjaldur SH 270. © Jón Steinar 2018.

09.04.2018 17:54

Karólína

Línubáturinn Karólína ÞH 100 kemur hér að bryggju á Húsavík í gær.

Karólína er í eigu Doddu ehf. og var smíðuð hjá Bátagerðinnu Samtak í Hafnarfirði árið 2007.

2760. Karólína ÞH 100. © Hafþór Hreiðarsson 2018.

 

08.04.2018 10:36

Sigrún Hrönn

Grásleppubáturinn Sigrún Hrönn ÞH 36 kemur að landi sl. föstudag. Fínasta veiði sögðu kallarnir en það eru feðgarnir Ingólfur H. Árnason og Sigmar Ingólfsson sem róa á bátnum.

Sigrún Hrönn hét upphaflega Bára SH 340. Síðar Hilmir SH 197 og aftur Bára SH, nú 297 og loks núverandi nafn.

Útgerð þeirra feðga heitir Barmur ehf. og á einnig Ásdísi ÞH 136 sem er Cleópatra 31.

2370. Sigrún Hrönn ÞH 36 ex Bára SH. © Hafþór Hreiðarsson 2018.

08.04.2018 10:10

Stefnir

Skuttogarinn Stefnir ÍS 28 kom til hafnar í Grindavík í gær og tók Jón Steinar þessar myndir. Erindið var að landa 200 körum af fiski sem veiddist við Surtinn.

Stefnir var smíðaður í Flekkefjørd í Noregi 1976 fyrir Flateyringa og hét Gyllir ÍS 261.

Hraðfrystihúsið - Gunnvör á Ísafirði á og gerir Stefni út.

1451. Stefnir ÍS 28 ex Gyllir ÍS. © Jón Steinar 2018.

 

1451. Stefnir ÍS 28 ex Gyllir ÍS. © Jón Steinar 2018.

 

1451. Stefnir ÍS 28 ex Gyllir ÍS. © Jón Steinar 2018.

 

1451. Stefnir ÍS 28 ex Gyllir ÍS. © Jón Steinar 2018.

 

07.04.2018 19:04

Maí TH 194

Hér birtist mynd af bát sem ég hef ekki séð mynd af áður en það er Maí TH 194.

Báturinn var smíðaður á Akureyri 1955, af Nóa bátasmið, og var 8 brl. að stærð búinn 44 hestafla Kelvin díselvél.

Eigendur frá 10. júlí 1956 voru Pálmi Héðinsson, Sigtryggur Brynjólfsson, Helgi Árnason, Kristján St. Jónsson og Halldór Þorvaldsson.

Báturinn fórst á Axarfirði 21. október 1959 og með honum tveir menn. Heimild Íslensk skip.

Í Þjóðviljanum 25. október er að finna þessa frétt:

Talið er nú fullvíst að vélbáturinn Maí frá Húsavík, sem á voru tveir menn, hafi farizt.

Á bátnum voru þessir menn: Kristján Stefán Jónsson,51 árs, kvæntur og átti 5 börn, Aðalsteinn Baldursson, 26 ára, kvæntur og átti 1 barn.

Maí fór í róður frá Húsavík sl. miðvikudag austur að Mánáreyjum. Kl. 12 talaði hann í talstöðina og bjóst við að verða á Húsavík kl hálf-fjögur til fimm. Þá átti hann eftir að draga nokkuð af línunni. Síðan hefur ekkert til hans spurzt. Leit var hafinn þegar hann kom ekki fram á tilsettum tíma. Ýmislegt úr bátnum fannst austan Mánáreyja en leit sem var haldið áfram síðast í gær hefur engan árangur borið, og er nú talið fullvíst að báturinn hafi farið með mjög skjótum hætti.

 

Myndin kemur úr safni Helga Árnasonar frá Ásgarði á Húsavík en hann var einn eigenda bátsins um tíma.

Helgi var síðar bóndi á Alviðru í Dýrafirði. Hann lést fyrir skömmu og var jarðsunginn frá Ísafjarðarkirkju í dag.

 

Maí TH 194. Mynd úr safni Helga Árnasonar.

 

07.04.2018 18:41

Fram

Netabáturinn Fram ÞH 62 kemur að bryggju á Húsavík í gær. 

1999. Fram ÞH 62 ex Sigurvin GK. © Hafþór Hreiðarsson 2018.

 

06.04.2018 20:09

Ósk

Grásleppubáturinn Ósk ÞH 54 kemur að bryggju á Húsavík í dag eftir að hafa dregið netin á Skjálfanda.

2447. Ósk ÞH 54 ex Guðný NS. © Hafþór Hreiðarsson 2018.

 

Sjá fleiri myndir og texta hér

05.04.2018 20:50

Guðbjörg kemur að bryggju í Grindavík

Drónakallinn Jón Steinar tók þessa mynd í dag en hún sýnir línubátinn Guðbjörgu GK 666 koma að bryggju í Grindavík.

Það er Stakkavík sem gerir Guðbjörgina út en hún er einn Kínabátann svokölluðu sem smíðaðir voru 2001 fyrir íslenskar útgerðir.

Lengdur 2016 enbyggt var yfir hann 2005. 

Hét upphaflega Ársæll Sigurðsson HF 80.

2468. Guðbjörg GK 666 ex Guðbjörg HF. © Jón Steinar 2018.

04.04.2018 21:22

Acadienne Gale II

Skuttogarinn Acadienne Gale II kom til landsins í dag eftir að hafa dregið skuttogarann Markus hingað frá Nuuk á Grænlandi en gírinn í Markusi er bilaður. 

Myndina af Acadienne Gale II tók Magnús Jónsson í Hafnarfirði en togarinn var smíðaður 1985 og hét áður Tasiilaq.

Acadienne Gale II GR 06-08 ex Tasiilaq. © Magnús Jónsson 2018.

03.04.2018 20:01

Hulda

Jón Steinar tók þessa mynd af Huldu HF 27 koma til hafnar í Grindavík í dag. 

Hulda hét áður Oddur á Nesi SI 76 og er í eigu Blikabergs ehf. í Hafnarfirði.

Hulda var SI 76 um tíma áður en hún fékk HF 27.

Smíður á Akureyri árið 2016.

2912. Hulda HF 27 ex SI 76. © Jón Steinar Sæmundsson 2018.

03.04.2018 07:36

Hafborg

Hafborg EA 152 lætur hér úr höfn í Grímsey um árið. Þetta var önnur Hafborgin í röðinni, smíðuð á Seyðisfirði 1989 og hét Magnús EA  25 áður en hún varð Hafborg. Upphaflega Sigmar NS 5.

Hét síðan Glaður ÍS 221 en heitir í dag Finni NS 21 og er gerður út frá Bakkafirði af Hróðgeiri hvíta ehf. 

1922. Hafborg EA 152 ex Magnús EA. © Rósa Árnadóttir.

02.04.2018 20:51

Viðey og venus

Magnús Jónsson myndaði þessi tvö skip HB Granda á Akranesi um páskana. Viðey RE 50 og Venus NS 150.

2895. Viðey RE 50 - 2881. Venus NS 150. © Magnús Jónsson 2018.

02.04.2018 11:34

Hraunsvík

Hraunsvík GK 75 sést hér koma til hafnar í Keflavík 17. mars sl.en hún er á netum.

Hraunsvíkin var smíðuð í Svíþjóð 1984 og hét upphalega Húni II SF 18 og var í eigu Guðmundar Hjaltasonar á Hornafirði frá 1988.  (Íslensk skip)

Búið að lengja, breikka, hækka þilfar, skipta um vél og brú síðan. Mælist 25,3 BT.

Upphaflega Húni II eins og áður segir en síðar Gunnvör ÍS og Konráð SH.

Útgerð Víkurhraun ehf. í Grindavík.

1907. Hraunsvík GK 75 ex Konráð SH. © Hafþór Hreiðarsson 2018.

01.04.2018 11:17

Gleðilega páska

Óska öllum þeim sem skoða síðuna gleðilegra páska og læt fylgja með kveðjunni mynd sem ég tók við Húsavíkurhöfn í morgun.

I wishes the readers of the side happy easter.

Við Húsavíkurhöfn að morgni páskadags 2018. © Hafþór Hreiðarsson.
Flettingar í dag: 1670
Gestir í dag: 128
Flettingar í gær: 2775
Gestir í gær: 233
Samtals flettingar: 8828458
Samtals gestir: 1942578
Tölur uppfærðar: 15.11.2018 15:28:29
 










Eldra efni

clockhere

Tenglar

Um mig

Nafn:

Hafþór Hreiðarsson

Farsími:

8956744

Heimilisfang:

Sólbrekka 29

Staðsetning:

Húsavík

Heimasími:

4642030

Önnur vefsíða:

www.640.is