Skipamyndir Hafþórs Hreiðarssonar

23.03.2018 22:46

Anna

Anna EA 305 við bryggju í Njarðvík á dögunum. Þar hefur skipið verið í breytingum sem miða að því að það geti, auk línuveiða, stundað veiðar með net. 

2870. Anna EA 305 ex Carisma Star. © Hafþór Hreiðarsson 2018.

 

23.03.2018 18:12

Vésteinn GK 88

Hér siglir nýjasti línubátur flotans til hafnar í Grindavík. Myndina tók ég sl. mánudag en Vésteinn GK 88 er gerður út af Einhamri Seafood þar í bæ.

Smíðaður hjá Trefjum í Hafnarfirði og er af gerðinni Cleopatra 50. Mælist 29,66 brúttótonn að stærð.

2908. Vésteinn GK 88. © Hafþór Hreiðarsson 2018.

23.03.2018 07:32

Erling

Netabáturinn Erling KE 140 á leið til hafnar í Njarðvík sl. mánudag.

Smíðaður í Noregi 1964 og hét upphaflega Akurey RE 6.

Eigandi bátsins í dag er Saltver ehf. og heimahöfn hans Reykjanesbær.

233. Erling KE 140 ex Óli á Stað GK. © Hafþór Hreiðarsson 2018.

22.03.2018 23:04

Akurey AK 10 - -Myndband

Hér kemur myndband sem ég tók þegar Akurey AK 10 kom til hafnar í Reykjavík í vikunni.

 

22.03.2018 19:38

Raufarhafnarbátar að fiska vel

Góður afli hefur verið að undanförnu hjá netabátum á Raufarhöfn en þar róa þrír bátar með net.

Það eru bátar Hólmsteins Helgasonar ehf., Björn Hólmsteinsson ÞH 161 og Kristinn ÞH 163, ásamt Nönnu Ósk II ÞH 133 sem Útgerðarfélagið Stekkjarvík ehf. á og gerir út.

Hér koma myndir af bátunum sem Gunnar Páll Baldursson hafnarvörður á Raufarhöfn tók í vikunni.

2641. Björn Hólmsteinsson ÞH 164 ex Sæborg SU. © Gunnar Páll 2018.

 

2662. Kristinn ÞH 163 ex Kópur HF. © Gunnar Páll 2018.

 

2793. Nanna Ósk II ÞH 133. © Gunnar Páll 2018.

22.03.2018 19:17

Örfirisey

Frystitogarinn Örfirisey RE 4 kom til hafnar í Reykjavík sl. þriðjudagsmorgun og þá tók ég þessa mynd. Örfirisey var smíðuð árið 1988 í Kristiansund í Noregi fyrir Færeyinga og hét Polarborg. Grandi keypti skipið 1992 og þá fékk það nafnið Örfirisey RE 4. Það var lengt um 10 metra í Póllandi 1998 um leið og því  var breytt í flakafrystitogara.

Örfirsey er 65,47 metra löng, 12,8 metra breið. og mælist 1.842 GT að stærð.

2170. Örfirisey RE 4 ex Polarborg 1. © Hafþór Hreiðarsson 2018.

22.03.2018 07:44

Þorsteinn ÞH kemur að bryggju

Þorsteinn ÞH 115 kemur hér að bryggju í Njarðvík sl. laugardag.

Tók myndir þá og eins á mánudag og munu þær birtast fljótlega. Þá rötuðu fyrir linsuna fleiri bátar sem róa frá Reykjanesbæ.

926. Þorsteinn ÞH 115 ex GK 15. © Hafþór Hreiðarsson 2018.

 

21.03.2018 23:27

Háey II - Myndband

Þetta myndband sem sýnir Háey II ÞH 257 koma inn til Grindavíkur tók Jón Steinar Sæmundsson sl. mánudag.

 

21.03.2018 20:58

Guðbjörg GK

Jón Steinar tók þessar myndir af línubátnum Guðbjörgu GK 666 koma að landi í dag.

Útgerð Stakkavík í Grindavík.

Upphaflega Ársæll Sigurðsson HF 80, smíðaður í Kína 2001.

2468. Guðbjörg GK 666 ex HF. © Jón Steinar 2018.

 

2468. Guðbjörg GK 666 ex HF. © Jón Steinar 2018.

 

2468. Guðbjörg GK 666 ex HF. © Jón Steinar 2018.

 

2468. Guðbjörg GK 666 ex HF. © Jón Steinar 2018.

21.03.2018 17:59

Háey landar í Grindavík

Háey II ÞH 275 hefur róið frá Suðurnesjum upp á síðkastið og þá aðallega frá Grindavík. Lágey ÞH 265 hefur einnig verið á sömu slóðum en bátarnir eru í eigu GPG Seafood á Húsavík.

Ég tók þessar myndir undir kvöld sl. mánudag þegar Kristinn Hrannar Hjaltason skipstjóri og hans menn á Háey II komu að landi í Grindavík. 

Aflinn 8-9 tonn.

2757. Háey II ÞH 275 kemur að landi í Grindavík. © Hafþór 2018.

 

2757. Háey II ÞH 275. © Hafþór Hreiðarsson 2018.

 

2757. Háey II ÞH 275 kemur að bryggju í Grindavík. © Hafþór 2018.

 

Landað úr Háey II í Grindavík. © Hafþór Hreiðarsson 2018.

 

Aflinn ísaður í kör. © Hafþór Hreiðarsson 2018.

 

Hreiðar Hauksson ísar aflann í kör. © Hafþór Hreiðarsson 2018.

 

Landað úr Háey II í Grindavík 19. mars 2018. © Hafþór Hreiðarsson.

 

Kristinn Hrannar Hjaltason skipstjóri á Háey II. © Hafþór 2018.

 

21.03.2018 16:55

Grímnes

Netabáturinn Grímsnes GK 555 á landleið sl. laugardag. Hann landar yfir leitt í Njarðvík á vertíðinni en það er Maron ehf. sem gerir hann út.

Upphaflega Heimir SU 100 frá Stöðvarfirði en hefur heitið ýmsum nöfnum í gegnum tíðina.

Smíðaður 1963 í Flekkefjørd.

89. Grímsnes GK 555 ex BA. © Hafþór Hreiðarsson 2018.

20.03.2018 22:59

Akurey

Skuttogarinn Akurey AK 10 kemur hér til hafnar í Reykjavík í morgun. Akurey var smíðuð árið 2017 í Tyrklandi og kom til heimahafnar í Reykjavík 20.júní 2017. 

2890. Akurey AK 10. © Hafþór Hreiðarsson 2018.

15.03.2018 22:32

Kapitan Nazin

Kapitan Nazin er hér á mynd sem Börkur Kjartansson tók um árið. 

Togarinn hét m.a áður Alina og Högaberg og siglir undir rússnesku flaggi með heimahöfn í Murmansk.

Kapitan Nazin ex Alina. © Börkur Kjartansson 2014.

15.03.2018 21:33

Aðalbjörg

Ekki oft sem Aðalbjörgin ratar orðið á síðuna en hér kemur mynd sem Jón Steinar tók þegar hún kom að landi í Grindavík.

Smíðuð hjá Vélsmiðju Seyðisfjarðar árið 1987.

1755. Aðalbjörg RE 5. © Jón Steinar Sæmundsson 2018.

 

15.03.2018 21:25

Fjölnir á leið í róður

Fjölnir GK 157 á leið í róður í fyrrakvöld. Hann var smíðaður hjá Westermoen Hydrofoil í Mandal í Noregi árið 1968. Hét upphaflega Örvar HU á íslenskri skipaskrá.

Rifsnesið var smíðað í Mandal í Noregi 1968 en keypt til Íslands og kom það til heimahafnar á Skagaströnd í desember 1970. Þá hét það Skrolsvik T-84-TN en Skagstrendingar nefndu hann Örvar HU 14.

Síðar varð hann Örvar BA 14 og þá Rifsnes SH 44.

Vísir hf. í Grindavík kaupir hann þegar Hraðfrystihús Hellisands kaupir nýtt Rifsnes frá Noregi og fær hann þá nafnið Ozean Breeze og var m.a gerður út í Kanada. 

Eftir gagngerar breytingar í Gdansk í Pólland, sem m.a fólu í sér lengingu um níu metra auk þess sem íbúðahæð var sett undir brúna, kom báturinn til heimahafnar í Grindavík í desembermánuði 2015. 

1136. Fjölnir GK 157 ex Ocean Breezer GK. © Jón Steinar 2018.

 

1136. Fjölnir GK 157 ex Ocean Breezer GK. © Jón Steinar 2018.
Flettingar í dag: 3225
Gestir í dag: 1317
Flettingar í gær: 4329
Gestir í gær: 2212
Samtals flettingar: 8521057
Samtals gestir: 1854316
Tölur uppfærðar: 22.7.2018 23:37:43
 










Eldra efni

clockhere

Tenglar

Um mig

Nafn:

Hafþór Hreiðarsson

Farsími:

8956744

Heimilisfang:

Sólbrekka 29

Staðsetning:

Húsavík

Heimasími:

4642030

Önnur vefsíða:

www.640.is