Norska selveiðiskipið Havsel er nú í höfninni á Ísafirði en áhöfnin veiðir sel á Vestfjarðamiðum. "Skipið er nýkomið á miðin og mér skilst að þeir séu komnir með áttatíu seli," sagði Guðmundur M. Kristjánsson, hafnarstjóri Ísafjarðarhafna, í samtali við Bæjarins besta á Ísafirði.
|
Skipamyndir Hafþórs Hreiðarssonar |
|
FréttasíðaVið sjávarsíðuna 30.4.2008Sigurfari og Grímsnes.Dragnótabátarnir Sigurfari GK 138 og Grímsnes GK 555 voru meðal þeirra báta sem rötuðu fyrir linsuna hjá mér í Grindavík á dögunum. Sigurfari var áður VE 138 en hét Glomfjord þegar vestmannaeyingarnir festu kaup á honum. Grímsnes var upphaflega í eigu Varðarútgerðarinn á Stöðvarfirði og hét Heimir SU 100.
29.4.2008Illa komið fyrir þessum.Andskoti er nú illa komið fyrir þessum bát sem síðuritari steig ölduna fyrst á í gamla daga. Þá hét hann Kristbjörg, síðar Kristbjörg II og loks Skálaberg þar sem ég var í þrjú ár með Alla heitnum föðurbróður mínum. Í dag heitir þessi bátur Fanney RE þó standi á honum Bára ÁR. Hann liggur nú í Reykjavík en þangað var hann dreginn í síðustu viku. Heyrst hefur að gera eigi bátinn upp og vonandi er það rétt.
Sigurður Bergsveinson frá Stykkishólmi sagði mér að hann hefði unnið í Vélsmiðju Kristjáns Rögnvaldssonar veturinn 1967 þegar verið var að smíða bátinn, sem upphaflega hét Kristjón Jónsson SH 77, og því unnið töluvert í bátnum. Þetta er síðasti báturinn sem var smíðaður úti í gömlu dráttarbrautinni og að sögn Sigurðar var oft ansi kalt þennan vetur og snjóþungt. Hann segist muna að oft hafi verið erfitt að hafa sig út til að vinna við þær aðstæður, sem eftir á að hyggja voru ótrúlegar og sýndu kraftinn sem var þá í Hólmurum við að byggja upp skipasmíðaiðnað sinn. Skipavík flutti síðan í bragga við Reitarveg og þar voru allir bátarnir sem eftir komu smíðaðir utan sá síðasti (1487) sem var smíðaður í húsinu út í Skipavík þar sem starfsemin er núna. Kristbjörgin (1420) var reyndar byggð að hluta á Reitarveginum og síðan kláruð í húsinu í Skipavík. 28.4.2008Stakkavíkurbátar.Hér eru myndir af þrem bátum Stakkavíkur í Grindavík og eru þeir allir sömu tegundar, þ.e.a.s. af Gáskagerð. Myndirnar af Óla á Stað og Hópsnesi tók ég í síðustu viku en myndina af Þórkötlu árið 2006.
27.4.2008Kominn aftur.................Jæja þá er maður komin heim aftur eftir velheppnaðan túr á sv. hornið. Náði þó ekki að fara í Þorlákshöfn eins og ég ætlaði. Varðandi spurninguna sem ég varpaði fram hér að neðan þá kom Emil Páll með svarið. Þ.e.a.s. þetta voru Kristbjörg GK 404 sem strandaði á Stafnesi og Pétursey GK 184 sem strandaði við Grindavík minnir mig. Ef það er ekki rétt þá leiðréttir einhver það. Hér kemur sýnishorn af því sem ég var að bauka síðustu daga.
25.4.2008Gleðilegt sumar.Óska öllum sem hér koma við gleðilegs sumars, þó seint sé, og þakka fyrir veturinn. Nú er ég á horninu eins og sumir segja, þ.e.a.s. sv-horninu og hef alveg sloppið við tafir vegna óláta. Í dag var myndað á suðurnesjum en eitthvað á ég í vandræðum með að kma myndum í Æbúkkið sem ég er með og því eru engar myndir frá deginum í dag sýndar nú. En andskoti er orðið leiðinlegt að fara niður að Reykjavíkurhöfn og Hafnafjarðarhöfn engu skárri. Ef svo vildi til að bátur væri þar á ferð sem maður vildi ná er nánast ógjörningur að komast í færi við hann. Ætlaði að setja gamla mynd inn með þessari færslu en þessi blessaða talva virðist ekki vera í stuði, frekar en ég. Varpa því fram einni spurningu til gamans, Hvaða tveir bátar sem gerðir voru út frá Húsavík strönduðu og eyðilögðust eftir að hafa verið seldir til Suðurnesja ? 22.4.2008Háey II kemur að.Það var ekki mikið síðra veðrið í dag þegar Háey II kom að landi á Húsavík en í gær þegar Lágey kom að.
21.4.2008Við höfnina í dag.Það var vor í lofti við Húsavíkurhöfn síðdegis í dag og karlarnir kátir því vel hefur fiskast á línuna daga og grásleppan að gefa sig í netin. Gunnlaugur Karl Hreinsson útgerðarmaðurog fiskverkandi í GPG var að taka á móti línubátnum Lágey ÞH í hans eigu. Strákarnir á Eika Matta ÞH, Jón Óli, Höddi og Binni komu einnig að eftir að hafa vitjað um grásleppunetin. Jón Óli skipstjóri var ánægður með aflabrögðin í dag sem voru átta og hálf tunna af sulli.
21.4.2008Trefjar afgreiða nýja Cleópötru til Skotlands.Bátasmiðjan Trefjar í Hafnarfirði afgreiddi í síðustu viku nýjan Cleopatra bát til Burnmouth á austurströnd Skotlands. Að útgerðinni stendur John Affleck sjómaður frá Burnmouth sem jafnframt er skipstjóri á bátnum.
20.4.2008Sigurður Þorleifsson.Hér er mynd af Sigurði Þorleifssyni GK 256 sem var í eigu Þorbjarnar hf. í Grindavík. Báturinn var smíðaður á Akureyri 1973 og hét upphaflega Fjölnir ÍS 177 frá Þingeyri. 1974 var hann seldur til Keflavíkur, kaupendur Þórarinn Þórarinsson, Magnús Þórarinsson og Jónas Þórarinsson, og nefndu þeir bátinn Bergþór KE 5. 1977 kaupir Heimir hf. í Keflavík og gaf því nafnið Jóhann Guðnason KE 77. 1978 kaupir Þorbjörninn bátinn og er hann skráður í Grindavík 1988. Heimild Íslensk skip. Ef ég man rétt þá gengur báturinn upp í kaupin á Snæfelli EA 740 frá Hrísey, hríseyingarnir eiga hann í stuttan tíma og selja hann síðan Kristjáni Guðmundssyni á Rifi. Hann er síðan úreldur þegar feðgarnir á Rifi fá Tjaldana tvo frá Noregi.
19.4.2008Víðir II GK 275.Þessa mynd af aflaskipinu Víði II GK 275 tók Hreiðar Olgeirsson á síldarárunum. Þarna er Víðir II, sem var smíðaður 1960 í Noregi fyrir Guðmund Jónsson í Garðinum, að landa síld á Húsavík. 219.Víðir II GK 275. © Hreiðar Olgeirsson.
18.4.2008Þrír úr Eyjum.Þá er komið að myndum frá eyjapeyjanum Tryggva Sig. Þær sýna þrjá báta úr flota Vestmannaeyinga, einn er þar ennþá, annar var seldur burt en sá þriðji sökk. Þetta eru Frigg VE 41 sem í dag heitir Frár VE 78, aðeins breyttur frá þessum tíma. Þá kemur Valdimar Sveinsson VE 22 sem í dag heitir Margrét HF 20 en hét upphaflega Súlan EA 300. Svo er það Andvari VE 100, smíðaður í Póllandi 1989. Hann sökk 12 sjm. suður af Vík í Mýrdal þann 22. maí 1993. Mannbjörg varð, átta manna áhöfn Andvara bjargaðist um borð í Smáey VE 144.
17.4.2008Blæs ekki byrlega fyrir þessum.Það blæs ekki byrlega fyrir þessum þrem sem Aðalsteinn Á. Baldursson myndaði í Þorlákshöfn á dögunum. Þarna liggja Kambaröst RE 120, Sæfari ÁR 170 og Jón Gunnlaugs ÁR 444. Kambaröstin smíðuð í Noregi 1957, Sæfari í Póllandi 1988 og Jón Gunnlaugs í Reykjavík 1972. Kambaröstin 51 árs, Sæfari 20 ára og Jón Gunnlaugs 36 ára. Þeir hafa ekki landað neinum afla á yfirstandandi fiskveiðiári þesssir bátar enda ekkert farið á sjó. Ætli þeir fari nokkuð á humar í sumar ? Nei ætli það nokkuð. Í Þorlákshöfn. © Aðalsteinn Á. Baldursson.
16.4.2008Copasa-1Hér er mynd af Arnarnesinu sem tekin var árið 2000 í Mexíkó. Sveinn í Álasundi sendi mér hana en fjölskylda hans átti skipið þegar það var í Garðinum og hét Ingólfur GK. Þá átti fjölskyldan einnig Erling GK og Sveinborgu GK á sama tíma. Arnarnesið heitir Copasa-1 á myndinni. 15.4.2008Arnarnes.Hér koma tvær myndir af Arnarnesinu sem við feðgar tókum á sínum tíma. Hreiðar Olgeirsson tók þá efri, mig minnir í janúar eða febrúar 1985 eða þá 1986. Þá neðri tók ég síðan 1989 að mig minnir, kannski 1988. Ég er ekkert að rifja upp sögu skipsins, sem er ansi merkileg, hún kemur.
15.4.2008Skjóta seliInnlent | 15.04.2008 11:23:10
Skjóta seli í ÍsafjarðarhöfnVegna veðurs leitaði skipið til Ísafjarðar en þetta er þriðja árið sem skipið kemur til hafnar á Ísafirði. Selveiðarnar eru þannig framkvæmdar að keyrt er inn í ísinn og mannskapurinn fer út á breiðurnar með riffla og skýtur selina. 14.4.2008Hafselurinn.Norski selfangarinn Havsel er nú í höfn á Ísafirði en áhöfnin veiðir sel á Vestfjarðamiðum. ?Skipið er nýkomið á miðin og mér skilst að þeir séu komnir með áttatíu seli?, sagði Guðmundur M. Kristjánsson, hafnarstjóri Ísafjarðarhafna í viðtali við bb.is. Havsel leitaði til Ísafjarðar vegna veðurs og er þetta þriðja árið sem skipið kemur til hafnar á Ísafirði. Selveiðarnar fara þannig fram að keyrt er inn í ísinn og mannskapurinn fer út á breiðurnar með riffla og skýtur selina.
Havsel komst í fréttir hér á landi fyrir fjórum árum þegar báturinn lenti í hremmingum í ísnum og fór að leka. Báturinn leitaði þá til Akureyrar þar sem gert var við hann og var þessi mynd tekin af honum þá.
13.4.2008Sif að draga netin á Breiðafirði.Hér er mynd úr safni Hreiðars Olgeirssonar og sýnir hún Sif SH 3 frá Stykkishólmi draga netin á Breiðafirði. Sif SH var í eigu Hólms hf. í Stykkishólmi þegar þetta var en báturinn var smíðaður í Póllandi 1966. Glettingur hf. í Reykjavík keypti skipið til landsins í maí 1970 og fékk hann nafnið Dalaröst RE 325. Eftir að Glettingur hf. flutti sig til Þorlákshafnar fékk skipið einkennisstafina ÁR og númerið 52. 1977 er hann svo seldur til Stykkishólms þar sem hann fær nafnið Sif SH 3. Þegar báturinn var keyptur hingað til lands var hann mældur 101 brl. að stærð. 1980 var báturinn lengdur og mældist eftir það 117 brl. að stærð og 1983 var hann síðan yfirbyggður. 1106.Sif SH 3 ex Dalaröst ÁR 52. © Hreiðar Olgeirsson. 12.4.2008Endeavour III kominn til Þorlákshafnar.Fiskiskipið Endeavour III sem Rammi hf. keypti frá Peterhead í Skotlandi í lok síðasta árs er kominnn til landsins. Skipið er í Þorlákshöfn og en það var afhent í Peterhead þann 1. apríl sl. Fram kemur á heimasíðu Ramma hf. að Endeavour III er smíðað árið 1998 í Macduff Yard í Skotlandi. Skipið er 27,41 meter að lengd og 8,52 að breidd og er því ætlað að leysa Fróða ÁR-33 af hólmi. Þar segir einnig að Alexander Hallgrímssyni skipstjóra á Fróða lítist vel á nýja skipið og telur að með minniháttar breytingum henti skipið vel í þau verkefni sem því eru ætluð.
11.4.2008Hekla við bryggju á Húsavík.Hér er mynd af strandferðarskipinu Heklu við bryggju á Húsavík. Ég tel myndina vera tekna 1980 og reikna með að Hafliði samþykki það.
10.4.2008Hver er báturinn ?Hver er báturinn og hvar er myndin tekin, ekki verra ef menn vita hver átti Willysinn. Kópur ÞH er báturinn og myndin er tekin á Kópaskeri. Sigurgeir Harðarson á jeppann en hann var með Kóp á handfærum fyrir Sæblik á Kópaskeri sem átti bátinn. Báturinn hét síðast Dögg ÍS en hann sökk norðaustur af Arnarnesi í Ísafjarðardjúpi 2002.
Flettingar í dag: 1410 Gestir í dag: 362 Flettingar í gær: 2055 Gestir í gær: 435 Samtals flettingar: 1561171 Samtals gestir: 399176 Tölur uppfærðar: 15.3.2010 21:04:12 |
Vafraðu umEldra efni
clockhere Tenglar
Um mig Nafn: Hafþór HreiðarssonFarsími: 8956744Tölvupóstfang: korri@simnet.isHeimilisfang: Sólbrekka 29Staðsetning: HúsavíkHeimasími: 4642030Önnur vefsíða: www.640.is |
