Áramótabrennan á Húsavík 2006. © Hafþór.

707.Ófeigur III VE 325. © Hreiðar Olgeirsson.

Hér koma myndir af tveimur eikarbátum sem smíðaðir voru á Akureyri fyrir ólafsvíkinga. Á efri myndinni er Fanney SK 83 sem upphaflega hét Jón Jónsson SH 187 og var smíðaður fyrir Halldór Jónsson 1959. Á neðri myndinni er Hafborg SI 200 sem upphaflega hét Jökull SH 126 og var smíðaður fyrir þá bræður Víglund og Tryggva Jónssyni árið 1957. Jón Jónsson var upphaflega mældur 70 brl. en Jökull var nokkru minni eða 54 brl.

619.Fanney SK 83 ex Hrafnsey SF. © Hafþór.

625.Hafborg SI 200 ex Hafborg SK 50. © Hreiðar Olgeirsson.

Nú væri gaman að fá nánari upplýsingar um smíði þessara báta. Voru þeir ekki smíðaðir hjá sömu skipasmíðastöð ? Hver teiknaði þá ?

Um borð í Héðni ÞH 57. © Sigurgeir Harðarson.

363.Þröstur ÍS 222 ex Þröstur HU 131. © Hafþór.

708.Jóhanna Magnúsdóttir RE 70. © Hafþór.

167.Sigurjón Arnlaugsson HF 210. © Hreiðar Olgeirsson.

Kristján SH 6 er báturinn og á myndinni er hann tilbúinn til sjósetningar í október 1961. Sigurður Bergsveinsson sendi mér myndina sem Ágúst Sigurðsson tók. Báturinn var teiknaður og smíðaður af Kristjáni Guðmundssyni sem kallaður var Stjáni Slipp en hann fæddist 1911 og lést 1999. Stjáni slipp lærði skipasmíðar hjá Gunnari Jónssyni í Skipasmíðastöð KEA á Akureyri. Kristján SH 6, sem er með skipaskrárnúmerið 647, er fyrsti plankabyggði báturinn sem var smíðaður í Stykkishólmi. Hann er 21 brl. að stærð, 14,64 metrar að lengd, 4 metrar á breidd og dýptin er 1,8 metrar. Kristján SH 6 hét síðar Konráð BA 152, Helga Björg HU 7, Reginn HF 228 og Sindri SH 121. Í dag heitir hann Gæskur KÓ og er í eigu Magnúsar Kristjánssonar sem rekur áfangaheimilið að hafnarbraut 21 í Kópavogi. Skipt var um brú á bátnum og Sigurður Pétursson í Grundarfirði sem átti bátinn um skeið kom með þá tilgátu að það hafi verið gert þegar hann var á Skagaströnd. Þangað kom báturinn í árslok 1972. Vita menn eitthvað um þetta, þ.e.a.s. hvenær var skipt um stýrishús á bátnum ? Hér er að neðan myndin sem Ágúst Sigurðsson tók, það er mynd af bátnum í Íslensk skip þar sem hann heitir Helga Björg, ég á myndir af honum sem Reginn HF en á einhver mynd af honum sem Konráð BA 152 ?
Ég vil þakka Sigurði Bergsveinssynir fyrir þessa mynd og þær upplýsingar sem fylgja henni.

647.Kristján SH 6.


647.Reginn HF 228 ex Helga Björg HU 7. © Hafþór.

Það verður að taka áskorun um getraun, hver er hann þessi ?
Eru menn ekkert að leggja höfuðið í bleyti yfir jólin ?
Hver er hann þessi ?

Húsavíkurhöfn 23.12.2007 © Hafþór.

2704.Konni Júl GK 704. © Hafþór.

1551.Hilmir SU 171. © Hreiðar Olgeirsson.

1016.Erling KE 140 ex Sigurður Pálmason HU 333. © Hafþór.

1016.Sigurður Pálmason HU 333 ex Fylkir NK 102 við Slippkantinn á Akureyri.

Erling KE 45 var gerður út rækju frá Húsavík hér áður fyrr og tók ég þessa mynd af honum er hann var að koma úr  rækjutúr. Eigandi skipsins var Saltver hf. í Keflavík. Erling hét upphaflega Pétur Jóhannsson SH 207, þ.e.a.s. á íslenskri skipaskrá, en skipið var keypt til íslands árið 1974. Erling var smíðaður í Noregi 1969 en það er Smári hf. í Ólafsvík sem kaupir hann til landsins. Í árslok 1976 var skipip selt Höfn hf. á Siglufirði, nafn og númer óbreytt, og tæpu ári síðar kaupa Ingvi Rafn Albertsson skipstjóri, Askja hf. og Friðþjófur hf. á Eskifirði skipið og nefna hann Seley SU 10. Það er svo haustið 1982 sem Saltver hf. kaupir Seleyna og fær skipið þá nafnið Erling. Erling var, eins og áður segir, smíðaður í Noregi 1969 og mældist þá 236 brl. að stærð. Í honum var 700 hestafla Wichmann aðalvél. Hann var yfirbyggður 1977 og síðan lengdur 1986. Eftir lenginguna mældist hann 328 brl. að stærð. 1985 var sett í hann ný aðalvél, 1100 hestafla B & W Man.    Heimild Íslensk skip.

Erling KE 45 sökk 11. desember 1990 eftir að hafa steytt á skerinu Borgarboða sem er skammt frá Hornafjarðarósnum. Þrettán skipverjar komust heilu og  höldnu í gúmíbáta og þaðan yfir í Þorstein GK 16 hálftíma eftir að skip þeirra steytti á skerinu. Heimild Morgunblaðið 12. desember 1990.

                                                             1361.Erling KE 45 ex Seley SU 10. © Hafþór.

Dala-Rafn heitir þorskskip sem Þórður Rafn útgerðarmaður í Vestmannaeyjum hefur fest kaup á. Skipið kom siglandi inn í höfnina í Eyjum fyrir stundu. Dala-Rafn er sjötta skipið sem bætist við flota Vestmannaeyinga á árinu en þrjú skip hafa verið seld frá Eyjum á þessu ári. Af þessum sex skipum eru þrjú þeirra nýsmíðuð. Talið er að Dala-Rafn sé fjárfesting uppá um þrjá milljarða króna og ríkti mikil hamingja á höfninni í Vestmannaeyjum þegar skipið kom siglandi.

Ég sá á dögunum spekúlaresjónir á netinu um Þorstein ÞH 360, áður Þorsteinn EA 810 og upphaflega Helga II RE 373. Mönnum fannst hann ekki beint laglegur eftir breytingarnar sem fram fóru í Póllandi á haustmánuðum árið 2000 og í ársbyrjun 2001. Morgunblaðið sagði frá komu skipsins til heimahafnar eftir breytingarnar á eftirfarandi hátt:
 

                                                          Wilson Muuga á strandstað. © Reynir Sveinsson.

Nú fyrir jólin kom 14. bókin í Útkallsbókaflokknum eftir Óttar Sveinsson og að venju lýsir hann þessum atburðum á dramatískan og líflegan hátt. Ég var með bókina, Útkall, þyrluna strax !, að láni úr bókasafninu á dögunum og er óhætt að mæla með henni. Hefði helst viljað lesa hana alla í einu en þá hefði ekkert birst á síðunni þann daginn svo ég las hana í tvennu lagi.

1159.Þorsteinn GK 16 ex Svanur SH 111. © Hafþór.

Skipaskrá og sjómannaalmanak Áraklóar, önnur útgáfa, er komin út og er bókinni dreift frítt til skipa og báta í rekstri, auk fleiri aðila. Dreifingu á bókinni lýkur fyrir áramót. Auglýsingar kosta bókina. Skipaskráin og sjómannaalmanakið er hefðbundin handbók sjómanna með upplýsingar um: sjávarföll, vita- og sjómerki, veður og sjólag, fjarskipti, öryggismál og fleira er í bókinni.

Lagakaflinn er á geisladisk og það fyrirkomulag nýtur vinsælda hjá sjómönnum, ýmislegt annað efni eins og eyðublöð, afla- og fiskikort og aðrar upplýsingar eru á geisladisknum. Í skipaskrá eru öll skip og bátar sem eru á skrá hjá Siglingastofnun, skránni er skipt í tvo hluta, mynda- og textaskrá. Í myndaskrá eru skip og bátar sem eru í rekstri, þar með taldir opnir bátar. Í textaskrá eru upplýsingar um önnur skip og báta.
Ritstjóri bókarinna er Jón Sigurðsson, útgefandi er Árakló slf.      

                                                                                               www.interseafood.com

Fyrir daga nýsköpunar.