Skipamyndir Hafþórs Hreiðarssonar

30.8.2007

Bliki ÞH 50 við bryggju á Húsavík.

Á þessari mynd, sem tekin er að ég held 1983, er eikarbáturinn Bliki ÞH 50 við bryggju á Húsavík. Hinrik heitinn Þórarinsson skipstjóri var með Blika um tíma en ekki man ég hvort hann var með hann þarna. Bliki var í eigu Njarðar hf. þegar þetta var, kom í hlut Njarðar hf. þegar Barðanum hf. var skipt upp 1978. Upphaflega hét Bliki, Ólafur Magnússon AK 102, hann var smíðaður í Svíþjóð 1948 fyrir Þorkel Halldórsson á Akranesi.

710.Bliki ÞH 50 ex Bliki GK 323.

Skrifað 30.8.2007 kl. 22:15 af HH

Bein slóð á færslu

3 álit. Bættu við áliti! | Skoða skrifuð álit

29.8.2007

Skálavík og Bervík.

Hér eru tveir gamlir frá Ólafsvík, annars vegar Skálavík SH 208 og hins vegar Bervík SH 43.

893.Skálavík SH 208.

Hvar er brúin af Skálavíkinni niðurkomin ?

720.Bervík SH 43.

Skrifað 29.8.2007 kl. 21:34 af HH

Bein slóð á færslu

2 álit. Bættu við áliti! | Skoða skrifuð álit

28.8.2007

Loðnuskip í eyjum 1983.

Þessa mynd tók ég í eyjum 1983 og sýnir hún fjögur loðnuskip sem þá voru í eigu eyjamanna.

1062. Kap II, 1401.Gullberg, 989.Sæbjörg, 1411.Huginn.

Skrifað 28.8.2007 kl. 23:01 af HH

Bein slóð á færslu

2 álit. Bættu við áliti! | Skoða skrifuð álit

27.8.2007

Vertíðarbátar.

Set hér inn þrjár myndir sem ég tók á fermingarvélina, þær tvær fyrstu eru teknar í Þorlákshöfn og sú þriðja á Breiðafirði.

Þessir eru auðþekkjanlegir en hver er saga þeirra ?

Skrifað 27.8.2007 kl. 22:17 af HH

Bein slóð á færslu

8 álit. Bættu við áliti! | Skoða skrifuð álit

Sveinn Ingi skrifaði:

Sæll Hafþór,

Efsta myndin, hélt ég fyrst að væri Fríða Amma áður Hafnarröst, en sé að þetta er Skinney SF.

Miðjumyndin er af Jóhanni Gísla ÁR, sem varð svo síðar Gunnþór GK. Hann var rifinn hjá Skipasmíðastöð Njarðvíkur í vetur eftir nokkura ára legu í Njarðvíkurhöfn. Ef ég man rétt fór þessi bátur á snurrvoð í Rússneskri lögsögu ca. 1993 / 1994 og síðar til Ghana.
Frá Ghana kom hann aftur til Íslands ca. 1999 / 2000 og þá keypti Ljósfiskur ehf í Keflavík bátinn og gerði hann út í eitt eða tvö ár.

Neðsta myndin er af Hraunsvík GK áður Gyllir ÍS og Patrekur. Skipið heitir enn Hraunsvík og fiskar sverðfisk og túnfisk út frá ströndum Suður Afríku. Skrokkurinn var keyptur frá Svíþjóð ef ég man rétt og var skipið klárað í Stykkishólmi um 1982, svo á þessari mynd er hann nokkuð nýr.

27.8.2007 kl. 23:09

Emil Páll skrifaði:

Saga skipanna þriggja er svohljóðandi:

250. Ísleifur IV VE 463 frá Vestmannaeyjum frá árinu 1964, síðan til Þorlákshafnar fyrst sem ÁR 66 en sama nafn og síðan sem ÁR 463 og enn með sama nafn. Hefur síðan verið frá Hornafirði frá 1987 sem Skinney SF 30.

1067. Til viðbótar við það sem Sveinn Ingi skrifar: Tungufell BA 326 frá Tálknafirði og síðan Tungufell BA 325 frá sama stað, þá Jón á Hofi áR 42 og síðan með sama nafni en nr. ÁR 52. Tekinn af skrá hérlendis 1992, en var þá í eigu íslendinga í Ghana og hét þá þar Jóhann Gíslason. Árið 2000 kom hann aftur og fékk fyrst gamla nafnið Jóhann Gíslason ÁR 42 í eigu aðila í Þorlákshöfn, þaðan fór hann til Njarðvíkur og fékk þar nafnið Gunnjón GK 24 og fór síðan til Keflavíkur með sama nafni. Síðan lendir hann á uppboði og var slegin olíufélagi, sem seldu hann til íslendings í Noregi, en báturinn fór þó ekki á veiðar þó það hafi staðið til að gera hann út frá Reykjavík á netaveiðar. Reykjaneshöfn eignaðist síðan bátinn á uppboði og að lokum var honum fargað í Skipasmíðastöð Njarðvíkur á síðasta hausti.

1640. Patrekur BA 64 frá Patreksfirði. Hann komst síðan í eigu Fiskveiðasjóðs og eftir það aftur til Patreksfjarðar, þá fór hann til Stöðvafjarðar og fékk þar nafnið Valur SU 68 og þaðan til Flateyrar þar sem hann fékk nafnið Gyllir ÍS 261 undir því nafni skipti hann um eigendur á Flateyri og fór síðan til Ísafjarðar, áður en hann var að lokum seldur til Grindavíkur þar sem hann fékk nafnið Hraunsvík GK 90. Seldur síðan erlendis í janúar 2003.

28.8.2007 kl. 17:59

Óskar Franz skrifaði:

250. Ísleifur IV VE 463.
byggður hjá Örens Mek. Verksted A/S. í Trondheim í Noregi 1964. sm.No.31.

1067. Tungufell BA 326.
byggður hjá Kaarbös Mek. Verksted A/S í Harstad Noregi 1968.sm.No. 59.

1640. Patrekur BA 64.
Skrokkurinn er byggður hjá FEAB. Marstrandverken AB. í Marstrand í Svíþjóð.
Skipavík hf. í Stykkishólmi lauk svo við smíðina 1982. sm. No. 21.

28.8.2007 kl. 19:36

Óskar Franz skrifaði:

Það eru smá vangaveltur hjá mér í sambandi við 1067. Tungufell Ba 326,
1063 Tálknfirðingur BA 325.
Þann 21.mars 1979 verður hann Tálknfirðingur BA 326.

1067 Tungufell BA 326 það getur varla verið að hann hafi orðið Tungufell BA 325.
Hann hlýtur að hafa fengið annað númer heldur en BA 325.

Báðir voru þeir seldir Glettingi hf. Þorlákshöfn í endaðan apríl 1979.
En 1534 Tálknfirðingur BA 325 sem var skuttogari var skráður 21 mars 1979.sama dag og númera breytingin fór framm á bátunum.
Þarna er ég strand.

28.8.2007 kl. 23:04

Emil Páll skrifaði:

Óskar! Því miður þá get ég ekki sagt hvaðan þessar upplýsingar eru fengnar, þar sem allar bátamyndir mínar og eldri upplýsingar lentu í förgun, er þær voru í geymslu úti í bæ.

28.8.2007 kl. 23:32

Óskar Franz skrifaði:

Takk Emil.
Þettað finn ég ekkert um nema það að 1063 . Tálknfirðingur BA 326 fékk BA 325.
Númerið á hinum hefur alltaf valdið mér heilabrotum.

28.8.2007 kl. 23:40

Emil Páll skrifaði:

Óskar ástæðan getur líka verið sú og mér minnir að svo sé, að sá sem seldur var í Þorlákshöfn var lengur með nr. BA 325, en hann var skráður með en eins og algengt er þá dregst að stundum að setja rétta nafnið eða númerið á bátanna, þó svo að búið sé á pappírum að umskrá þá.

28.8.2007 kl. 23:51

Óskar Franz skrifaði:

Já Emil það getur verið skýringin.

28.8.2007 kl. 23:56

27.8.2007

Rjómablíða í dag.

Rjómablíða var á Húsavík í dag og flóinn skartað sínu fegursta. Þegar fég fór á Gónhólinn um miðjan daginn mátti sjá báta um allan flóa, ýmist fiskibáta ellegar hvalaskoðunarbáta. Línubátarnir fóru að týnast inn þegar leið á daginn og á myndinni hér að neðan er Ingólfur Árnason skipstjóri á Sigrúnu Hrönn ÞH að laga aflann svo hann fari vel í körunum.

Erla Guðmundsdóttir hjá Fiskmarkaði Húsavíkur var mætt...

...sem og Palli hjá GPG.

Skrifað 27.8.2007 kl. 21:26 af HH

Bein slóð á færslu

Engin álit, smelltu til að skrifa álit

26.8.2007

Tónlistarveislan 2007.

Ég brá mér, ásamt frúnni, á stórgóða tónlistarveislu sem haldin var í íþróttahöllinni um helgina. Þar fór fríður flokkur undir stjórn Guðna Bragasonar með dægurperlur Björgvins Halldórssonar. Ég mun setja inn albúm frá tónleikunum innan skamms en set hér inn tvær myndir. Önnur af öllum flytjendunum saman á sviði og hin sem er af Ínu Valgerði er fyrir Höllu mína Marín en þær eru góðar vinkonur.

Það er ekki hægt að skilja kynnirinn út undan, Jóhann Kr. Gunnarsson.

Skrifað 26.8.2007 kl. 23:10 af HH

Bein slóð á færslu

1 álit. Bættu við áliti! | Skoða skrifuð álit

26.8.2007

Bátur vikunnar hét eitt sinn Ásgeir ÞH 198.

Bátur vikunnar hét eitt sinn Ásgeir ÞH 198 og var gerður út frá Húsavík. Upphaflega hét báturinn Bliki EA 12 og var í eigu Blika hf. á Dalvík sem lét smíða hann á Akureyri. Bliki, sem var 20 brl. að stærð var smíðaður 1971 og var í eigu dalvíkingana til ársin 1975 er þeir selja hann til Ólafsvíkur. Þar fær hann nafnið Jói á Nesi SH 159 og eigendur eru Pétur F. Karlsson, Magnús Guðmundsson og Kim Mortensen. Til húsavíkur kemur báturinn 1978 og fær þá Ásgeirsnafnið, eigendur eru Magnús Andrésson og Þórður Ásgeirsson. Upphaflega var í honum 230 hestafla Scania aðalvél en árið 1982 setja þeir Doddi og Maggi í hann 328 hestafla Volvo Penta aðalvél. Þeir selja síðan bátinn til Ómars Valgeirs Karlssonar á Hvammstanga árið 1984 og fær hann nafnið Haförn HU 4. Haförn er seldur 1988 Einari Ásgeirssyni á Breiðdalsvík og verður Haförn SU 4. Heimild Íslensk skip.

1186.Ásgeir ÞH 198 ex Jói á Nesi SH 159.

Eins og fram kemur að ofan er báturinn á Breiðdalsvík 1988, ég man nú ekki hvernig útgerðarsaga hans var eftir það en minnir að hann hafi verið í Hafnarfirði og síðan aftur á Hvammstanga. Þaðan var hann svo er keyptur aftur til sinnar upphaflegu heimahafnar, Dalvíkur, árið 2000 . Þar fékk hann nafnið Muggur EA 26 og hefur undanfarin ár legið í Dalvíkurhöfn. Þar var búið að rífa m.a. af honum stýrishúsið og einhver laumaði því að mér að til stæði að gera úr honum seglskip. Hann liggur nú í höfninni á Akureyri.

Skrifað 26.8.2007 kl. 22:26 af HH

Bein slóð á færslu

1 álit. Bættu við áliti! | Skoða skrifuð álit

26.8.2007

Vertíðarmyndir frá Þorlákshöfn

Hér koma tvær myndir sem ég tók í Þorlákshöfn á vetrarvertíð 1982. Ég ætla ekkert að skrifa um þær en óska eftir athugasemdum um þær í áliti. Ég er ekki frá því að eitthvað merkilegt kæmi upp. Þessar myndir, og fleiri frá þessum tíma sem kannski eiga eftir að koma fyrir sjónir ykkar, eru teknar á fermingarvélina mína af Kodak gerð. Nánar tiltekið svo kölluð vasamyndavél og (ó) gæðin eru eftir því.

Skrifað 26.8.2007 kl. 22:10 af HH

Bein slóð á færslu

15 álit. Bættu við áliti! | Skoða skrifuð álit

Óskar Franz skrifaði:

1201.Guðbjörg RE 21. Upphaflega Guðbjörg HU 121.
Smíðuð 1972. Smíði No.27. frá Trésmiðju Austurlands hf. Fáskrúðsfirði.

Neðri mynd.
Árnesingur ÁR 75.
Smíðaður 1976.og er smíði No. 10.frá Trésmiðju Guðm. Lárussonar á Skagaströnd.

26.8.2007 kl. 22:37

Emil Páll skrifaði:

Ljóst er að báðir þessir bátar eru smíðaðir eftir teikningu Egils (heitins) Þorfinnssonar í Keflavík.

Öruggt er hver sá fyrri er, en ef við gefum okkur að hugmynd óskars um hinn síðari sé rétt, þá er saga þeirra beggja eftirfarandi:

1201. Guðbjörg HU 21, en nokkrum mánuðum fékk báturinn nr. RE 21 og var eigandi frá Reykjavík í báðum tilfellum. Undir nafninu Guðbjörg RE 21 var hann síðan gerður út frá Sauðárkróki og Sandgerði, en sá í Sandgerði flutti síðan í Bessastaðarhrepp. Eftir það fékk hann nafnið Sigurbára VE 249 frá Vestmannaeyjum og síðan Sigurbára II VE 248 frá sama stað. Áfram er báturinn í Eyjum og nú fær hann nafnið Gæfa VE 11. Þaðan fer báturinn til Hornafjarðar en er þó skráður Gæfa SH 171 og með þeirri skráningur fer hann í Hafnarfjörð. Síðan er hann áfram í eigu aðila í Hafnarfirði, en með heimahöfn í Sandgerði og fær þá nr. GK 114 en heldur nafninu. Nú fer hann í Grindavík fyrst sem Gæfa VE 114 og síðan Sigurvin GK 119. Af hagkvæmisástæðum er hann ýmist skráður GK 119 eða SH 119 með heimahöfn í Ólafsvík, en þó áfram í eigu sama aðila í Grindavík. Síðastu árin sem báturinn er á floti, er hann skráður í eigu aðila í Reykjanesbæ, en með heimahöfn í Grindavík og heldur nafninu Sigurvin GK 119. Hann sökk 25. ágúst 2006 15 sm. NV af Rifi.

1464. Árnesingur ÁR 75 í eigu manns á Selfossi. Nokkrum árum síðar var hann Sædís ÁR 14 frá Eyrarbakka og síðan með sömu skráningu í Reykjavík. Þaðan fór hann til Ólafsvíkur þar sem hann fékk skráninguna Auðbjörg II SH 97 og síðan sama nafn en SH 997, þá Reynir AK 18 frá Akranesi og eins Patreksfirði, en þar fékk hann nafnið Vestri BA 64 og síðan nr. BA 63. Þá varð hann Diddó BA 3 og með því nafni var hann líka á Ísafirði, en fékk síðan þar nr. ÍS 13 og frá því í mars á þessu ári hefur hann verið skráður í eign fyrirtækis í Hnífsdal sem Diddó BA 3, en með heimahöfn á Patreksfirði

26.8.2007 kl. 23:16

Hafþór skrifaði:

Samkvæmt því sem ég hef skrifað afta á myndina á sínum tíma er þetta 1386 Júlíus ÁR 111.

26.8.2007 kl. 23:20

Óskar Franz skrifaði:

Þettað er rétt hjá þér Hafþór.
Þettað er 1386. upphaflega Brynjar ÍS 61.
Smíðaður 1974. og er smíði No. 9. frá Trésmiðju Guðm. Lárussonar á Skagastönd.
Maður er kominn út á tún.

26.8.2007 kl. 23:29

Hafþór skrifaði:

Guðbjörgin var HU upphaflega eins og bent er á. Var það ekki vegna þess að báturinn var á innfjarðarrækju í Húnaflóa. Mig minnir að fleiri bátar að sunnan hafi einnig verið við þessar veiðar, am.k. Aðalbjörg RE 5 sem einnig var HU um tíma.

26.8.2007 kl. 23:42

Hafþór skrifaði:

Voru Jörfi ÞH 300 (1310) og Grímsey ST (1317) ekki sama teikning og 1386 og 1464 ? voru fleiri svona bátar ?

26.8.2007 kl. 23:49

Óskar Franz skrifaði:

Jú Haffi þessir bátar voru smíðaðir eftir sömu teikningu,nema 1317.var aðeins öðruvísi byggður að framan.
1464.var síðastur en svo fóru þeir út í trefjaplastið.

27.8.2007 kl. 0:10

Emil Páll skrifaði:

Já Hafþór Jörvi og Grímsey voru það líka ásamt Árna ÓF 43 (1427)

Saga Júlíusar ÁR 111 var eftirfarandi:

1386. Brynjar ÍS 61 frá Suðureyri, þá Haraldur EA 62 og síðan EA 85 í báðum tilfellum á Dalvík. Þá Júlíus ÁR 111 frá Þorlákshöfn og þar næst Dröfn SI 67 frá Siglufirði og að lokum Dröfn ÍS 44 frá Ísafirði. Bátinn rak á land 3. desember 1993 og talinn ónýtur og tekinn af skrá 20. des. það ár.

27.8.2007 kl. 0:19

Emil Páll skrifaði:

Smá prentvilla hjá mér varðandi 1201. Gæfa var í Grindavík GK 114 en ekki VE 114 og svo framv............

27.8.2007 kl. 0:25

Óskar Franz skrifaði:

Ég var búinn að gleyma Árna ÓF 43.
En hann kom 1975. og var smíði No. 9.en 1386.Brynjar ÍS 61.smíði No.8.

27.8.2007 kl. 0:29

Hafliði Ó skrifaði:

Er Hafþór nokkuð með dagsetninguna á því hvenær neðri myndin var tekin? Þar má nefnilega sjá í M/s Suðurland sem er greinilega að byrja lestun, trúlega á saltfiski,og má vel greina svokallaðan dunnes á dekki skipsins en hann var settur á botn lestargólfs, til hlífðar farminum,og einnig til að svokallaður pækill gæti runnið hindrunarlaust undan farminum. Einnig náðist e.t.v. að ná fram smá hringrás á loftið í lestinni, til kælingar. Ég spyr um dagsetningu á myndatöku sökum þess, að myndin var eins og Hafþór talar um, tekin árið 1982. En M/s Suðurland fórst einmitt þennan sama vetur, í endaðan Mars-mánuð við Færeyjar. Þar fórst einn maður. Ég á í fórum mínum mynd af Suðrlandi svartmáluðu, sem ekki hefur nú verið talið heppilegur litur fyrir kæliskip, sem siglt er á suðlægum slóðum. Er skipið kannski í síðustu ferðinni þegar myndin var tekin? Kannski síðasta mynd sem tekin er af skipinu hér heima? Ég þykist vita að stálbáturinn á efri myndinni sé M/b Valur RE.

27.8.2007 kl. 7:57

Óskar Franz skrifaði:

Ég hefði haldið frekar að blái báturinn á efri myndinni væri 1575. Njáll RE 275.

27.8.2007 kl. 8:05

Hafþór skrifaði:

Þða var þetta með Suðurlandið sem ég átti við þegar ég skrifaði að eitthvað merkilegt gæti komið upp þegar menn færu að rýna í myndina. Þessi mynd er tekin í marz 1982 og Suðurlandið fórst skömmu síðar. Blái báturinn er Njáll RE 275.

27.8.2007 kl. 8:11

Hafliði Ó skrifaði:

Valur RE var að sjálfsögðu grá-málaður. Eða er það misminni?Ég notast við einn fingur við mín skrif og þar sem ég þurfti að sinna mjög svo bráðu kalli var ágiskunin gerð í mjög svo miklum flýti. Ég læt annars ykkur hina um þessa blessuðu báta! Hver tók annars þessa mynd af Hafþóri sem prýðir (?) þessa síðu? Þarf ekki að geta þess hverju sinni? Virða höfundarréttinn?

27.8.2007 kl. 8:30

Guðjón Ólafsson skrifaði:

Sæll Hafþór þarna er Suðurland 1 frá Nesskipum þetta skip sökk við færeyjar og einn maður fórst með því hinum var bjargað með þyrlu frá Færeyjum .
Átt þú ekki gamlar Kaupskipamyndir þú eða þið sem lesið þetta frá mér meigið senda mér þær á gutti62@simnet.is
kv

1.9.2007 kl. 12:22

25.8.2007

Jóhanna ÁR kemur að landi.

Hér er ein frá því ég var á Skálberginu ÞH 244 á netavertíð í Þorlákshöfn. Árið er 1982 og það er Jóhanna ÁR 206 sem hér kemur að landi. Jóhanna hét upphaflega Bergvík KE 55 og var smíðuð 1959 í Danmörku.

323.Jóhanna ÁR 206 ex Bergvík KE 55.

Skrifað 25.8.2007 kl. 18:44 af HH

Bein slóð á færslu

6 álit. Bættu við áliti! | Skoða skrifuð álit

Emil Páll skrifaði:

´Fyrsta nafnið var jú, Bergvík KE 55 frá Keflavík, síðan varð báturinn Jóhanna ÁR 206 með heimahöfn í Þorlákshöfn. Þá Njörður ÁR 38 frá Stokkseyri, þá aftur Jóhanna ÁR 38 í eigu aðila í Reykjavík, sá aðili hafði einnig tvö önnur nöfn á bátnum í sama mánuðinum þ.e. Jóhanna ÁR 38 og Sædís ÁR 38 og að lokum lét þessi aðili bátinn aðeins bera nafnið Sædís. Þann tíma sem þessi aðili úr Reykjavík setti þessi nöfn á bátinn var hann eftir að hann hafði verið endurskráður í júlí 1994, en hann hafði verið úreltur í desember 1992. Ástæðan fyrir endurskráningunni var undirbúningurinn áður en að bátnum var bátnum siglt til Englands í lok júlí 1994þar sem setja átti á hann siglutré og breyta honum í tveggja mastra skúru og þaðan átti síðan að sigla skútunni til Karabíska-hafsins. Báturinn var síðan afskráður úr íslenskum skrám í júní 1998 þar sem hann hafði ekki verið skoðaður árum saman.

25.8.2007 kl. 20:52

Axel E. skrifaði:

Fín mynd Hafþór, 323 BERGVÍK KE 55 , 71 brl. sm. úr eik í Nyborg í Danmörku 1959, með Lister 400 h. Þeir sigldu saman heim nýir frá Danmörku , Bergvík Ke og Þórsnes SH 108, lentu í norðan óveðri og hörkufrosti , komu kakkísaðir í heimahöfn (Keflavík og Stykkishólm) 4.marz 1960.(á myndir )

25.8.2007 kl. 21:15

AE. skrifaði:

Það var löngu seinna settur hvalbakur á þessa báta..

25.8.2007 kl. 21:33

Sigurbrandur skrifaði:

Axel ég heyrði af þessu með Þórsnesið að það hefði verið vitlaust veður þegar það kom nýtt heim. Eru myndirnar sem þú átt af því?

25.8.2007 kl. 22:02

Gísli skrifaði:

Var ekki Grímur Karlsson skiðpstjóri í lengri tíma á Bergvík KE.
Emil páll segir " fyrsta nafnið far jú Bergvík KE 55 frá keflavík" punktur. sá tími finnst mér einmitt ansi merkilegur því báturinn var gerður út í ár 23 í eigu sömu útgerðar. þá var ansi algengt að menn stækkuðu bátanna sína og oftast var farið í það að fara út eikarbátum yfir í stálbáta. sem síðar stækkuðu aftur. Með Bergvík KE var annað uppá teningunum. því bátuinn var gerður þetta lengi út, og var skipt út fyrir skuttogarann Bergvík KE. mér sýnist að þau skipti að fara úr eikarbát yfir í skuttogara sem einstæð hérna á landi , og að öllum líkindum einsdæmi.

26.8.2007 kl. 0:53

Orri skrifaði:

Ég held að Grímur Karlsson hafi tekið Hamravíkina nýja 1963.Svon hann hefur verið með Bergvíkina í fjögur ár.

28.8.2007 kl. 17:18

23.8.2007

Sjómenn í fótbolta á sjómannadaginn 1967

Þessi mynd hér að neðan er úr safni Hreiðars Olgeirsonar og sýnir sjómenn keppa í fótbolta á sjómannadaginn 1967. Keppt var á malarvellinum við barnaskólann og á myndinn sést að keppnin hefur veruð geysihörð.

Skrifað 23.8.2007 kl. 19:20 af HH

Bein slóð á færslu

4 álit. Bættu við áliti! | Skoða skrifuð álit

23.8.2007

Æskan upp í sveit.

Sveinn Ingi Þórarinsson á skipasölunnu Álasundi sendi mér þessa mynd nýlega. Þarna er Æskan VE 222 komin upp í sveit, nánar tiltekið í Fljótshlíðina. Ég man nú þegar ég var að byrja til sjós var þessi bátur stundum að róa frá Húsavík og var þá EA 202. Sveinn Ingi spyr hvort þetta sé Bátalónsbátur, ég er ekki viss. Þá minntist hann á DAS báta, er þetta einn af þeim ?

1174.Æskan VE 222 ex Æskan GK 222.

1174.Særún EA 202 ex Dröfn SI 67.

Skrifað 23.8.2007 kl. 18:15 af HH

Bein slóð á færslu

10 álit. Bættu við áliti! | Skoða skrifuð álit

21.8.2007

Grímur ÞH 25 við bryggju á Húsavík.

Hér er enn ein mynd úr safni Hreiðars Olgeirssonar. Sýnir hún vélbátinn Grím ÞH 25 við bryggju á Húsavík. Grímur ÞH var í eigu þeirra Ásgeirs Kristjánssonar,Kristjáns Ásgeirssonar og Þormóðs Kristjánssonar á Húsavík. Grímur, sem var smíðaður á Akureyri 1953, var 8 brl. að stærð með 44 hestafla Kelvin dísel aðalvél. 1962 var sett í hann 86 hestafla Ford Parson díselvél. Grímur ÞH 25 var seldur frá Húsavík til Siglufjarðar 1969 þar sem hann hét Grímur áfram en með einkennisstafina SI 5. Þaðan var hann seldur til Akraness 1972, enn hélt hann nafninu en einkennisstafirnir AK 5. Bátnum var siglt upp í Skarðsvík á Snæfellsnesi eftir að leki kom að honum. Mannbjörg varð. Báturinn var talinn ónýtur og tekinn af skrá 6. júlí 1973. Heimild Íslensk Skip.

466.Grímur ÞH 25.

Skrifað 21.8.2007 kl. 23:17 af HH

Bein slóð á færslu

1 álit. Bættu við áliti! | Skoða skrifuð álit

20.8.2007

Bátur vikunnar er Náttfari ÞH 60.

Bátur vikunnar er Náttfari ÞH 60 sem smíðaður var 1962 í Noregi fyrir Barðann h/f á Húsavík. Hann var með 660 hestafla Lister aðalvél og mældist 169 brl. að stærð. Báturinn var lengdur árið 1966 og mældist þá 208 brl. að stærð. 7. desember 1966 var nafni og númeri bátsins breytt, hét þá Þorri ÞH 10, sömu eigendur og áður. Skipið var endurmælt 1970 og mældist þá 170 brl. að stærð. 10. febrúar 1975 var Þorri seldur Pólarsíld h/f á Fáskrúðsfirði, hét áfram Þorri en var nú SU 402. Þorri SU 402 sökk austan við Ingólfshöfða þann 18. október 1979. Áhöfnin, 10 menn bjargaðist í gúmmíbjörgunarbát og síðan um borð í Gunnar SU 139 frá Reyðarfirði. Heimild Íslensk skip.

156.Náttfari ÞH 60.

Í sögu Húsavíkur, IV bindi kemur fram að Þorri ÞH 10 hafi verið seldur vestur á Patreksfjörð og þaðan til Pólarsíldar h/f á Fáskrúðsfirði.

Náttfari ÞH 60 var fyrsti stálbátur þeirra bræðra Stefáns og Þórs Péturssona sem áttu Barðann h/f.

Hvar í Noregi var Náttfari smíðaður ?
Hver eru systurskip hans ?

Skrifað 20.8.2007 kl. 21:46 af HH

Bein slóð á færslu

6 álit. Bættu við áliti! | Skoða skrifuð álit

Hafþór skrifaði:

Ég ætla nú að giska strax að hann hafi verið smíðaður í Molde.

20.8.2007 kl. 21:55

Emil Páll skrifaði:

Þetta er rétt hjá þér Hafþór, 156 Náttfari var smíðaður í Molde. Mig minnir að 124. Jón Finnsson GK 506 nú Tjaldanes GK 525 hafi verið systurskip hans.

20.8.2007 kl. 22:27

Óskar Franz skrifaði:

156. Náttfari ÞH 60.átti 3 systurskip.
42. Eldey KE 37 kom 1960.
171. Eldborg GK 13. kom 1960.
124. Jón Finnsson GK 506. kom 1962.

Svo komu 6 skip örlítið stærri 1963-64.þau eru.
11. Arnfirðingur RE 212.
145. Lómur KE 101.
218. Vigri GK 41.
232.Ögri GK 42.
238. Eldborg GK 13.
245. Helga Guðmundsdóttir BA 77.
Öll voru þessi skip smíðuð í Bolsönes Verft AS. í Molde í Noregi.

21.8.2007 kl. 12:08

Emil Páll skrifaði:

Það má vera að Eldey og Eldborg hafi verið systurskip Náttfara og Jóns Finnssonar. En yfirbyggingin var aðeins eins á Náttfara og Jóni Finns og síðan var hún eins á Eldborgu og Eldey þó ekki eins og á hinum tveimur.

21.8.2007 kl. 15:03

Óskar Franz skrifaði:

Það sem ég á við er það að grunnteikning þessara skipa er sú sama,ekkert er óeðlilegt við að smávægilegar útlitsbreytingar verði á tveggja ára tímabili í smíði skipa eftir sömu teikning.
Svona breytingar má sjá í mörgum öðrum skipum þó grunnteikning sé sú sama.

Nefni ég þar td. 1401. 1411. 1413. 1416.en stálvinna Skarðsvíkur SH fór reyndar ekki framm í sömu skipasmíðastöð og sést það mjög greinilega.

21.8.2007 kl. 17:07

Óðinn Magna skrifaði:

Kann nokkrar sögur af því þegar Þorrinn sökk en þá var ég háseti á Guðmundi Kristini SU 404 í eigu sömu útgerðar(Eldhamar GK.) Kunningji minn þá 16 ára var á Þorranum og höfðum við verið að skemmta okkur en áður en látið var úr höfn félaginn hafi týnt skónum sínum en ég átti alveg nýja skó sem ég lánaði honum því hann hafði ekki efni á nýjum því hann varð að kaupa sér klofstígvél fyrir túrinn og var frekar blankur þegar kom að því að yfirgefa bátinn horfði hann á stígvélinn og skóna til skiftis og valdi auðvitað stígvélin en honum var umsvifalaust skipað úr þeim þegar hann kom að lunningunni hann sagði en þau eru alveg ný það breytti engu og fóru þau í sjóinn ásamt nýju skónum mínum og var mikið hlegið að þessu. Kokkurinn var að elda lambahjörtu í ofninum þegar báturinn byrjaði að hallast sagði fátt en brasaði við að halda þeim inní ofninum og reyndi allt sem hann gat til að klára að elda jós úr pönnunni ýtti hjörtunum til en ekkert gekk sagði lítið var að elda en á endanum var hann rekinn upp á dekk og í björgunnarbátinn eins og hinir sagði ekkert svo þegar allir voru komnir um borð í Gunnar SU og sátu í borðsalnum þá heyrðist í honum eins og honum var einum lagið hnjá já ( Þýðir já já) helvíti hjörtun voru alveg að verða tilbúin.

22.8.2007 kl. 0:26

19.8.2007

Fréttir af mér og mínum.

Er búin að ákveða að hafa fréttir af mér og mínum á hliðarsíðunni sem áður hét Um mig en heitir nú Fréttir af mér og mínum. Þeir sem hafa áhuga á að fylgjast með okkur verða að muna sjálfir eftir að kíkja þar inn því ekki verður minnst á það í hvert sinn. Ég geri þetta þar sem Halla Marín, elsta dóttir okkar, hyggst dvelja sem au pair stúlka á Ítalíu næsta árið. Því mun ég reyna hafa svolítið meira af fréttum af fjölskyldunni fyrir hana á síðunni og datt í hug að prófa að hafa það á hliðarsíðu. Fyrsta fréttin kom í kvöld og er hún af tannmissi Leu Hrundar yngstu systur Höllu Marínar.

Lea Hrund með tönnina góðu.

Skrifað 19.8.2007 kl. 22:45 af HH

Bein slóð á færslu

4 álit. Bættu við áliti! | Skoða skrifuð álit

19.8.2007

Mokveiði við Grænland.

Fiskaði kvótann á tíu dögum við Grænland.

Skip moka nú upp vænum þorski við austur Grænland. Togari frá þýsku útgerðarfélagi í eigu Samherja kemur til Hafnarfjarðar í fyrramálið með metafla, 700 tonn af frystum flökum.

Fram kemur í fréttum á ruv.is að íslendingar eigi engan kvóta við austur Grænland en sjómenn segja að þar hafi verið mikil og góð þorskveiði undanfarin 2 ár. Skip frá Evrópusambandinu hafa nú í fyrsta sinn í langan tíma fengið kvóta við Grænland og hafa komist í mokveiði. Þýski togarinn Kiel, sem er óbeint í eigu Samherja, hefur undanfarið veitt þorsk við austur Grænland. Skipstjórinn Brynjólfur Oddsson er eini Íslendingurinn um borð en áhöfnin er þýsk. Á 10 dögum veiddist þar allur þorskkvóti skipsins sem gerði um 700 tonn af frystum flökum.

Brynjólfur skipstjóri segir að þetta sé orðinn besti túr sem um getur á skipinu, fyrir heildaraflann fáist á bilinu 400 til 450 miljónir. Í raun hafi þeir ekki haft undan að frysta aflann, í besta halinu hafi þeir fengið 30 tonn á 15 mínútum.

Góð þorskveiði við austur Grænland vekur athygli þegar dregið er úr þorskveiði hér við land, segir Kristján Vilhelmsson útgerðarstjóri Samherja.

Skrifað 19.8.2007 kl. 20:26 af HH

Bein slóð á færslu

Engin álit, smelltu til að skrifa álit

19.8.2007

Bátar við bryggju á Húsavík 1963.

Hér er ein gömul mynd úr safni Hreiðars Olgeirssonar. Á henni sjást bátar við bryggju á Húsavík, Fanney ÞH 130 fremst og þá Freyja ÞH 125. Ég er ekki viss hver er þarna aftast.

Frá Húsavíkurhöfn 1963.
Ég hef fengið þær upplýsingar að aftasti báturinn sé Andvari ÞH 81 (278)

Skrifað 19.8.2007 kl. 15:47 af HH

Bein slóð á færslu

12 álit. Bættu við áliti! | Skoða skrifuð álit

Emil Páll skrifaði:

Báðir eiga þessir bátar langa sögu, kannski ekki í árum, heldur hafa þeir báðir verið gerðir út víða um land og undir mörgum nöfnum. Annars er saga þeirra þannig:

832. Byr NK 77 frá Neskaupstað frá 1955 til 1960 að hann varð Fanney ÞH 130 frá Húsavík. Síðan varð hann Helga Guðmundsdóttir ÞH 133 frá Húsavík, þá Húni HU 2 frá Skagaströnd, Haftindur HF 123, frá Hafnarfirði og að endingu Gísli Gunnarsson II, fyrst SH 85 og síðan SH 285 frá Stykkishólmi, þar til rétt eftir áramót 1987 að hann fór í Garðinn og raunar þá strax var hann talinn ónýtur í upphafi ársins en þó ekki afskráður fyrr en um haustið.

237. Útgerð þessa báts hófst 1930 undir nafninu Sigurður Gunnarsson GK 525 frá Keflavík. Í Reykjavík var hann síðan gerður út undir sama nafni og eins undir nafninu Freyja RE 225. Þá var hann kominn í Garðinn sem Freyja GK 275, þaðan í Ólafsvík sem Freyja SH 140, þá á Patreksfjörð sem Freyja BA 272 og síðan á Tálknafjörð undir sama nafni. Aftur kemur hann til Reykjavíkur og nú sem Freyja RE 307, þá til Keflavíkur og Hafnarfjarðar sem Freyja KE 42 og þaðan fer hann til Húsavíkur sem Freyja ÞH 125, því næst til Vestmannaeyja sem Freyja VE 125 og að endingu heitir báturinn Sigurður Þorkelsson ÍS 200 og var tekinn í Úreldingasjóð um haustið 1982.

19.8.2007 kl. 16:19

Sigurbrandur skrifaði:

Má ég leyfa mér að leiðrétta smá hjá Emil og bæta smá við varðandi Fanney. Skipaskrárnúmeriða var 398 og þessi bátur kom í Stykkishólm í nóvember 1982 og hét Gísli Gunnarsson ll SH 85 og var í eigu frænda míns Eggerts Björnssonar skipstjóra o.fl. Þeir gerðu hann út til hörpudiskveiða og lítillega í fyrstu á línu. Síðla árs 1986 keyptu þeir svo 950 Katrínu GK 98 vegna þess að gamli var orðinn lúinn og létu í staðinn úreldingarréttinn af honum uppí Katrínu GK 98. Þeir fengu svo að rífa það litla sem nýtilegt var í bátnum úr honum og síðan var hann dreginn uppí fjöru utan við Stykkishólm og brendur þar. Ég á að eiga í fórum mínum mynd af því litla sem eftir var af honum eftir það þ.e. vélin og stýrishúsið að hluta. Báturinn fór því aldrei í Garðinn, aðeins bara úreldingarrétturinn af honum sem gekk uppí 1764 Katrínu GK 98 15 tonna plastbát smíðaðan á Skagaströnd 1987.

19.8.2007 kl. 16:58

Emil Páll skrifaði:

Sigurbrandur! Leiðréttingunni tek ég mjög vel. Því ég er búinn að stara á þessa tölu og skil ekki hvernig ég gat skrifað 832, í stað 398, en sömu mistökin gerði ég einnig með hinn bátinn sem hafði nr. 421 en ekki 237. Varðandi þetta með söguna bak við úreldinguna, þá vissi ég hana, en var í raun að stytta málið.

19.8.2007 kl. 17:25

Sigurbrandur skrifaði:

Allt í góðu ég hélt bara að þú hefðir ekki vitað að báturinn fór aldrei úr Hólminum eftir að hann var talinn ónýtur. Þetta með núnerin er svo sem ekkert óeðlilegt því það er alltaf hætta á að ruglast á þessu ég er vissum að þú kannast við að stundum sér maður skipaskrárnúmer og fer að kannski að halda að þar sé allt annar bátur á ferð en raunverulega er. En það er annað sem ég er búinn að brjóta heilan um 398 Fanney ÞH. Í Íslensk skip eru eigenda skiptin sögð hafa farið fram 5. nóv 1982 og ég man að báturinn kom í Hólminn í nóvember en mér finnst eins og það hafi verið 1981 frekar en ´82. Eins og ég sagði var hann á línu fyrsta veturinn og ég fór að reyna að stokka upp fyrir frænda rétt nýorðinn 15 ára. Emil veist þú nokkuð hvort þetta er rétt tilgáta hjá mér með ártalið?

19.8.2007 kl. 18:50

Hafþór skrifaði:

Það er gaman að geta þess að bæði 398.Gísli Gunnarsson SH og 950.Gísli Gunnarsson SH voru gerðir út frá Húsavík um tíma. 398 þó öllu lengur en 950 en í nokkur ár réru báðir frá Húsavík. 398 hét þá Fanney eins og komið hefur fram og 950 hét Svanur ÞH 100.

19.8.2007 kl. 18:58

Emil Páll skrifaði:

Já Sigurbrandur, í bókinni Íslensk skip eru dagsetningar sá dagur sem þinglýsing fer fram, sem er oftast allt önnur en sá tími þegar eigandaskipti fara fram.
Þetta með númeraruglið, er vegna þess að ég hef sjálfur útbúið mína eigin skipaskrá og þar eru öll skip með númer, lika þau sem eru eldri en skipaskrárnúmerið sem fylgir skipum nú. Þau eru því í raun með tvö númer hjá mér. Misritaði ég því óvart númer frá mér í stað skipaskrárnúmerið og því fór sem fór.

19.8.2007 kl. 19:02

Sigurbrandur skrifaði:

Já það gæti skírt málið því mér fannst þetta ekki passa við það sem ég þóttist muna. Svo er þetta satt hjá þér Hafþór að það er skemmtileg tilviljunn að báðir skuli hafa verið gerðir út frá Húsavík líka. 950 er víst haffær en í dag ekki satt.

19.8.2007 kl. 19:17

Sigurbrandur skrifaði:

19.8.2007 kl. 19:21

Gunnar Th. skrifaði:

Það eru kannski svona "useless informations", en engu að síður hluti sögunnar, að þegar þessi aftari bátur var á Ísafirði sem Sigurður Þorkelsson, var þetta stýrishús tekið af honum og sett niður við Úlfsá, milli bæjanna Árbæjar og Fagrahvamms. Húsið var notað sem hænsnahús, en síðar léku börn sér í því. Það stóð rétt ofan þjóðvegarins og blasti við vegrarendum um Skutulsfjarðarbraut. Húsið var brennt fyrir nokkrum árum. Þegar það var tekið af bátnum, S.Þ., var smíðað á hann nýtt og stærra hús, klætt ómáluðum, brúnum mótakrossvið. Það var í ágætu standi þegar báturinn var sleginn af vegna þurrafúa, og var tekið af aftur. Húsinu var komið fyrir ofan við harðfiskhjall við Hnífsdalsveg, milli Hnífsdals og Ísafjarðar og er þar enn, það ég best veit.

19.8.2007 kl. 19:32

Emil Páll skrifaði:

Jú 950 er enn í notkun, raunar komin í ferðamennskuna norður í landi þ.e. á Dalvík. Þá má geta þess að um tíma var hann einnig í Garðinum hjá sama aðila og átti Katrínu og keypti úreldingaréttinn af Gísla Gunnarssyni.

Saga þess báts er eftirfarandi:
Í upphafi eða árið 1964 var hann frá Hrísey og hét þá Farsæll II EA 130 og undir því nafni var hann keyptur til Húsavíkur þar sem hann fékk síðar nafnið Svanur ÞH 100, þaðan fór hann til Reykjavíkur og varð Svanur RE 175. Þá varð hann Svanur ST 6 á Drangsnesi og aftur í Reykjavík nú sem Svanur RE 475. Í Garði varð hann næst Svanur GK 98 og síðan þar einnig hjá sama aðila Katrín GK 98, áfram varð hann í Garðinum sem Árný GK 98 þá aftur Katrín GK 98. Þegar hér var komið sögu varð það Gísli Gunnarsson II SH 85 frá Stykkishólmi, síðan var hann skráður sem SH 585 í smá tíma en hjá sama aðila og þaðan fór hann í Grundarfjörð sem Ásgeir SH 150 og síðan var númerið tekið af honum og hann hér bara Ásgeir og var frá Grundarfirði áfram, aftur fékk hann þó númerið SH 150 eftir nokkra mánuði og fór síðan til Reykjavíkur sem Fríða RE 11 og síðan RE 10 en að endingu þá fór hann á árinu 2004 til Dalvíkur og þar er hann enn sem Snorri EA 317.

19.8.2007 kl. 19:45

Sigurbrandur skrifaði:

Já mig mynnti þetta Emil og svona til að bæta við söguna um 950 þá vil ég meina að það sé alger tilviljunn að hann sé til í dag því þegar hann fékk númerið SH 585 þá var aftur verið að endurnýja Gísla Gunnarsson ll og í þetta skipti keyptur ólengdur Seyðfirðskur stálbátur 1850 Bliki SH 342 áður ÁR 40. Frændi minn og félagar létu lengja Blikan og þá þurfti rúmmetra á móti stækunn. Það var hagkvæmara að kaupa þá rúmetra sem vantaði á það og selja svo heildar rúmmetrafjöldan úr gamla (950) sem þeir og gerðu. Þeir áttu svo bátinn sjálfan áfram á skrá rúmetralausan og veltu mikið fyrir sér hvað best yrði að gera við hann, því þeir vildu ekki eiga hann og helst ekki henda honum, og á tímabili stefndi í það að svo færi því hann fór að drabbast niður við bryggju í Hólminum þegar aðili í Grundarfirði lagði loks í að kaupa hann. Og framhaldið vitum við

19.8.2007 kl. 20:19

Sigurbrandur skrifaði:

Gunnar þetta eru ekkert gagnslausar upplýsingar hjá þér. Ég fór um Hnífsdalsveginn nokkurm sinnum í fyrra haust, en bara tók ekki eftir húsinu, hvernig sem á því stendur. Kannski það sé farið? Svona er þetta víða hlutir úr gömlum bátum eins og hráviði út um allt og mismikið nýttir.

20.8.2007 kl. 11:49

19.8.2007

Víkingur 1200 og Cleopatra 38.

Hér að neðan eru tveir nýjustu bátarnir í húsvíska flotanum. Annars vegar er það Háey II ÞH 275 sem er af gerðinni Víkingur 1200 og aftan við hana liggur Sigrún Hrönn ÞH 36 sem er af gerðinni Cleopatra 38.

2757. Háey II ÞH 275 og 2736.Sigrún Hrönn ÞH 36.

Skrifað 19.8.2007 kl. 0:36 af HH

Bein slóð á færslu

2 álit. Bættu við áliti! | Skoða skrifuð álit

18.8.2007

Fleiri myndir frá komu Háeyjar.

Hér eru fleir myndir frá komu Háeyjar II til Húsavíkur.

Blómin streymdu um borð eftir að lagst var að bryggju og hér kemur Hannes Höskuldsson með stóra körfu frá Eimskip á norðurlandi.

Gunnlaugur K. Hreinsson og Árninna Ósk Stefánsdóttir ásamt syni þeirra Ágústi Má.

2757.Háey II að pósa.

Skrifað 18.8.2007 kl. 19:40 af HH

Bein slóð á færslu

1 álit. Bættu við áliti! | Skoða skrifuð álit

17.8.2007

Bátaskipti á Akureyri í október 1963

Eins og áður hefur komið fram hér á síðunni hóf afi minn, Olgeir Sigurgeirsson í Skálabrekku á Húsavík, útgerð með sonum sínum, Sigurði og Hreiðari þann 1. marz 1961. Þá keyptu þeir Njörð ÞH 44 af Sigurbirni Kristjánssyni ofl., 10 tonna bát smíðaðan á Akureyri 1925. Njörð gerðu þeir út í til haustsins 1963 en þá skiptu þeir á Nirði ÞH og Hallsteini EA 130. Hallsteinn var 22 tonna bátur smíðaður í Danmörku 1934. Þessar myndir hér að neðan tók Hreiðar Olgeirsson á Akureyri þegar þeir feðgar skiluðu Nirði af sér og tóku við Hallsteini sem þeir nefndu síðan Kristbjörgu ÞH 44, þá fyrstu af fjórum.

Hér búið að skila Nirði af sér til nýrra eigenda, ég nefni enga af þessum bátum sem sjást á myndinni en gaman væri að fá athugasemdir um þá.

Þarna var svo tekið við Hallsteini EA 130.

Skrifað 17.8.2007 kl. 21:39 af HH

Bein slóð á færslu

6 álit. Bættu við áliti! | Skoða skrifuð álit

17.8.2007

Nýr bátur til Húsavíkur.

Í morgun kom nýr bátur til heimahafnar á Húsavík. Um er að ræða 14,9 BT yfirbyggðan línubát af gerðinni Víkingur 1200. Báturinn sem heitir Háey II ÞH 275 er í eigu GPG fiskverkunar ehf. á Húsavík og var smíðaður hjá bátasmiðjunni Samtak í Hafnarfirði. Um borð í bátnum er 21 þúsund króka línubeitingavél af Mustad gerð og til að koma bátnum áfram er 720 hestafla Yanmar aðalvél. Háey II er einkar glæsileg á að líta, bæði að utan sem innan.

2757.Háey II ÞH 275.

Gulli bauð upp á veitingar og hér fær hann sér fyrstu tertusneiðina.

Konráð Sigurðsson skipstjóri á Háey II var ánægður með bátinn á heimsiglingunni.

Er búinn að setja inn myndband frá komu Háeyjar II í morgun. Þar sem ég var upptekinn með ljósmyndavélina tók Guðbergur Ægisson upp á vídeovélina fyrir mig.
Það er farið í myndbönd hér uppi hægra megin á síðunni.