Ljósmynd Hafþór Hreiðarssonn 31.12.05

Gullberg VE 292, skip Vinnslustöðvarinnar í Vestmannaeyjum (VSV) hefur fengið nýtt nafn, Kap VE 4. Gamla Kapin verður Kap II, ekki í fyrsta skipti, með VE 444. Þetta kemur fram á vef Fiskistofu.

2363.Gullberg VE 292 nú Kap VE 4.

Nú virðist eitthvað ekki passa, á vef Fiskistofu er 1062.Kap II sögð vera VE 444. Ekki er langt síðan fréttir voru af sjósetningu nýja togskipsins sem Bergur-Huginn er að láta smíða, þar er hún sögð vera VE 444.

Er einhver sem veit eitthvað um þetta og getur upplýst okkur ?

Og ein spurning í lokin, hvað hafa margir bátar frá Vestmannaeyjum borið nafnið Kap ?

Hef sett inn nokkur albúm í flokkinn Leiftur frá liðinni tíð. Eru þau frá komum nýrra skipa og báta til Húsavíkur.

1872.Geiri Péturs ÞH 344 ex Skúmur.

Með ólíkindum hvað útlit þessa skips batnaði við að mála hann fallega og loka honum að aftan.

Hér kemur seinni myndhlutinn og ættu menn þá kannski að kannast við bátinn.

Það virðist sem myndagetraunir þar sem spurt er hver er báturinn vekji áhuga margra skipa- og bátaáhugamanna. Og þar sem ég er hvattur til að halda áfram með þær set ég hér eina inn.

Síðast þegar spurt var um hver báturinn væri var mynd af báti í slipp á Húsavík. Þetta er 1240 Draupnir ÞH en hét Halkion SH á myndinni. Hann hét þar áður Hafrún ÍS 154 en upphaflega Hafrún EA 154 úr Hrísey.

Bátur vikunnar að þessu sinni er smíðaður á Neskaupsstað 1972 fyrir Hafölduna h/f á Eskifirði. Báturinn hét Hafalda SU 155 en 1974 var hann seldur suður í Garð og fékk hann þá núverandi nafn. Þorkell Árnason GK 21. Eigendur vorur Þórhallur og Ægir Frímannssynir,síðar Þorkell Árnason ehf. Eitthvað hefur nú bátnum verið breytt í gegnum tíðina, yfirbyggður 1991 og þá væntanlega skipt um brú um leið. Þá var skipt um aðalvél 1984.

1231.Þorkell Árnason GK 21 ex Hafalda SU 155.

1231.Þorkell Árnason GK 21.

Voru fleiri stálbátar smíðaðir á Neskaupsstað ?

Hvaða bát keypti Hafaldan h/f í stað 1231 ?

Setti inn albúm í flokkinn Leiftur frá liðinni tíð með myndum frá því er Björg Jónsdóttir ÞH 321 ex Höfðavík kom úr breytingum frá Póllandi 1998.

1508.Björg Jónsdóttir ÞH 321 ex Höfðavík AK 200.

Hér er komin inn mynd af Erni KE 13 sem upphaflega var með einkennisstafina RE 1, eigandi Hið almenna fiskveiðifélag.

1012.Örn KE 13 ex Örn SK 50.

Hér búið að lengja skipið, yfirbyggja það og skipta um brú.

Hvað voru mörg skip smíðuð eftir þessari teikningu fyrir íslendinga ?

Hvar voru þau smíðuð ?

Hve mörg þeirra eru enn á íslenskri skipaskrá ?

Þingey ÞH 51 er bátur vikunnar en Sjóferðir Arnars á Húsavík festu kaup á bátnum fyrir skömmu og kom hann til Húsavíkur í nótt. Þingey er 11,9 brl./13,5 bt. að stærð smíðuð á Akureyri 1983 fyrir Auðun Benediktsson á Kópaskeri sem m.a. stundaði á honum rækjuveiðar í Öxarfirði. Síðar var Nakkur ehf. í eigu Auðuns skráður eigandi bátsins allt þar til að á þessu ári kaupir Geir ehf. á Þórshöfn kaupir hann ( uppl. Fiskistofa) og flytur kvóta hans á Geir ÞH. Sjóferðir Arnars ehf., sem nýlega seldi Hafrafell ÞH til Siglufjarðar, kaupa hann svo nú af Geir ehf.

1650.Þingey ÞH 51.

Bátnum hefur verið breytt aðeins frá því þessi mynd er tekin m.a. skutlengdur.

Hvaða skipasmíðastöð á Akureyri smíðaði Þingey ?

Myndir sem Hreiðar Olgeirsson þá skipstjóri á 1420.Kristbjörgu ÞH 44 tók á rækjuveiðum í Öxarfirði fyri þó nokkru síðan.

Þingey að toga.

Þingey ÞH 51 og Már NS 87 (1470) mætast á toginu.

Þessi kampselur hefur verið að sækja okkur húsvíkinga heim af og til í haust og vetur. En það sem er kannski merkilegast að eftir að húsvískir framsóknarmenn fluttu félagsaðstöðu sína í hús við höfnina kemur selurinn og hlammar sér á flotbryggjuna þar fyrir framan þegar frammararnir koma saman. Hann var þar á laugardaginn þegar framsóknarmenn héldu upp á 90 ára afmæli sitt og því spyr maður sig hvort selurinn geti verið framsóknarmaður í álögum ? Kannski þeir séu fleiri en skoðanakannanir segja, eru bara einhvers staðar í álögum.

Framsóknarmaður í selslíki ?

Hef sett nýjan flokk í albúmi sem ég kalla "Leiftur frá liðinni tíð". Þar mun ég setja inn albúm, misstór allt frá einni mynd og upp úr, sem sýna eins og nafn flokssins gefur til kynna eitthvað frá liðinni tíð. Það geta verið 1-2 ára gamlar myndir og eldri. Fyrsta albúmið sýnir þegar Aron ÞH 150 kom að landi eftir góða dag á Skjálfanda. Þar var báturinn að rækjuveiðum og varð dagsaflinn um 18 tonn sem er einn mesti afli sem innfjarðarrækjubátur hefur komið með að landi úr einni veiðiferð.

586.Aron ÞH 105 ex Fagranes ÞH 123.

www.hbgrandi.is og www.eskja.is  greina frá því að gengið hafi verið frá samkomulagi, með tilgreindum fyrirvörum, um að HB Grandi hf. kaupi uppsjávarskipið Guðrúnu Þorkelsdóttur SU 211 af Eskju hf.. Skipið fer fer til Reykjavíkur til skoðunar milli jóla og nýjárs og er stefnt að afhendingu strax eftir áramót.

   155.Guðrún Þorkelsdóttir SU 211 ex Jón Kjartansson SU 111.

Hér er ein gömul mynd frá Akureyri tekin af Sverri Karlssyni í Grundarfirði  einhvern tímann á árunum 1965 - 1970. Á myndinni sjást m.a.  Barði NK 120 (970) tv. en hann var smíðaður fyrir Síldarvinnsluna í A-Þýskalandi 1965. Árið 1970 var nafni hans breytt í Barði II NK 118 og selt Skinney h/f á Hornafirði um haustið það ár og fékk hann nafnið Skinney SF 20. Skinney var seld til Noregs árið 1975.

Skipið th. er Sigurður Bjarnason EA 450 (181), einn tappatogaranna svokölluðu. Hann var einnig smíðaður í A-Þýskalandi. Þó ekki á Boizenburg eins og Barði heldur í Stralsund. Sigurður Bjarnason var smíðaður 1959, eigandi Súlur h/f á Akureyri.1970 var það selt Útgerðarfélaginu Höfn á Siglufirði og fékk það nafnið Hafnarnes SI 77. Hafnarnesið var selt Æðarsteini h/f á Djúpavogi 1975 og fékk  nafnið Mánatindur SU 95. Fiskverkun Garðars Magnússonar h/f  í Njarðvík kaupir skipið 1981, það heldur nafninu en fær einkennisstafina GK 240. Skipið var talið ónýtt og tekið af skrá 1983.                                                                                                                                                         Heimild Íslensk Skip/Jón Björnsson 1. bindi.

Hvað voru þeir margir bátarnir sem smíðaðir voru fyrir íslendinga í Boizenburg árið 1964 og 1967 ?

Hvað eru margir þeirra enn á íslenskri skipaskrá ?

Hvað voru tappatogararnir margir ?

Hvað eru margir þeirra enn á íslenskri skipaskrá ?

Og hana nú........ 

http://www.123.is/sverrirk

Eins og komið hefur fram hér á síðunni hafa Grímseyingar verið að kaupa báta og kvóta að undanförnu og á fréttavef eyjaskeggja er sagt frá komu þeirra. Þau Helga Mattína og Donald maður hennar eru dugleg að mynda og lánuðu þau mér myndir frá komu þessarar báta.

www.grimsey.is :

15.12.2006

Ný, stærri og betri Sæbjörg EA184.

Útgerðin Sæbjörg sem þeir eiga og reka, bræðurnir Gunnar og Sigurður Hannessynir og faðir þeirra Hannes Guðmundsson voru að fá nýja, stóra og fallega Sæbjörgu EA 184.  Sæbjörgin nýja kemur frá Ólafsvík og er 27 tonna dragnóta og netabátur. Þetta er fimmta fley þeirra feðga sem ber þetta góða nafn.Þrír til fjórir menn munu vera í áhöfninni.  Glaðir Grímseyingar tóku fagnandi á móti Sæbjörgu EA 184.  enda viðburðurinn stór fyrir alla í byggðinni þegar nýtt Grímseyjarskip siglir inn í höfnina. 

12.12.2006

Komu Gyðu Jónsdóttur EA 20 í Grímseyjarhöfn innilega fagnað.

Henning Jóhannesson og synir hans Jóhannes Gísli, Sigurður og Henning og fjölskyldur þeirra eru að vonum glaðir með Gyðu Jónsdóttur EA 20, eins árs gamlan 15 tonna netabát af gerðinni Víkingur. Feðgarnir reka Fiskmarkað Grímseyjar og Kræki á Dalvík. Gyða Jónsdóttir EA 20 er sannarlega glæsileg búbót í fiskveiðiflotann hér.

Hver þessi bátur hér á myndinni ?

Bátur vikunnar er skuttogari, Bylgja VE 75 í eigu Matthíasar Óskarssonar í Vestmannaeyjum. Bylgjan er 277 brl./451 bt. smíðuð á Akureyri 1992.

2025.Bylgja VE 75.

Bylgja VE við bryggju á Húsavík 30júlí 2005.

Íslenska sjómannaalmanakið farið í dreifingu

Íslenska sjómannaalmanakið 2007 er komið út og farið í dreifingu. Þetta nýja almanak byggir á traustum grunni en það varð til við sameiningu Sjómannaalmanaks Athygli, sem áður var kennt við Fiskifélag Íslands, og Sjómannaalmanaks Skerplu. Verður Íslenska sjómannaalmanakinu dreift án endurgjalds til áskrifenda Fiskifrétta. Aðstandendur Sjómannaalmanaks Athygli og Sjómannaalmanaks  Skerplu þakka notendum bókanna góðar viðtökur og góð ráð þau ár sem almanökin komu út undir fyrri nöfnum og vonast til að hið nýja sameinaða Íslenska sjómannaalmanak falli í jafn góðan jarðveg hjá notendum bókarinnar. www.skip.is

Í gær var ég á menningarlegum nótum og sótti tvenna stórgóða tónleika sem áttu það sameiginlegt að báðir fóru fram í kirkjum hér í Þingeyjarsýslu. Klukkan 17 lá leiðin í Húsavíkurkirkju á aðventutónleika Kirkjukórs Húsavíkurkirkju. Tónleikarnir eru í huga margra Húsvíkinga upphafspunktur jólanna og voru kirkjubekkir þéttsetnir. Tónleikarnir þóttu heppnast afbragðsvel en sungin voru hefðbundin jólalög undir stjórn Judit György við undirleik Aladár Rázc. Aðrir tónlistarmenn komu einnig við sögu, þau Steingrímur Hallgrímsson, betur þekktur sem Steini Hall, sem listavel lék á trompet og Adrianne  Davis sem lék á þverflautu. Gestasöngvari var Ína Valgerður Pétursdóttir, þekkt sem Ína Idol eftir frammistöðu sína í Idolkeppninni síðasta vetur, og stóð hún sig með miklum ágætum. Ína söng dúett með Baldri Baldvinssyni og þá söng Unnsteinn Júlíusson einsöng með kórnum í tveimum lögum líkt og Baldur.

Seinni tónleikarnir sem ég fór á voru frammí Þorgeirskirkju við Ljósavatn. Þar var færeyska dívan Eivör Pálsdóttir á ferðinni og troðfyllti hún kirkjuna. Á efnisskrá tónleikanna voru að mestu hennar eigin lög en auk þess lög annara lagahöfunda m.a. Friðriks Jónssonar frá Halldórsstöðum. Var Eivöru og hinum sænska Gustav ,sem ég er ekki viss um eftirnafnið á en hann lék á hin ýmsu hljóðfæri,mjög vel tekið af tónleikagestum. Tónleikarnir voru samstarfsverkefni Tónlistarhússins Laugarborgar í Eyjafjarðarsveit og Þingeysks sagnagarðs. Haldnir voru tvennir tónleikar, þeir fyrri í Laugarborg á föstudagskvöldið og var uppselt á þá báða.

Eivör kom , að eigin sögn, í fyrsta skipti fram í gallabuxum á tónleikunum í Þorgeirskirkju. Það kom að vísu ekki til af góðu því kjóllinn hennar gleymdist á Akureyri og maðurinn sem ætlaði að koma með hann tafðist vegna veðurs og færðar í Víkurskarði.

var að setja inn albúm með myndum sem ég hef tekið við Húsavíkurhöfn (nema af Jónasi Egils) af bátum prýddum jólaljósum. Eins eru nokkrar myndir teknar á Akureyri.

Jól við Húsavíkurhöfn í den.

Sveinbjörn Orri var ekki lengi að finna út hver báturinn er og fleiri fylgdu í kölfarið. Þetta er Guðmundur Ólafur ÓF 91.

Svona leit Guðmundur Ólafur út fyrir breytingarnar sem hann fór í þegar myndin var tekin á Akureyri.

Og svona að þeim loknum.

Jæja hér hendi ég einni mynd inn og spyr hver er báturinn ?